Hosea 1
1
Muka-Hosea mbwaakabisya. Kubisya kwakwe ncikozyano cazibi zyabana ba-Israyeli
1 #
2 Pet 1:21; 2 Bam 14:23-29; 15:1-7,32-38; 16:1-20; 2 Mak 26:1–27:8; 28:1–32:33 Ngaaya majwi aa-Jehova aakasika kuli-Hosea mwana wa-Beeri kuciindi ca-Uziya aca-Jotamu aca-Ahazi aca-Hezekiya bami ba-Juda akuciindi ca-Jeroboamu mwana wa-Joasi mwami wa-Israyeli.
2 #
Dt 31:16; Bab 2:17; Int 73:27 Mboobu mbulyakatalika ijwi lya-Jehova kuli-Hosea, kuti, Koya ukakwate mwanakazi muvuule akulijanina bana babuvuule, nkaambo kuvuula nyika ilavuula kukulea munzila ya-Jehova. 3Lino wakaakukwata Gomeri mwana wa-Diblaimu, nkabela wakamuzyalila mwana mulombe. 4#2 Bam 10:11Mpawo Jehova wakamwaambila kuti, Umuulike izina lya-Jezreeli, nkaambo kaba kaindi kaniini nzookoyeka bulowa bwa-Jezreeli kumukowa wa-Jehu, akulobya bwami bwa-Israyeli. 5Nkabela mubuzuba obo njootyola buta bwaIsrayeli mumumpata wa-Jezreeli.
6Lino wakamita lwabili, wakazyala mwana musimbi, nkabela Jehova wakamwaambila kuti, Umuulike izina lya-Sikutafwidwaluzyalo, nkaambo nsikooyooboola limbi kuzoofwida mukowa wa-Israyeli luzyalo lwakubalekelela abuniini. 7Pele mukowa wa-Juda njooufwida luzyalo, njoobavuna kunguzu zya-Jehova Leza wabo. Nsikooyoobavunya buta niliba ipanga niiba inkondo niziba imbizi nibaba basimbizi.
8Lino naakamana kulesya Sikutafwidwaluzyalo, wakamita akuzyala mwana mulombe. 9Nkabela Jehova wakati, Umuulike izina lya-Teensimukowawangu, nkaambo inywe tamweensi bamukowa wangu, ambebo nsikooba Leza wanu.
10 #
Matl 26:4; Kul 32:13; My 23:10; Dt 1:10; 1 Bam 3:8; 1 Mak 27:23; Joh 1:12; Rom 9:26 Nekubaboobo mweelwe wabana ba-Israyeli uzooba mbuli muse wakulwizi uutabaliki, uuteelekeki. Nkabela oko nkubakaambilwa kuti, Tamweensi bamukowa wangu, nkukonya nkubayooambwa kuti mbana ba-Leza muumi. 11Elyo bana ba-Juda abana ba-Israyeli bayooyoboloka boonse antoomwe, bayoolibikila mwami omwe, akuzwa munyika mobabede, nkaambo buzuba bwa-Jezreeli buyooba buzuba bupati.
Currently Selected:
Hosea 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.