Jobu 42
42
Jobu ulalibombya kunembo lya-Leza, Leza ulamulongezya kwiinda kukutaanguna
1Elyo Jobu wakamuvuwa Jehova, wati,
2 #
Jer 32:17; Mt 3:9; Mk 14:36; Lk 1:37; Ef 3:20 Ndilizi kuti ulakonzya kucita zyoonse,
Kuti oko nkokanza takukwaalili,
3 #
Job 38:2; 1 Tim 1:7; Int 40:5 Ndakainganya makanze aa-Leza cakutayeeya;
Ndakaamba cakutasongwaala zintu zigambya ziindilila luzibo lwangu.
4 #
Job 38:3
Undiswiilile, njooamba;
Njookubuzya, ukandivuwe.
5 #
Rom 10:17; My 12:8,9; Is 6:1 Ndakalimvwide amatwi buyo and uwe,
Pele lino meso aangu abona.
6Aboobo ndalinyansya,
Ndapubuka mukasuko amutwe.
7Elyo Jehova naakamana kwaamba boobo kuli-Jobu, Jehova wakamwaambila Elifazi waku-Tema kuti, Lunyemo lwangu lulapya kulinduwe akubazwalani bako bobile, nkaambo teemwakaamba ciluzi andime mbuli mbwaakaamba Jobu muzike wangu. 8#My 23:1; Heb 10:4; Mt 5:24; Matl 20:17; Heb 7:25; Jak 5:16Lino, kamuya kuli-Jobu mulanda wangu, mutolelele abasune bali musanu ababili abagutu bali musanu ababili; amulipaizizye anzizyo cipaizyo euumpwe, elyo Jobu mulanda wangu uyocmupailila; akaambo kanguwe nsikamunyonyooni mbuli mbokweelede kutaloma kwanu; nkaambo teemwakaamba ciluzi andime mbuli mbwaakaamba Jobu mulanda wangu. 9Aboobo Elifazi waku-Tema, a-Bilidadi waku-Suwa, a-Zofari waku-Naama bakeenda akucita mbubonya mbwaakabaambila Jehova. Jehova wakatambula mupailo wa-Jobu. 10#Job 1:1-3; Is 40:2Alimwi Jobu naakapailila bazwalani bakwe, Jehova wakasandula zyoolwe zyakwe; Jehova wakapa tobile kuli-Jobu kwiinda nzyaakajisi kusaanguna. 11#Job 19:13Elyo bakeza kulinguwe banabakwabo, abacizi bakwe abazwalani bakwe bakaindi; bakaiya antoomwe alakwe muŋanda yakwe, bakamulwazya akumuumuzya akaambo kamapenzi Jehova ngaakamuletela; boonse umwi aumwi bakamupa idi anwenwe yangolida. 12#Job 8:7; 1:3Mbubonya Leza mbwaakalongezya mamanino aabuumi bwa-Jobu kwiinda matalikilo; wakalijisi zyuulu zili kumi azyuulu zyone zyambelele, azyuulu zyosanwe acimwi zyankamele, azyuulu zyobile zyabasune, acuulu cambongolo-nzyazi. 13Wakalijisi bana balombe bali musanu ababili abana basimbi botatwe. 14Wakaulika mupati izina kuti, ngu-Jemima, awabili Keziya, awatatu Kerenihapuki. 15Munyika yoonse teekwakajanwa basimbi beebeka mbuli bana ba-Jobu; wisi wakabapa kuti bakone lukono lwakwe mbuli banabakwabo. 16#Job 5:26Munsi lyakooku, Jobu waka pona myaka iili mwaanda amyaka iili makumi one; wakabona bana bakwe abana babo kusikila kumazyalani one. 17#Matl 25:8Elyo Jobu wakafwa, kacembeede, kaponede buumi bulamfu.
Currently Selected:
Jobu 42: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.