Jeremiya 22
22
Jeremiya mbwaakacenjezya mwami wa-Juda
1Mbuboobu mbwaamba Jehova. Seluka kuya kuŋanda yamwami waJuda, ukaambe nkuko majwi aya. 2Amba kuti, Swiilila ijwi lya Jehova, O mwami wa-Juda nokede acuuno ca-Davida, webo abalanda bako abantu bako boonse banjila mumilyango eyi. 3#Is 58:6,7; Jer 7:23; Mik 6:8; Zek 7:9; Mt 23:23Mbuboobu mbwaamba Jehova. Amubeteke cakululama, amuvune uubbididwe mumaanza aasikubba; mutapenzyi nikuba kubisizya mweenzu amucaala amukamufu, alimwi mutatili bulowa bwabaabo batakwe milandu mubusena obuno. 4#Jer 17:25Nkaambo na mwacita obo ncobeni, lino mumilyango yaŋanda eyi muyoonjila bami bakala acuuno cabwami bwa-Davida, balitantide ankalaki ambizi, balo abalanda babo abami babo. 5#My 23:19; 1 Sam 15:29; Int 95:11; Am 6:8; Heb 3:18; Mt 23:38; Lk 13:35Pele na mwakaka kuswiilila majwi aya, lino ndakonka muzina lyangu ndemwini, mbwaamba Jehova, kuti iŋanda eyi iyooba matongo. 6#Mik 3:12Nkaambo mbuboobu Jehova mbwaamba aaŋanda yamwami wa-Juda. Mumeso aangu uli mbubonya mbuli Gileadi na mutwe wa-Lebano, nekubaboobo ncobeni njookulobya, ube inkanda buyo, munzi uutakalwi bantu. 7#Is 37:24; Jer 21:14Njookubambila basikunyonyoona, umwi aumwi azilwisyo zyakwe, nkabela bayoogonka misamu yakedari yako mibotu akwiiwaala mumulilo. 8#Dt 29:24; 1 Bam 9:8Lino bamasi banji bayooinda kumunzi uno, nkabela bayoobuzya umwi aumwi kumweenzinyina kuti, Nkaambonzi Jehova waucitila obo, munzi oyu mupati? 9#2 Bam 22:17; 2 Mak 34:25Elyo kuyoovuwigwa kuti, Nkaambo kakuti bakamwaya cizuminano ca-Jehova Leza wabo, bakakotamina baleza bambi akubamanina milimo.
Jeremiya mbwaakasinsima aa-Salumu
10 #
2 Bam 22:20; Is 57:1,21 Mutalili oyo uufwide, mutamoomoki pe. Amulile oyo uutoledwe, nkaambo takooyooboola limbi kubona nyika njaakazyalilwa. 11#1 Mak 3:15; 2 Bam 23:31-34; 2 Mak 36:1-4Nkaambo mbuboobu Jehova mbwaamba aa-Salumu mwana wa-Josiya mwami waJuda, oyo iwakalya izina lyawisi Josiya pele sunu watolwa kuzwa ano. Takooyooboola limbi pe. 12Nkukonya oko nkubamutola mubuzike nkwayoofwida. Nyika ino takooyooibona limbi.
