Luka 14
14
Jesu mbwaakaponya simulungu
1 #
Lk 6:6-11; 11:37 Elyo naakanjila muŋanda yaumwi mupati waba-Farisi ku-Sabata kuti alye nsima, bakamulangisya. 2Mwakalimo omo mwaalumi umwi simulungu. 3Jesu wakavuwa, wakabuzya balembi aba-Farisi kuti, Sena kuliluzi kuponya ku-Sabata, na pe? 4Pele bakaumuna buyo. Nkabela wakamujata wamuponya, ndilyonya wakamuleka wainka. 5#Mt 12:11; Lk 13:15Elyo wakabaambila wakati, Nguuli akati kanu uunga imbongolo niiba ngombe yawida mucikala, sena takooigwisya cakufwambaana kubuzuba bwa-Sabata? 6Nkabela tabakwe nobakacili kukonzya kuzumanana kumakani ayo.
Cikozyano cazyuuno zyabulemu
7 #
Mt 23:6
Elyo wakabaambila cikozyano abakali kutambidwe, naakabona mbobakasala zyuuno zyabulemu, wakati kulimbabo, 8#Tus 25:6-7Anooli watambwa muntu kuya kupobwe lyakukwata, utakali acuuno cabulemu, nkaambo ambweni watambwa aumwi uukwiinda bulemu, 9elyo simeenzaanu aboola kulinduwe akwaambila kuti, Muswene oyo muntu abusena awa, ndilyonya yebo watalika kuzwa abuusu kuyookala acuuno icili munsi. 10Kwalo kuti watambwa, koya ukale kucuuno icili munsi omwini, kuti uwakutamba asika akakwaambile kuti, Mweenzuma, nyamuka uboole kumbele, ndoti jane bulemu kumbele lyabaabo boonse mbokede abo akulya. 11#Mt 23:12; Lk 18:14Nkaambo umwi umwi uulisumpula uyoofwiinsigwa, ayooyo uulifwiinsya uyoosumpulwa.
12Elyo wakaambila simeenzaakwe wakati, Kuti wacita cisusulo na cilalilo, utaambi beenzinyoko, nebaba banabakwanu, nebaba basazinyoko, nebaba mboomuyakide abo bavubi, nkaambo ambweni abalo balakutamba, ujane kubweedwa. 13#Dt 14:29Pele kuti wacita pobwe, kotamba abacete, ezilema, abatyokede, aboofu, 14#Joh 5:29nozooba acoolwe nkaambo tabakwe cakukubweedezezya, uyoobweedezezegwa kukubuka kwabaluleme,
Cikozyano cacilalilo cipati
(Matayo 22:1-14)
15 #
Lk 13:29
Mpoonya umwi ngwaakakede awe akulya, naakamvwa obo, wakamwaambila kuti, Uli acoolwe uuti kalye mikamu mu-Bwami bwa-Leza. 16#Mt 22:2-10Pele Jesu wakamwaambila kuti, Umwi muntu wakacita pobwe ipati, wakatamba banjibanji, 17nkabela wakatuma muzike wakwe kuciindi cakulya kuyooambila abakatambidwe kuti, Kamuboola nkaambo zyoonse zililulamikidwe kale. 18Nkabela boonse abo bakatalika kulikazizya ejwi lyomwe. Mutaanzi wakamwaambila kuti, Ndakaula muunda, ndileelede kuyooubona, ndakukumbila ukandikazizizye kabotu. 19Umwi wakati, Ndakaula basune abali kumi, lino ndaya kuyoobasola, ndakukumbila ukandikazizizye kabotu. 20#1 Kor 7:33Umwi wakati, Ndakakwata musimbi ncentakonzya kuboola. 21Elyo muzike oyo wakaboola, waambila mwami wakwe makani aya, Ndilyonya mwiniŋanda wakaba mukali, waambila muzike wakwe wati, Kofwamba uinke mumigwagwa amutuzila twamumunzi, ukabalete okuno abacete, ezilema, aboofu, abatyokede, 22Limwi muzike wakaamba kuti, O mwami, kwacitwa mbuli kulailila kwako, nokubaboobo mpobucili busena. 23Nkabela mwami wakaambila muzike kuti, Koya kumigwagwa akumikusi ukabagubizye banjile, kuti ŋanda yangu izyule. 24Nkaambo ndamwaambila kuti kubaalumi abo abakatambidwe taakwe aomwe uuti kasole cilalilo cangu.
Cikozyano camuyaki ecamwami
25Kwakali kweenda awe makamu makamu mapati aabantu, nkabela wakacebuka, wabaambila kuti, 26#Mt 10:37,38Anooli muntu uuza kulindime, uutasuli wisi, abanyina, amukaintu wakwe, abana bakwe, abanabakwabo, abacizi bakwe, ii, abwalo buumi bwakwe mwini, takonzya kuba sikwiiya wangu. 27#Mt 10:38; 16:24; Mk 8:34; Lk 9:23Kufumbwa muntu uutabwezi ciingano cakwe mwini akundicilila, takonzya kuba sikwiiya wangu. 28Ino nguuli akati kanu, uuyanda kuyaka ŋanda ndamfu, uutasaanguni kukala sansi, abale mali ngati yasye ŋanda, abone na ulijisi aakwiizyulizya? 29Kuti antela amane kuyaka ntalisyo, akakilwa kwiimana, boonse abiibona banoomuseka, 30banooamba kuti, Oyu muntu wakatalika kuyaka, pele taakwe naakakonzya kwiimanizya. 31Nguuli mwami uuya kuyoolwanya mwami umwi, uutasaanguni kukala sansi akuyeeya na uli enguzu abasilumamba abali mwaanda wemyaanda, kulwanya oyo uumusikila uujisi abali myaanda yobile yemyaanda? 32Kwataba boobo, umwi kacili kulekule, ulatuma abayoomuzibya kuti walibonzya kulinguwe. 33Mbubonya obo, umwi umwi kulindinywe uutaleki zyoonse nzyajisi, takonzya kuba sikwiiya wangu. 34#Mt 5:13; Mk 9:50Munyo mubotu, pele awalo munyo kuti wasampuka, ino ulalunzigwa buti? 35Tuuelede mumuunda nekuba kuyobwedwa mbolela, Pele ulasoogwa buyo. Uujisi matwi aakuswiilizya, aswiilile.
Currently Selected:
Luka 14: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.