Jeremiya 26
26
Jeremiya mbwaakasinsima lunyonyooko lwantempele. Bapati bacisi mbubakayanda kumujaya
1 #
2 Bam 23:36–24:6; 2 Mak 36:5-7 Kumatalikilo aabwami bwa-Jehoyakimu mwana wa-Josiya mwami wa-Juda, aya makani akasika kuzwa kuli-Jehova. 2#Jer 7:2; 19:14; Lk 19:47,48; Joh 8:2; Kul 23:14; Dt 12:5; Mt 28:20; Inc 20:27Mbuboobu mbwaamba Jehova. Ima kulubanza lwaŋanda ya-Jehova, ukaambile bantu baminzi yoonse yacisi ca-Juda basika kuzookomba muŋanda ya-Jehova. Kobaambila majwi aya oonse ngendakulailila. Utasotoki ijwi niliba lyomwe. 3#Jer 36:3; 18:8Ambweni bayooswiilila, ambweni bayooleka umwi aumwi bubi bwanzila yakwe, elyo njookonzya kuleka mapenzi ngendili mukuyeeya kubaletela nkaambo kabubi bwamilimo yabo. 4#Lev 26:14; Dt 28:15Uleelede kubaambila kuti, Mbuboobu mbwaamba Jehova. Na mwakaka kundiswiilila, akweenda mumulao wangu ngundibikide kumeso aanu, 5#Jer 7:13akuswiilila majwi aabalanda bangu basinsimi mbendamutumina, mbendamutumina ciindi coonse nekuba kuti mwakaka kumvwa, 6#1 Sam 4:10; Jos 18:1; Int 78:60; Is 65:15; Jer 7:12-14lino njoocita kuti iŋanda eyi ibe mbubonya mbuli Silo, awalo munzi uno uyooba lutuko kuzisi zyoonse zyaansi.
7Lino bapaizi abasinsimi abantu boonse bakamvwa Jeremiya ulaamba majwi aya muŋanda ya-Jehova. 8#Am 5:10; Mt 27:20Nkabela Jeremiya naakamana kwaamba makani oonse Jehova ngaakamulailila kwaambila bantu boonse, ndilyonya bapaizi abasinsimi abantu boonse bakamujata, bati, Ncobeni ulafwa! 9Nkaambonzi wasinsima muzina lya-Jehova aya majwi aakuti iŋanda eyi iyooba mbuli Silo, amunzi Oyu uyooba itongo buyo litakwe bantu? Nkabela bantu boonse bakayoboloka Jeremiya nkwaakabede muŋanda ya-Jehova.
10 #
2 Bam 15:35
Lino basilutwe ba-Juda, nibakamvwa aya makani, bakazwa muŋanda yamwami akusika kuŋanda ya-Jehova, nkabela bakakala mumanjililo aaMulyango Mupya waŋanda ya-Jehova. 11#Jer 38:4; Mt 26:61Elyo bapaizi abasinsimi bakaambila basilutwe abantu boonse kuti, Oyu muntu uleelede kufwa, nkaambo wasinsima majwi aakusampauzya munzi uno, mbubonya mbumumvwide amatwi aanu nubeni.
12Mpoonya awo Jeremiya wakaambila basilutwe boonse abantu boonse kuti, Jehova nguwakandituma kukusinsima aaŋanda eyi amunzi uno majwi oonse ngemumvwide. 13#Is 1:19; 55:7; Jer 7:3; 35:15; 36:3; Hos 14:1,2Lino amubotye inzila zyanu amilimo yanu, akuswiilila ijwi lya-Jehova Leza wanu, lino Jehova inga unooleka mapenzi ngaamba kumuletela. 14#Jer 38:5Pele mebo ndi mumaanza aanu. Amundicitile kufumbwa cintu cibota akululama mumeso aanu. 15Nekubaboobo amuzibe calusinizyo kuti, na mwandijaya, muyooliletela, inywe nubeni amunzi uno abantu bakede mulinguwo, mulandu wakutila bulowa bwamuntu uutakwe kaambo, nkaambo ncobeni Jehova nguwakandituma kulindinywe kuti nkakambauke majwi aya oonse mumatwi aanu.
16Mpoonya awo basilutwe abantu boonse bakaambila bapaizi abasinsimi kuti, Muntu oyu teelede kufwa pe, nkaambo watwaambila muzina lyaJehova Leza wesu. 17#Inc 5:34Nkabela bamwi bapati banyika bakanyampuka, bakaambila bantu boonse babungene kuti, 18#Mik 1:1; 3:12Mika waku-Morese wakali kusinsima mumazuba aa-Hezekiya mwami wa-Juda, nkabela wakaambila bantu boonse ba-Juda kuti, Mbuboobu mbwaamba Jehova wamakamu: Ziyoni uyoolimwa mbuli muunda, a-Jerusalemu uyooba malwi malwi, acilundu cantempele ciyooba mbuli kalundulundu kamusokwe buyo. 19#2 Mak 32:26; Kul 32:14; 2 Sam 24:16; Inc 5:39Sa mwami Hezekiya abantu boonse ba-Juda bakamujaya na? Sa takakayoowa Jehova akutontozya busyu bwa-Jehova? Lino Jehova sa takakaleka mapenzi ngaakaamba kubaletela? Pele swebo twaamba kuliletela mapenzi mapati tubeni.
20Alimwi kakuli muntu aumwi iwakasinsima muzina lya-Jehova, Uriya mwana wa-Semaya waku-Kiriati-Jearimu. Wakasinsima aamunzi uno anyika ino majwi aakali mbubonya mbuli majwi aa-Jeremiya. 21#2 Mak 16:10; 24:21; 1 Bam 19:3Lino mwami Jehoyakimu abasinkuta bakwe abasilutwe bakwe boonse, nibakaswiilila majwi aakwe, mwami wakayanda kumujaya, lino Uriya naakamvwa wakayoowa, wakacijila ku-Egepita. 22#Int 12:8; Tus 29:12Elyo mwami Jehoyakimu wakatuma bantu ku-Egepita, Elinatani mwana wa-Akiboro abantu bamwi ibakamusindikila ku-Egepita, 23#Mt 23:31nkabela bakagwisya Uriya kuzwa ku-Egepita akumusisya kumwami Jehoyakimu, elyo bakamujazya ipanga akusoowa mutunta wakwe mumavwikilo aabantu buyo.
24 #
2 Bam 22:12-14; Jer 39:14 Pele ijanza lya-Ahikamu mwana wa-Safani lyakagwasya Jeremiya, aboobo taakwaakaabwa mumaanza aabantu kuti bamujaye.
Currently Selected:
Jeremiya 26: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.