Jobu 31
31
1 #
Mt 5:28
Ndabika lukasyo ameso aangu,
Elyo awalo musimbi teendakamulanga.
2Nimpindunzi iijanwa kuli-Leza?
Singuzuzyoonse inga ulapanzi kuliceeco?
3Teensi lunyonyooko kubabi sena?
Sa taluli lusaalo kulibamucita zibi?
4 #
2 Mak 16:9; Job 34:21; Tus 5:21; Jer 32:19 Lino taboni sena ncincita,
Akubala ntaamo zyangu?
5Kuti na ndeenda cakutasinizya,
Kuti maulu aangu naafwambaana kukweena;
6(Leza kandipima mucipimino cabululami
Kuti abone bulome bwangu:)
7 #
My 15:39; Muk 11:9; Ezk 6:9; Mt 5:29 Kuti nandalubila anzila,
Kuti na moyo wangu watobela meso aangu,
Kuti maanza aangu naabisigwa akabala;
8Elyo bamwi kabalya ncindabyala,
Azisyango zyangu kazizyulwa,
9Kuti moyo wangu nawakongwa amwanakazi,
Kuti nandalindila kumulyango wamweenzuma;
10Elyo banangu ndemwini kaba muzike wabamwi,
Abe mumambe waumwi,
11Nkaambo bwaamu mulandu mubi loko,
Ngumulandu uuelede kubetekwa mululeta;
12Ngomulilo uutenta buumi kuti bumaninine do,
Akuumpa zyoonse nzejisi,
13Kuti nandaleka kaambo kamuzike wangu,
Na mwaalumi, na mwanakazi;
14Inga ndayeeya kucitanzi Leza nabuka;
Kuti wanditapatila inga ndaamhanzi?
15 #
Job 34:19; Tus 14:31; Mal 2:10; Ef 4:6 Sa mulengi wangu nguwakalenga alakwe muzike?
Teewakatucita katweelene mucizyalilo?
16Teendakali kwiima mucete ncaakayanda,
Teendakaleka mukamufu kuti abule zyeelede;
17Teendakalya nsima yangu
Akutayaabila bamucaala;
18Nkaambo, mbuli taata, Leza wakandilela,
Kandilondola kuzwa kukuzyalwa.
19Kuti nendakabona uupenga nkaambo kakubula zyakusama,
Keenda acinswe,
20Kuti nandakaleka kumukasaazya amapayi aangu,
Mane wakandeleka akaambo kakumuvumba;
21Kuti nandakasesa kulibatajisi mulandu,
Nkaambo ndakalizi kuti kukosola nkukwangu;
22Elyo ikuko lyangu kaliwa kuciwezo calyo,
Kuboko kakutyoka kuzwa kumubalo.
23Nkaambo kuyoowesya kwangu Leza kwakandikasya;
Teendakakonzya kucita boobo akaambo kabusumpuke bwakwe.
24Nindakasyoma mungolida,
Na kuyaka zyoonse atala angolida iisalala;
25Nendakasekelela nkaambo buvubi bwangu bwakakomena,
Nkaambo maanza aangu akalibungikide lubono;
26 #
Dt 4:19; 11:16; Jer 8:2; Ezk 8:16 Nendakalanga zuba kalibala,
Na mwezi ulaya mubulemu,
27Akuleka moyo wangu kuti ukombe kulinguwo,
Kanduumyankutila janza;
28 #
Jos 24:23,27; Tus 30:9; Is 42:8; Tit 1:16; 2 Pet 2:1; 1 Joh 2:23 Aceeco mulandu weelede kutundulukwa,
Nkaambo inga nindatama Leza uuli mujulu.
29Nendakakondwa akunyonyooka kwauundwanya,
Na kusekelela kuti wawidwa bubi;
30 #
Mt 5:44; Rom 12:14 Nekuba kucita cibi
Akukumbila lufu lwakwe mukumusinga;
31Bantu baŋanda yangu kuti kabatanaamba kuti,
Nguni ootabotelwi azyakulya zyakwe?
32 #
Matl 19:2; Heb 13:2; 1 Pet 4:9 (Nkaambo taakwe mweenzu wakalekwa kuti aone munzila,
Ndakali kumujalwida silweendo mulyango wangu.)
33Kuti nandakasisa zibi zyangu kuzwa kubantu,
Akuvumba mulandu wangu,
34 #
Kul 23:2; Tus 29:25 Nendakakala muŋanda nkengumwine,
Nkaambo kakuyoowa ncoinga yaamba nkamu yabantu,
Ancobanga bayeeya banamaleya—
35Ino! Ndaambanzi? Nendaswiililwa!
Nendajana luvuwo luzwa kuli-Singuzuzyoonse!
Nendalijisi luzekelo uundwanya ndwandilembede!
36Nendaluyumuna aciwezo cangu,
Nendalusama mbuli munsini,
37Nendanjilila kulinguwe mbuli mwami,
Akumwaambila zyoonse zyamubuumi bwangu.
38Nendakabikwa mulandu anyika yangu,
Mifolo neyatongooka amisozi,
39Kuti na ndakatebula kanditanabbadela balimi,
Atene kuti ndakajaya balaanyika;
40Mamvwa kaakomena mucilao camaila;
Mubusena bwabbaale kaluba lusyanga.
Currently Selected:
Jobu 31: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.