Hosea 10
10
Zibi zyaba-Israyeli
1Israyeli ngumusaansa uuzyalisya, ulacita micelo minji. Pele micelo yakwe mbwiivula, ulavuzya zipaililo zyakwe mbubonya; nyika yakwe mbiibota, ulabotya mbubonya mabwe aakupaizya mizimu, 2Myoyo yabo njalweeno, lino bayoopegwa mulandu. Uyoomwaya zipaililo zyabo akupwaya mabwe aabo. 3Balaamba kuti, Tatujisi mwami, nkaambo tatuyoowi Jehova, lino mwami ulatugwasya buti? 4Balaamba majwi aabuyo, balakonka cakubeja mukucita zizuminano, lino bayoojana lubeta lulula mbuli mululwe akati kamilongo yamuunda. 5#1 Bam 12:28; 2 Bam 10:29; 2 Mak 11:15; Hos 8:5,6Bantu baku-Samariya balayoowa nkaambo kamoombe waku-Betaveni, bantu bakwe balamulilila, abalo bapaizi ibakali kumukondelelwa balalila, ikuti bulemu bwakwe bwamusia, bwaya mubuzike, 6#Hos 5:13Uyootolwa ku-Asuri, cibe cilumbyo camwami Jarebu. Aboobo baEfraimu bayoofwisigwa bweeme, ba-Israyeli bayoofwa insoni acisondyo cabo.
7Mwami wa-Samariya wanyonyooka, uli mbuli kafwapu kaibauka atala amaanzi. 8#Dt 9:21; Lk 23:30; Ciy 6:16Zilundu zyakukombela mizimu zilavwinyaunwa, nzenzizyo zibi zya-Israyeli. Myuunga azyobamfwe zilamena azipaililo zyabo. Lino balaambila malundu kuti, Amutuvumbe, atulundulundu kuti, Amutuwide.
9 #
Bab 19:1-30
O Israyeli, kuzwa kumazuba aa-Gibeya toleki kubisya, Kumazuba alya bana basizibi bakandikazya, Inkondo sa tiikooyoobaenzya mu-Gibeya na? 10#Dt 28:63; 1 Bam 14:16; Am 8:14Mubukali bwangu njoobauma, njoobunganya bantu basikulwana abo, kuti bakapegwe mulandu nkaambo kazibi zyabo zibili. 11Bfraimu nimpwizi iiyakaiisigwa, iiyanda kulyataula mucipolelo camaila. Pele mebo njoobika ijoko kunsingo yakwe iiebeka, njoobikila Efraimu sikumutanta. Juda uleelede kulima, a-Jakobo uleelede kupanda nyika. 12#Tus 11:18; Muk 11:6; Is 32:20; Jak 3:18; Jer 4:3Amulibyalile bululami, kuti mulitebwide luzyalo. Amulipandile cipande canu, nkaambo casika ciindi cakuyandaula Jehova, aboole kuzoomulosezya bululami. 13#Job 4:8; Tus 22:8; Hos 8:7Mwakalilimina zibi, aboobo mwakatebula bubi, mwakalya micelo yabubeji. Mwakasyoma inkalaki zyanu abaalumi bako banji. 14#2 Bam 18:34Lino kuyoobuka lupyopyongano akati kabantu banu, azicijilo zyanu ziyumu zyoonse zilanyonyoonwa mbubonya mbuli Salimani mbwaakanyonyoona Betaribeli ciindi cankondo, bamanyina nibakatyolaulwa abana babo. 15Mbubonya obo mbumuti citilwe anywebo ku-Betele, nkaambo kakubisya kwanu nkumwakabisya. Bwaca buyo, mwami wa-Israyeli uyoomaninina kufwa.
Currently Selected:
Hosea 10: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.