Jobu 15
15
Elifazi ulasinsa Jobu akaambo kakulisumpula kwakwe akutondezya mamanino mabi aabali boobo
1Lino Elifazi mu-Temani wakavuwa wati,
2Sena muntu musongo ulasakatila boobo
Akulizuzya amuuwo?
3Sa ulazumanana kaamba zyabuyo,
Amajwi aatamucitili cintu?
4Ulaubya buyo luzumino,
Ulacesya lulemeko kunembo lya-Leza.
5Mbubi bwako bwiisya milomo yako,
Akucita kuti usale majwi aabucenjezi.
6Ikkanwa lyako omwini lilakujanya mulandu, teensi ndime;
Milomo yako omwini iikubejelezya,
7 #
Tus 8:25
Ndonduwe sa mutaanzi kukuzyalwa?
Sa wakalengwa kaatana kulengwa malundu?
8 #
Mt 11:25; Rom 11:34; 1 Kor 2:11 Uli kamboni wa-Leza sena?
Uli sibusongo boonse sa?
9 #
Job 13:2
Ulizinzi ncotutazi iswe?
Wateelelanzi ncotwatateelela?
10 #
Dt 32:7; Job 8:8-10; Tus 16:31 Akati kesu nkobali basimvwi abanene
Bajisi myaka minji kwiinda uso.
11Sa kulinduwe ingumuzyo zya-Leza tazikwe makani,
Majwi aakukululamika caluse?
12Ulekelanzi moyo wako kuti ukulele?
Aambanzi meso aako,
13Kuti unyemene Leza Akwaamba nzangilo?
14 #
Job 25:4-6; 14:4; Int 14:3; Tus 20:9; Muk 7:20; Rom 7:18; Ef 2:2,3 Muntu ninzi kuti akonzye kusalala?
Uuzyalwa kumwanakazi uyoolulama buti?
15 #
Job 25:5
Langa, takonzyi kusyoma baangelo bakwe;
Alyalo ijulu talisalali kumeso aakwe:
16 #
Int 14:3; Tus 19:28 Mbuti kai kumuntu uusofweede uucima,
Muntu uunywa bubi mbuli maanzi!
17Swiilila, ndakwaambila;
Ncindakabona ndakukananina.
18 #
Matl 18:19
(Ncibakalungulula basongo,
Ncibakasiilwa abamawisi aabo,
19 #
Joel 3:17
Nebakakala abalike mucisi
Kabatananjililwa beenzu).
20 #
Int 90:12
Muntu mubi ulapenzegwa mumoyo mubuumi bwakwe boonse,
Mumyaka yoonse iibikilwa sikwiinga bamwi.
21 #
1 Tes 5:3
Lyoonse mumatwi aakwe ulamvwa ziyoosya;
Musaali inga ulamuvubuluzya,
22Tayeeyi kupononoka,
Pele kufwa buyo aceba
23 #
Int 59:15; Job 18:12 Ulazunga buyo kayandaula cakulya kuti, Cili kuli?
Ulizi kuti buzuba bwamudima buli afwaafwi.
24Kupenga akulebuluka zilamuyoosya;
Zilamulwanya mbuli mwami uulibambilide kulwana.
25 #
Mal 3:13
Nkaambo wasumuna Leza
Akulisumpula kuli-Singuzuzyoonse,
26Kamuvuumukila cakulidundaizya
Munsi lyantobo yakwe njumu:
27 #
Int 17:10
Nkaambo kakuti kaneneede mukukupuka kwakwe,
Akunenesya mukuvuba kwakwe,
28Waliyakulwida minzi
Akukala mumaanda aateelede kuti muntu akale mulingao,
Pele kuba matongo.
29Nekubaboobo, ncajana taciyoboli,
Alimwi ncabelekela tacitebuli.
30 #
Job 4:9; Is 11:4; Ciy 19:15 Ucikede mumudima;
Mitabi yakwe ilapusama mukupya,
Abusonje bwakwe bulavupulwa aluuwo.
31 #
Int 62:10; Is 59:4 Kaatasyomi muzintu zyabuyo kalyeena,
Nkaambo uyoovola zyabuyo.
32 #
Job 22:16; Int 55:23 Mitabi yakwe ilafwaambaana kunetuka,
Zisyuuko zyayo kazitana kusiasia.
33Ulalosya micelo yakwe iitabizwa mbuli musaansa, A
kukulumbusya maluba aakwe mbuli maolifa,
34 #
Is 33:14
Nkaambo batayoowa Leza niŋanda yabuzundi;
Alimwi mulilo ulanyonyoona maanda aabasimasinka-milomo.
35 #
Int 7:14; Is 59:4 Baminta bubi aboobo balazyala bubi;
Ida lyabo lilababambila kutyompwa buyo.
Currently Selected:
Jobu 15: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.