Jeremiya mbwaakasinsima aa-Jehoyakimu
13 #
Lev 19:13; Mik 3:10; Hab 2:9; Jak 5:4 Maawe kuliyooyo uuyaka iŋanda yakwe amilimo iitaluleme akubamba maanda aakwe aakujulu kukutabeteka kabotu, uubelesya mweenzinyina buyo akutamuvoozya bulumbu bwakwe, 14uuamba kuti, Njooliyakila iŋanda impati iili amaanda aakujulu aataatwi, uulibezela zipulo, alimwi ulaivumbya zisamu zyakedari akwiinanika musila! 15#Int 128:2; Is 3:10Ma! Sa misamu minji yakedari njiikupa bwami? Sa tobwene uso mbwaakacita? Wakali kulya akunywa, pele wakali kubeteka cakululama, aboobo wakakala kabotu. 16#1 Mak 28:9; Int 9:10; Joh 8:19; Tit 1:16; Jak 1:22; 1 Joh 2:3Wakakosola kabotu makani aabacete abapengede, aboobo wakakala kabotu, Kucita obo sa teekwakali kuziba ndime? mbwaamba Jehova. 17#Ezk 19:6Pele uwe tojisi meso nuuba moyo cita kukunyanzya imbono akukutila bulowa bwabaabo batakwe milandu akukusaala akupenzya bantu,
18 #
1 Bam 13:30; 2 Bam 23:36–24:6; 2 Mak 36:5-7 Nkaambo kako mbuboobu Jehova mbwaamba aa-Jehoyakimu mwana wa-Josiya mwami wa-Juda. Bantu tabakooyoomulila cakwaamba kuti, Maawe mukwesu! na, Maawe mucizi wangu! Tabakooyoomulila cakwaamba kuti, Maawe mwami! na, Maawe simalelo wesu! 19#2 Mak 36:6Uyoozikwa mbubonya mbuli imbongolo mbiizikwa. Uyookwelwa akusoowegwa anze lyamilyango ya-Jerusalemu.
Jeremiya mbwaakasinsima aa-Koniya
20Tanta mucilundu ca-Lebano, ukoongolole, Ijwi lyakulila kwako limvwigwe mu-Basani. Kolila kuzwa ku-Abarimu, nkaambo basikukuyanda boonse banyonyooka. 21#Jer 3:25Ndakakwaambila kuciindi cacoolwe cako, pele wakaamba kuti, Nsikooteelela pe. Mbubonya obo mbowakali kucita lyoonse kuzwa kubwanikenike bwako. Tokwe nowakaswiilila ijwi lyangu abuniini pe. 22#Jer 23:1Muuwo nguuyooembela beembeli bako, abazolwani bako bayootolwa mubuzike. Lino uyoofwisigwa insoni akuusa bweeme nkaambo kabubi bwako boonse. 23#Jer 6:24Webo ookede ku-Lebano, ooyakide citeente cako akati kamisamu yakedari, uyootongela loko nozoomvwa kucisa, macise mbuli macise aamwanakazi uutumbuka.
24 #
2 Bam 24:6,8-15; 1 Mak 3:16; Lwi 8:6; Hag 2:23 Mbuli mbundi muumi, mbwaamba Jehova, nekuba kuti Koniya mwana wa-Jehoyakimu mwami wa-Juda naakali inwenwe yabwami yakujanza lyangu lyalulyo, ncobeni nindakakugwisya nkuko 25#Jer 34:20akukwaaba mumaanza aabaabo bayandaula buumi bwako, mumaanza aabaabo mboyoowa, mumaanza aa-Nebukadinezara mwami wa-Babuloni amumaanza aaba-Kasidi. 26#2 Bam 24:15Njoo-kuwaala, webo abanyoko ibakakuzyala, kunyika imbi njimwatakazyalilwa, nkabela muyoofwa nkukonya oko. 27Pele nyika myoyo yabo njiisukeme, tabakooyooboola limbi kulinjiyo pe.
28 #
Int 31:12; Jer 48:38 Oyu muntu Koniya, sa ncecilongo cipwayikide cisampaulidwe? Sa nintesyo iitayandwi ku muntu naba omwe? Ino nkaambonzi baliwaalidwe anze, walo alunyungu lwakwe, akusoowegwa munyika njibatezi? 29O nyika! Nyika! Nyika! Swiilila ijwi lya-Jehova! 30Mbuboobu mbwaamba Jehova. Amulembe muntu oyo mbuli muntu musundi, muntu uutakonzyi kujana coolwe mazuba oonse, nkaambo taakwe naba omwe akati kabana bakwe uuyoojana coolwe cakukala acuuno cabwami bwa-Davida nikuba kweendelezya limbi mucisi ca-Juda.
Currently Selected:
Jeremiya 22: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.