Zekariya 13
13
Kusalazigwa kwa-Jerusalemu
1 #
Is 1:16,17; Joh 1:29; 1 Kor 6:11; Heb 9:14; 1 Pet 1:19; 1 Joh 1:7; Ciy 1:5 Mubuzuba obo luzubo lwa-Juda abantu bakede mu-Jerusalemu bayoojalwidwa kasensa kakusalazya zibi abusofwaazi.
2 #
Kul 23:13; 2 Pet 2:1 Nkabela mubuzuba obo, mbwaamba Jehova wamakamu njoolobya mazina aamituni yamunyika, kuti atakayeeyegwi limbi. Abalo basinsimi amuuya uusofweede boonse njoobagwisya munyika. 3#Dt 13:6Lino na kukaboneke limbi muntu uusinsima-sinsima, wisi abanyina ibakamuzyala bayoomwaambila kuti, Tokooyoopona pe, nkaambo waamba zyakubeja muzina lyaJehova. Nkabela wisi abanyina ibakamuzyala bayoomuyasa mukusinsima kwakwe. 4Mubuzuba obo basinsimi boonse bayoofwa bweeme, umwi aumwi nkaambo kacilengano cakwe mukusinsima kwakwe. Takooyoosama cikobela caboya cakweena bantu pe. 5Uyooamba kuti, Mebo nsili musinsimi pe, ndi mulimi wanyika nkaambo nyika ncecaabilo cangu kuzwa kubucece bwangu. 6Alimwi na wabuzigwa kuti, Ani ezi zyuuno zili mumaanza aako nzinzi? uyoovuwa kuti, Nzenzizyo zyuumo nzindakaumwa muŋanda yabeenzuma.
7 #
Is 40:11; 53:4-6; Heb 13:20; Joh 10:30; Joh 1:29; Lk 12:32; Mt 26:31; Mk 14:27 Buka, ipanga, ukalwisye mweembeli wangu ayooyo ngutubambene awe, mbwaamba Jehova wamakamu. Uma mweembeli, kuti imbelele zimwaike, atwana njootuumya ijanza lyangu. 8#Rom 11:5Lino moonse munyika, mbwaamba Jehova, akati kabatatu bobile bayooloba awatatu uyoosyaala. 9#Is 48:10; Int 66:10; Mal 3:4; 1 Pet 1:6,7; Ciy 2:10Nkabela cipanzi catatu cisyeede, njoobiinzya mumulilo, kuti nkabasalazye mbubonya mbuli insiliva mbwiisalazigwa, akubalingula mbuli ingolida mbwiilingulwa. Elyo bayookwiilila izina lyangu, ambebo njoobavwiila. Njooamba kuti mbantu bangu, abalo bayooti, Jehova ngu-Leza wangu.
Currently Selected:
Zekariya 13: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.