Jobu 34
34
Leza Singuzuzyoonse uliluleme; muntu uleelede kulibombya kunembo lyakwe
1Elihu wakacaamba wati,
2Amumvwe majwi aangu nobasongo;
Amundiswiilile inywe nomujisi luzibo;
3Nkaambo kutwi kula sola majwi
Mbuli cilakwila mbocilabila cakulya.
4Elyo atulisalile eco ciluzi;
Atulyaambile eco cibotu,
5 #
Job 33:9; 27:2 Jobu ulaamba kuti tajisi mulandu,
Pele ngu-Leza wakamubisizya;
6 #
Job 9:17
Nekuba ndililuzi, Leza ulaandaamba kube;
Ulandiyasa calufu kantajisi mulandu, mbwaamba.
7Sa kwakaliwo muntu uuli mbuli Jobu
Uuguumwina masampu mbuli maanzi,
8Uuyanzana ababi
Akweenda abantu basampukide?
9 #
Job 9:22
Nkaambo wakati, Tacileti mpindu
Kuti muntu ayanzane a-Leza,
10 #
Matl 18:25; Dt 32:4 Aboobo amuswiilile nywebo nobasongo;
Kacili kule a-Leza kuti acite bubi,
Akuli-Singuzuzyoonse kuti alubizye.
11 #
Int 62:12; Tus 24:12; Mt 16:27; Ciy 22:12 Kumilimo yamuntu ulajola mbubonya
Akumucita kuti ajane mbubonya mbuli mbwacita.
12Pe, Leza takooyoocita cibi,
Singuzuzyoonse takaciti cakutaloma.
13Nguni wakamupa nguzu kunyika?
Ulelelani nyika yoonse?
14 #
Muk 12:7
Kuti najosya muuya wakwe
Akunyanga nyika luyooyo lwakwe,
15Mikowa yoonse niiyoofwidilila antoomwe;
Muntu nayoojokela kubulongo.
16Alimwi, kuti kokonzya kumvwisya,
Koteelela majwi aangu:
17 #
Matl 18:25
Sena uulwanya baluleme ulakonzya kulela?
Inga ulamwaamba Leza uuli anguzu, uulomene,
18Uumwaambila mwami kuti mucengi,
Abanene kuti mbabeji,
19 #
Dt 10:17
Uutakasalululi bana babami,
Na bavubi kwiinda bacete?
Boonse nzilenge zyamaanza aakwe,
20Mukaindi kaniini, atene akati kamasiku, bafwa;
Bavubide baanzuka,
Abalaanguzu bazimina.
21Nkaambo meso aa-Leza ali kumuntu;
Ulalanga ntaamo zyakwe zyoonse.
22Taakwe mudima, na eenzule calufu,
Babi nkobakonzya kuyuba.
23 #
Ezr 9:13
Takuyandiki kuti Leza aimike ziindi zyalubeta
Kuti amubeteke muntu;
24Ulapwaya bantu balemu kaatakwe lubeteko,
Akubika bambi mumasena aabo;
25Ulabatingamuna masiku
Nkaambo ulizi ncobacita;
26Ulabapobola babi mukukalala kwakwe,
Ampela lyabantu boonse,
27Nkaambo baleya kuzwa kukumutobela,
Akunyansya milao yakwe,
28 #
Muk 5:8; Jak 5:4; Kul 22:23; Int 34:17; Muk 3:16,17 Mane kulila kwabatyankwa ansi akwabapengede,
Kwamvwigwa nkwabede.
29Kuti watacita cintu, nguni uunga ulamwaamba?
Kuti wabaleka buyo, nguni uunga ulamubikila mulandu?
30 #
Tus 29:2-12; 1 Bam 12:28-30 Nekubaboobo kuli kasimpe kuti ulalanga bantu amikowa
Kuti kutaleli oyo uuyanda kucenga bantu.
31Koamba kuli-Leza kuti, Nkaambo kakutundululwa,
Nsikooyoobisya limbi;
32Kondiisya ncintaboni;
Alimwi kuti ndabija, nsikooyoocita boobo limbi.
33Leka Leza kuti akucitile mbwayanda;
Kusala ncaelede kucita nkukwakwe, teensi kwako.
Uambe ncoyanda,
34Pele bantu bayeeya bayoozumina mbweŋamba,
Awalo woonse muntu musongo uundimvwa,
35 #
Job 38:2
Kuti Jobu ulaamba cakutayeeya,
Majwi aakwe taakwe busongo.
36Jobu uleelede kupenga cakumaninina
Akaambo kakuvuwa kwakwe kusampukide!
37Nkaambo ulayungizya luzango kuzibi zyakwe
Akucita ntabuluzyo, akuzyaamba a-Leza.
Currently Selected:
Jobu 34: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.