Ciyubunuzyo 13
13
Cilengano cacinyama cizwa mumaanzi
1 #
Dan 7:3,7; Ciy 11:7; 17:3,7-12 Lino ndakabona cinyama cizwa mulwizi, cakalijisi mitwe iili musanu aibili ameja aali ikumi. Atala ameja aakwe akali misini iili ikumi, nkabela amitwe yakwe akali mazina aabusanke. 2#Dan 7:4-6; Ciy 12:3Eco cinyama ncindakabona cakalikozyenye asiluwe, azituta zyakwe zyakali mbuli zituta zyanengo, amulomo wakwe wakali mbuli mulomo wamulavu. Nkabela Simwaaba wakamupa inguzu zyakwe acuuno cakwe abwami bunji. 3#Ciy 17:8Lino ndakabona kuti umwi mutwe wakwe wakaliyasidwe calufu, pele ciyaso cakwe calufu cakaponesegwa, nkabela nyika yoonse yakagamba kucinyama. 4Elyo bakakomba Simwaaba iwakapa cinyama inguzu, acalo cinyama bakacikomba, bakati, Nguni uukozyenye acinyama? Nguni uukonzya kulwana aco? 5#Dan 7:8,11,25; 11:36; Ciy 11:2; 12:6,14Lino wakapegwa mulomo uuamba makani mapati abusanke, alimwi wakapegwa inguzu zyakucikala myeezi iili makumi one amyeezi yobile. 6Mpawo wakaasamuna mulomo wakwe akusanka Leza, Wakasanka izina lyakwe aŋanda yakwe abaabo bakala mujulu. 7#Dan 7:21; Ciy 11:7Lino wakapegwa inguzu zyakulwanya basalali akubazunda, alimwi wakapegwa bwami bwakweendelezya misyobo yoonse amikowa yoonse amyaambo yoonse amasi oonse. 8#Int 69:28; Dan 12:1; Is 53:7; Ciy 12:12; 3:5; 17:8Nkabela boonse bakala ansi bayoomukomba, nkukuti abo batajisi mazina aalembedwe mubbuku lyabuumi lya-Mwanambelele iwakajayidwe kuzwa kumatalikilo aanyika, 9Oyo uujisi matwi aswiilile. 10#Jer 15:2; 43:11; Mt 26:52; Ciy 14:12Kufumbwa muntu uutola bamwi kubuzike, alakwe mwini uyootolwa kubuzike, ayooyo uujazya ipanga, alakwe uyoojayigwa apanga mbubonya. Mbuboobo mbuluboneka lukakatilo lwabasalali alusyomo lwabo.
Cilengano cacinyama cabili cizwa munyika
11 #
Ciy 16:13; Mt 7:15 Lino ndakabona cinyama cimbi cizwida munyika. Eci cinyama cakalijisi meja obile mbuli mwanambelele, pele kwaamba cakali kwaamba mbuli Simwaaba, 12Nkabela bwami boonse bwacinyama citaanzi, eci cabili cakabubelesya kumeso aceeco citaanzi. Cakasungilizya inyika yoonse abantu boonse bali mulinjiyo kuti bakombe cinyama citaanzi icakaponesegwa ciyaso caco calufu. 13#Mt 24:24; 2 Tes 2:9,10; 1 Bam 18:24-39Alimwi cilacita zigambyo zipati, cilakwela ansi mulilo kuzwa kujulu kumeso aabantu, 14#Dt 13:2-4; Ciy 19:20Aboobo cabeena boonse bakala ansi nkaambo kazeezyo zigambyo nzicakazumizigwa kucita kumeso aacinyama citaanzi. Cakabaambila abo bakala ansi kuti baleelede kucita cikozyano cacinyama eco icakayasidwe apanga pele alimwi capona. 15#Dan 3:5,6Nkabela cakapegwa inguzu zyakucipa buumi eco cikozyano cacinyama, kuti cikozyano cacinyama caambe akucitya kuti boonse ibatakombi cikozyano cacinyama bajayigwe, 16#Ciy 19:20Alimwi wabacitya bantu boonse, nibaba baniini nibaba bapati, nibaba bavubi nibaba bacete, nibaba bazyale nibaba bazike, kuti balembwe bulembo kumaanza aabo aalulyo nanka kunkumu zyabo, 17akuti kutabi muntu naba umwi uukonzya kuula nikuba kuuzya, cita uujisi bulembo, nkukuti izina lyacinyama nuuba mweelwe wazina lyaco. 18#Ciy 17:9; 15:2; 1 Bam 10:14; Ezr 2:13Mbuboobu busongo. Oyo uujisi maanu abale mweelwe wacinyama, nkaambo ngomweeIwe wamuntu, Mweelwe wakwe njemyaanda iili musanu aumwi amakumi aali musanu alimwi amusanu aumwi.
Currently Selected:
Ciyubunuzyo 13: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.