Jeremiya 24
24
Cilengano cantwida zyobile zyankuyu
1 #
Am 7:1; 2 Bam 24:12; 2 Mak 36:10; Jer 22:24 Lino Nebukadinezara mwami wa-Babuloni naakamana kugwisya bantu kuzwa ku-Jerusalemu, nkukuti Jekoniya mwana wa-Jehoyakimu mwami wa-Juda abasilutwe ba-Juda abasimilimo abafuzi boonse, akubatola mubuzike ku-Babuloni, Jehova wakandipa cilengano cantwida zyobile zyankuyu zilitulidwe kunembo lyantempele ya-Jehova. 2Intwida imwi kiijisi inkuyu imbotu loko, mbubonya mbuli inkuyu iitaanguna kubizwa, pele intwida yabili kiijisi inkuyu imbi loko, zitakonzyi kuligwa nkaambo kabubi bwazyo. 3Lino Jehova wakandibuzya kuti, Ncinzi ncobona, Jeremiya? Ndakati, Ndabona inkuyu; inkuyu zimwi nzibotu loko, ankuyu zimwi nzibi loko zitakonzyi kuligwa nkaambo kabubi bwazyo.
4Mpoonya awo ijwi lya-Jehova lyakandisikila liti, 5#Zek 13:9; Heb 2:11Mbuboobu mbwaamba Jehova Leza wa-Israyeli, Mbubonya mbuli inkuyu ezi imbotu, mbubonya obo mbubabede mumeso aangu bantu ba-Juda batolwa mubuzike, mbendakagwisya kuzwa okuno akubatuma kunyika yaba-Kasidi kuti bajane coolwe. 6#Ezk 36:24; Jer 12:15; 23:3; 32:41; 33:7Njoobadongomwena meso aangu kukubapa coolwe. Njoobaboozya kunyika ino. Njoobayaka, nsikooyoobamwaya. Njoobazikila, nsikooyoobanonkola pe. 7#Dt 30:6; Is 51:16; Ezk 11:19; 14:11; Jer 7:23; 30:22; 29:13; Zek 8:8; Int 119:2Nkabela njoobapa moyo wakuziba kuti ndime Jehova, lino bayooba bantu bangu, ambebo njooba Leza wabo, nkaambo bayooboola kulindime camoyo woonse.
8 #
Jer 29:17; 43:1 Pele mbuboobu Jehova mbwaamba aankuyu imbi zitakonzyi kuligwa nkaambo kabubi bwazyo. Mbubonya obo mbubayooba kulindime Zedekiya mwami wa-Juda abasilutwe bakwe abantu bacisyeede mu-Jerusalemu abaabo bacisyeede munyika ino abaabo bakede munyika ya-Egepita. 9#Int 44:13Njoobabika kuti babe ciyoosyo kuzisi zyoonse zyanyika, izina lyabo libe lusampauko akasimpi, ijwi lyakuweezya alyakutukizya, akati kabamasi boonse nkubatandidwe. 10Njoobatumina ipanga anzala amalwazi mane lumwi bakanyonyooke mpoonya awo anyika eyo njindakabapa balo abamawisaabo.
Currently Selected:
Jeremiya 24: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.