Ba-Galatiya 1
1
1 #
Gal 1:11,12 Ndime Paulo apostolo. Buapostolo bwangu teebwakazwa kubantu pe, ikuti teendakabikwa kumaanza aabantu, ndakabikwa kuma an za aa-Jesu Kristo akumaanza aa-Leza Wisi iwakamubusya kuzwa kubafu, 2Swebu abakwesu mbotuli abo tulamujuzya nombungano yaku-Galatiya. 3#Rom 1:7Amube aluzyalo aluumuno kuzwa kuli-Leza Taateesu aku-Mwami Jesu Kristo. 4#Gal 2:20; 1 Tim 2:6; Tit 3:14; 1 Joh 5:19Walo wakalyaaba nkaambo kazibi zyesu kuti atusalulule kuzwa mububi bwaansi bwaciindi ecino, mbubonya mbwayanda Leza Taateesu, 5Kulinguwe akube bulemu mazuba oonse mane kukabe kutamani. Ameni.
Ba-Galatiya mbubakafwambaana kutamauka
6Ndagamba loko kuti mwafwambaana kumuleka oyo iwakamwiita muluzyalo lwa-Kristo, mwajata makani ambi. 7#Inc 15:1,24Nkukwaamba kuti nkubali bamwi bantu bamupilinganya, balayanda kusandula-sandula Makani Mabotu aa-Kristo. 8#1 Kor 16:22Pele na kuli muntu, notuba ndiswe naba angelo uuzwa kujulu, uumukambaukila makani ambi aatali mbuli ngitwakamukambaukila, abe mutuke. 9Mbubonya mbundakaambide kale, alino ndaloolola alimwi, kuti na kuli muntu uumukambaukila makani ambi aatali mbuli ngimwakatambula abe mutuke, 10#1 Tes 2:4Lino sa mbantu mbindi mukukombelezya na ngu-Leza? Sa njanda kubotezya bantu? Nindacili kubotezya bantu nintali muzike wa-Kristo pe.
Makani ngaakambauka Paulo azwa kuli-Kristo mwini
11Nkaambo ndamuzibya, bakwesu, kuti ayo Makani Mabotu nginkambauka mebo teensi makani aazwa kubantu pe. 12Nkaambo teendakaatambula kubantu, alimwi teendakaaiya, pele ndakaayubunwidwa a-Jesu Kristo. 13#Inc 8:3; 22:4-5; 26:9-11Ikuti mwakaswiilila kale mbuzyakabede ziyanza zyangu zyakale nindakacili mubu-Juda, mbundakali kupenzesya loko imbungano ya-Leza akwiindinganya. 14#Inc 22:3Nkabela mubu-Juda basama banji bamusyobo wangu ndakabainda loko kukusungwaalila tunsiyansiya twamawisi esu. 15#Inc 9:3-6; 22:6-10; 26:13-18#Rom 1:1; Jer 1:5; Is 49:1Pele nkwali iwakandisalila eyi milimo kuzwa mwida lyabama akundiita kuluzyalo lwakwe, 16#Gal 2:7; Mt 16:17nkabela cibe ciindi cakamubotela kundiyubunwida Mwanaakwe, kuti nkamukambauke akati kabamasi, elyo ndilyonya teendakabuzyanya makani abantu balya maila, 17alimwi teendakaya ku-Jerusalemu kulibaabo ibakandisaangunina kuba baapostolo, pele ndakaya ku-Arabiya, lino nicakaba ciindi ndakaboola ku-Damasko.
Paulo mbwaakaswaya ku-Jerusalemu, ku-Suriya aku-Kilikiya
18 #
Inc 9:26-30
Lino nikwakamana myaaka yotatwe ndakaya ku-Jerusalemu kukubona Kefa, twakakala awe insunda zyobile. 19#Mt 13:55Pele baapostolo bamwi taakwe ngundakabona naba omwe, cita Jakobo munyina mwami. 20Aya makani ngindamulembela, ncobeni taali aakubeja kubusyu bwa-Leza. 21#Inc 9:30Lino nicakaba ciindi ndakaya kuzisi zyaku-Suriya acaku-Kilikiya. 22Nkentana kuzibwa kubusyu kumbungano zyabanakristo zyamu-Judaya, 23Bakamvwide buyo kuti oyo iwakali kutupenzesya ulakambauka ayo makani ngaonya ngaakali kwiindinganya. 24Nkabela bakalemeka Leza nkaambo kandime.
Currently Selected:
Ba-Galatiya 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.