Nehemiya 4
4
Basinkondonyina mbubakasoleka kukasya milimo yakuyaka
1 #
Ezr 4:1-5; Neh 2:10; Int 2:1-4; Inc 5:17 Lino Sanibalati naakamvwa kuti tuli mukuyaka bulambo, wakakalala, wanyema loko, wasampaula ba-Juda, 2Nkabela wakaamba mumatwi aabakwabo abasilumamba ba-Samariya kuti, Ino aba ba-Juda bakompeme balacitanzi? Sa balaliyumya? Sa balapaizya? Sa balamana milimo mubuzuba bomwe? Sa balabusya mabwe kuzwa kumilwi yalusuko nkwaapiide? 3#Neh 2:10,19Alakwe Tobiya mu-Amoni kali awe. Walo wakati, Eco ncibayaka, naba mwaba uucijaana kulincico ulamwaya bulambo bwabo bwamabwe, 4#Int 123:3,4; Is 53:3; Lk 16:14; 1 Sam 17:26; Int 79:12; Tus 3:34; Hos 12:14Koswiilila, O Leza wesu, mbutwasampaulwa, Bweedezya kusampaula kwabo amitwi yabo beni. Kobaaba kukusampaulwa munyika yabuzike. 5#Int 59:5-13; 69:27; Jer 18:23; 2 Tim 4:14Utavumbi milandu yabo, azyalo zibi zyabo zitazizyanisigwi kumeso aako. Nkaambo bakukalazya kumeso aabasikuyaka, 6Elyo twakayaka bulambo. Nkabela bulambo boonse bwakamana mane kusikila akatikati, nkaambo bantu bakapangika myoyo yabo kumilimo.
7Pele Sanibalati a-Tobiya aba-Arabu aba-Amoni aba-Asidodi, nibakamvwa kuti malambo aa-Jerusalemu ali mukuyakwa, alimwi atalika kumamikwa nkwaakamwayidwe, bakanyema loko. 8#Int 2:1-3; Is 8:9,10; Inc 23:12,13Nkabela bakavwiya boonse antoomwe kuza kuzoolwisya Jerusalemu akulesya milimo. 9#Job 22:27; Int 50:15; Mt 26:41Elyo twakakomba Leza wesu, alimwi twakabika balindizi kuti babalangile isikati amasiku. 10Lino ba-Juda bakaamba kuti, Inguzu zyabasikuyumuna zyamana, alimwi lusuko lwavula loko. Tatukonzyi kuyaka bulambo. 11Abasinkondoma besu bakati, Tabakooyooziba nikuba kubona mane lumwi twasika mpoonya awo akati kabo, tubajaye akulesya milimo. 12Nkabela ba-Juda ibakakede kufwaafwi kulimbabo, nibakasika, bakatwaambila ziindi zili ikumi kuti, Baleza kuzootulwisya kuzwa kumasena conse. 13Lino ndakabika bantu kumasena aansi kusule lyabulambo, akumasena aakujulu. Ndakababamba munzubo zyabo, bakali amapanga aabo amasumo aabo amata aabo. 14#My 14:9; Dt 1:29; 10:17; Job 37:22; Heb 12:20,21,28,29; 2 Sam 10:12Elyo nindakabona, ndakanyampuka, ndaambila basilutwe abapati abantu bamwi kuti, Mutabayoowi. Amwiingasile Mwami mupati uuyoosya. Amulwide bakwanu abana banu balombe abana banu basimbi abanakazi banu amaanda aanu.
15 #
Job 5:12; Int 33:10 Lino basinkondoma besu nibakamvwa kuti makani azibwa kulindiswe, alimwi kuti Leza wapilinganya miyeeyo yabo, twakapiluka toonse kubulambo, umwi aumwi kumilimo yakwe. 16Nkabela kuzwa kubuzuba obo, cisela cabalanda bangu bakali kubeleka milimo, acisela cimwi bakalijisi masumo antobo amata azilwisyo, abalo bapati bakali kugwasya luzubo lwa-Juda, 17#1 Kor 16:13; Ef 6:10Basikuyaka bulambo, abasikuyumuna mikuli, abasikuleta, umwi aumwi wakali kubelesya ijanza lyomwe, ajanzanyina wakalijatya cilwisyo. 18Basikuyaka, umwi aumwi kajisi ipanga lyakwe kubbazu lyakwe naakayaka, Alakwe sikulizya mweembo ndakali awe.
19Lino ndakaambila basilutwe abapati abantu bamwi kuti, Milimo yakomena, mipati, pele iswe tulipambukene abulambo. Umwi aumwi uli kule kuzwa kumweenzinyina, 20#Kul 14:14; Jos 23:10; Dt 1:30; 3:22Kufumbwa kuntu nkumuswiilila ijwi lyamweembo, amuyoboloke kulindiswe nkuko. Leza wesu uyootulwida, 21Mbuboobo mbutwakabeleka milimo. Cisela cabo bakalijisi masumo kuzwa cifumofumo mane lumwi inyenyeezi zyakaboneka. 22Alimwi kuciindi eco nciconya ndakaambila bantu kuti, Muntu umwi aumwi aone muJerusalemu amulanda wakwe, kuti batulindile ciindi camasiku akubeleka milimo ciindi casikati. 23Ambebo ndemwini abakwesu abalanda bangu abantu balindizi ibakanditobela, katakwe akati kesu iwakasamununa zyakusama zyakwe, cita kuciindi cakusanzya.
Currently Selected:
Nehemiya 4: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.