Ciyubunuzyo 6
6
Zinamatizyo zili musanu acimwi mbuzyakanamatulwa
1 #
Ciy 4:6; 5:1,2,6,8 Lino ndakabona Mwanambelele naakanamatula cimwi cinamatizyo, nkabela mpawo ndakamvwa umwi wabanyama bone ulaamba ajwi lili mbuli muzumo, wati, Boola, uzoobone, 2#Zek 1:8; 6:3,6Elyo ndakabona imbizi iituba, nkabela oyo iwakakede alinjiyo wakalijisi buta, alimwi wakapegwa musini, mpawo wakainka kuya buzunda akuzunda.
3Lino naakanamatula cinamatizyo cabili, ndakamvwa munyama wabili wati, Boola, uzoobone, 4#Zek 1:8; 6:2Mpawo kwakazwa imbizi imbi, yakali kusalala, nkabela oyo iwakakede alinjiyo wakapegwa inguzu zyakugwisya luumuno ansi, kuti bakajayane, alimwi wakapegwa ipanga ipati.
5 #
Zek 6:2,6 Lino naakanamatula cinamatizyo catatu, ndakamvwa munyama watatu wati, Boola, uzoobone. Mpawo ndakabona imbizi iisia, nkabela oyo iwakakede alinjiyo wakalijisi zyeelekelo mujanza lyakwe. 6Elyo ndakamvwa ijwi mukati kabanyama bone lyakati, Mweelo wabulotwe ulaulwa isheleni, amyeelo yotatwe yabbaale ilaulwa isheleni, pele utacesyi mafuta awaini.
7Lino naakanamatula cinamatizyo cane, ndakamvwa ijwi lyamunyama wane, lyakati, Boola, uzoobone, 8#Ezk 5:12; 14:21; 29:5; 33:27; 34:28; Hos 13:14; Jer 15:3Mpawo ndakabona imbizi iisia-sia, nkabela oyo iwakatantide alinjiyo wali kutegwa ngu-Lufu, alakwe Gehena wamutobela. Elyo bakapegwa bwami bwakujaya cipanzi cane cabantu baansi, kuti bafwe amasumo, anzala, alufu, abanyama bamusokwe.
9 #
Ciy 8:5; 14:18; 16:7 Lino naakanamatula cinamatizyo casanu, ndakabona kunsi lyacipaililo myuuya yabo ibakajayigwa nkaambo kamakani aa-Leza akaambo kabukamboni mbubakajisi. 10#Zek 1:12; Int 79:10; Dt 32:43; Matl 4:10; 2 Bam 9:7; Hos 4:1Bakoongolola ajwi ipati, bati, O Mwami uusalala akusinizya, ino kusikila kuciindinzi ncoti takabeteki bantu baansi akubakoyeka nkaambo kabulowa bwesu? 11#Ciy 3:4; 7:9; Mt 23:32Lino bakapegwa umwi aumwi zikobela zi tu ba, alimwi bakaambilwa kuti baleelede kucilyokezya kaindi kaniini mane bazulile bazikenyina abanabakwabo bati jayigwe mbuli mbobakajayigwaabalo.
12 #
Ciy 11:13; 16:18; Is 13:10; Joel 2:10,31; 3:15; Mt 24:29; Mk 13:24-25; Lk 21:25; Ezk 32:7,8 Lino naakanamatula cinamatizyo camusanu mucimwi, ndakalanga, ndakabona kuti kuli muzuzumo mupati wanyika, nkabela izuba lyakasia mbi mbuli cisani caboya cisia, amweezi woonse wakasanduka mbuli bulowa, 13#Is 34:4; 13:10azyalo inyenyeezi zyakujulu zyakalokela ansi mbuli mukuyu mbuuwisya micelo yawo kiitana kubizwa, niwazunganizigwa luuwo lupati. 14#Ciy 16:20Lino ijulu lyakali kuya buya mbuli ibbuku mbulivungililwa, azyalo zilundu zyoonse atusuwa toonse zyakalonzegwa kumasena aazyo. 15#Is 2:10,19,21; 24:21; 34:12; Jer 4:29; Int 48:4; 2:2Mpoonya awo bami baansi abeendelezi abasinkondo bapati abavubi abasinguzu abantu boonse nibaba bazike nibaba bazyale bakalisisa mumigodi amumampangala aamumalundu, 16#Hos 10:8; Lk 23:30; Is 6:1; Int 47:8akwaambila malundu amandomba kuti, Amutuwide, mutusise kubusyu bwayooyo uukede acuuno cabwami akubukali bwa-Mwanambelele, 17#Joel 2:11,31; Mal 3:2; Zef 1:14,18; Rom 2:5nkaambo buzuba bupati bwabukali bwakwe bwasika, lino nguni uukonzya kwiima?
Currently Selected:
Ciyubunuzyo 6: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.