Lwiimbo Lwa-Solomoni 2
2
1Ndime iduba lya-Saroni,
Impana yakukuti.
2Mbuli impana akati kamitubetube,
Mbwabede muyandwi wangu akati kabasimbinyina,
3 #
Matl 3:6; Ciy 22:1 Mbuli musamu wamaapeli akati kamisamu yamusokwe,
Mbwabede uuyandika wangu akati kabalombenyina.
Ndakakondwa kukala muceenzule cakwe,
Amicelo yakwe yakanona mumulomo wangu,
4Wakandinjizya muŋanda yapobwe,
Andembela yakwe yakundisitilizya nduyando.
5Amundisanine zibunge zyamasaansa aayanikidwe,
Amundikatalusye amicelo yamaapeli,
Nkaambo luyando lwandijaya,
6 #
Lwi 8:3
Ijanza lyakwe lyalumwensi litabilile mutwe wangu,
Ajanza lyakwe lyalulyo lindikumbate.
7Ndamulailila, nobana basimbi ba-Jerusalemu,
Ndamukonkezya munjelele amunsya zyamusokwe,
Kuti mutabusyi basikuyandana nikuba kubapilinganya,
Mane bakagondwe,
8 #
Joh 10:4
Swiilila! Ndijwi lyamuyandwi wangu!
Ngooyo wasika!
Uza busotauka atala amalundu,
Akutaaluka atulundulundu,
9Muyandwi wangu uli mbuli insya,
Na mbuli mwana wanjelele.
Ngooyo uuliimvwi
Kusule abulambo bwesu!
Ulasondela ampulunguzyo,
Ulalanga mucipulo.
10Muyandwi wangu wandaambila kuti,
Buka, O muyandwi wangu uuebeka, uboole.
11Bona! Mapeyo amana!
Imvula yaleka kuwa!
12Malubaluba aboneka ansi,
Ciindi cakwiimba casika,
Alyalo ijwi lyanziba lyamvwigwa munyika yesu,
13Inkuyu zyatalika kubizwa,
Amisaansa yafulula maluba,
Alanunkilila kabotu,
Buka, O muyandwi wangu uuebeka, uboole.
14 #
Lwi 8:13
O inziba yangu ookede munanzi zyandomba,
Mumayubilo aamampangala,
Unditondezye ciwa cako,
Akundimvwisya ijwi lyako,
Nkaambo ijwi lyako lilabotezya,
Aciwa cako cileebeka,
15 #
Int 80:13; Ezk 13:4; Lk 13:32 Amutujatile bamwaaba,
Bamwaaba baniini babisizya misaansa,
Misaansa yesu niifulula maluba,
16 #
Lwi 6:3
Muyandwi wangu nguwangu, ambebo ndi wakwe,
Uleembela mumpana.
17 #
Lwi 4:6; Lk 1:78; Rom 13:12; 2 Pet 1:19; Lwi 8:14 Mane bukace, acenzule cikamwaike,
Boola kulindime, O muyandwi wangu,
Ube mbuli insya na mwana wanjelele.
Currently Selected:
Lwiimbo Lwa-Solomoni 2: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.