Isaya 9
9
Cilengano cabulemu buboola
1 #
Mt 4:15; 2 Bam 15:29; 2 Mak 16:4; Lev 26:24; 1 Mak 5:26 Pele takukooyooba mudima kuliyooyo iwakapengede. Kumatalikilo wakacita kuti nyika ya-Zebuloni aya-Nafitali isampaulwe, pele kuma manino wakailetela bulemu, nkukuti cisi cakulwizi, kutala lya-Jordano, Galilaya wabamasi. 2#Is 50:10; Joh 8:12; Ef 5:8; Mt 4:16; Lk 1:79Bantu ibakeenda mumudima babona mumuni mupati, Abo ibakakede munyika yalufu iisia mbi bapasukilwa mumuni. 3Wavuzya bantu bacisi, wabayungizizya busekelezi. Balasekelela kuhusyu bwako mbubonya mbubasekelela basikutebula, mbuli mbubakondwa bantu baabana lusaalo. 4#Bab 7:22; Int 83:9; Is 10:26Nkaambo ijoko lyamukuli wakwe amusako wakucifunzi cakwe ankoli yayooyo iwakamupenzya, zyoonse wazipwaya mbuli mubuzuba bwakuzundwa kwa-Midyani. 5Nkaambo insangu zyoonse zyabasilumamba ziya bundindima munkondo, azyakusama zyoonse zikandidwe mubulowa, zyoonse buyo ziyooba zyakutenta, ziyooba inkuni zyamulilo. 6#Lk 2:11; Joh 3:16; Mt 28:18; 1 Kor 15:25; Bab 13:18; Int 45:3,6; Jer 23:6; Joh 1:1; Tit 2:13; Ef 2:14; Kol 1:20; Heb 13:20Nkaambo iswe twazyalilwa mwana, twapegwa mwana mulombe. Bwsendelezi buyookala azifunzi zyakwe, Nkabela izina lyakwe liyooambwa kuti, Sinkuta uugambya, Leza Singuzu, Tateesu Uuteeli, Mwami waluumuno. 7#Dan 2:44; Lk 1:32-33Bwami bwakwe buyookomenesya, alwalo luumuno talukooyoomana, acuuno cabwami ca-Davida abweendelezi bwakwe. Uyoobubusya akubwiimya nji alubeta abululami kuzwa kuciindi ecino mazuba oonse mane kukabe kutamani. Busungu bwa-Jehova wamakamu mbobuti cite aya makani oonse.
Kubetekwa kwaba-Efraimu
8Mwami wakatuma mulazyo kuli-Jakobo, wakamvwigwa mucisi ca-Israyeli. 9Lino bantu boonse bayoouziba, ba-Efraimu abaabo bakede mu-Samariya. Mukulikankaizya kwabo amukulisumpula kwamyoyo yabo balaamba kuti, 10Zitina zyawa, pele tuyooyasya mabwe aabezedwe; mikuyu yagonkwa pele tuyoobika misamu yakedari mucibaka cayo. 11Nkaambo kako Jehova ulababusizya basinkondonyina babo, akubinzya basikubalwisya. 12Ba-Aramu bakunembo aba-Filisti bakusule, boonse bayooluma ba-Israyeli cakuvundika, Aya makani oonse aba, nekubaboobo bukali bwakwe tabuna kumana, ijanza lyakwe licitandabikidwe.
13 #
Jer 5:3
Bantu tabana kupiluka kuliyooyo iwakabauma, tabana kubika myoyo yabo kuli-Jehova wamakamu. 14Nkaambo kako Jehova uyoogonkela cisi ca-Israyeli mutwe amucila woonse, tukunka amatete oonse, mubuzuba bomwe. 15Munene amulemu, ngonguwe mutwe; amusinsimi uuiisya zyakubeja, ngonguwe mucila. 16Basikweenzya bantu aba balabaleesya munzila imbi; abaabo baenzegwa banyonyooka. 17Nkaambo kako Mwami takooyookondelwa bakubusi babo, abalo bamusyaala babo abamukabafu babo takooyoobafwida luse, nkaambo boonse buyo mbasicinguni, balacita zibi, ayalo milomo yoonse ilaamba bufubafuba, Aya makani oonse aba, nekubaboobo bukali bwakwe tabuna kumana, ijanza lyakwe licitandabikidwe.
18Nkaambo bubi bulapya mbuli mulilo uutenta myuunga amitubetube; ulayaka munsaka zyamusokwe, elyo busi bwazyo bulaya busuka kujulu, 19Nkaambo kabukali bwa-Jehova wamakamu nyika ilasizigwa. Bantu baba mbuli inkuni zyakukunkya mulilo. Taakwe naba omwe uufwida mweenzinyina luzyalo. 20#Lev 26:26Muntu uyoonyanzya zilyo kululyo, pele uciyoofwa inzala; uyooiya kulumwensi, pele takooyookuta. Bayoolya umwi aumwi nyama yamweenzinyina. 21Manase ulapenzya Efraimu, Efraimu ulapenzya Manase, aboonse bobile balapenzya Juda. Aya makani oonse aba, nekubaboobo bukali bwakwe tabuna kumana, ijanza lyakwe licitandabikidwe.
Currently Selected:
Isaya 9: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.