Mukambausi 4
4
Miyeeyo yamapenzi aabantu amakani amwi
1Alimwi ndakabona bantu mbubapenzegwa ansi ano. Ndakabona misozi yabapengede ambubabula sikubaumbulizya. Mumaanza aabasikubapenzya muli inguzu, nkabela tabajisi sikubaumbulizya. 2#Job 3:17; Muk 2:17Lino ndakayeeya kuti bafu bafwa kale mbabotu kwiinda baumi bacipona, 3#Job 3:11; Muk 6:3; Mt 24:19; Lk 23:29Pele uuli acoolwe kwiinda boonse ngooyo uutana kuzyalwa, uutabwene milimo mibi iicitika ansi ano.
4Alimwi ndakabona milimo yoonse amaanu oonse aakubelesya, zyoonse buyo zilazwa kubbivwe muntu ndyafwida mweenzinyina. Eci acalo ncabyo, tacikutyi moyo. 5#Tus 6:10Mufubafuba ulalikumbata, aboobo ulalekelela buumi bwakwe kuti bunyonyooke. 6Inkankamanza yomwe iili aluumuno nimbotu kwiinda maanza obile aazwide milimo iikataazya iitakutyi moyo.
7Acimwi cintu cabuyo ncindabona ansi ano nceeci: 8#Tus 27:20; Muk 1:8; Hab 2:5,6; 1 Joh 2:16; Int 39:6; Lk 12:20muntu uli alike, uutajisi munyina naba mwanaakwe, taleki kulikataazya kucita milimo, ameso aakwe taakonzyi kukuta buvubi. Talibuzyi kuti, Ino ngwani ngundalikataazizya kumilimo akuliimya bubotu? Eci acalo ncabuyo, ncintu cibi loko.
9Bantu bobile mbabotu kwiinda omwe, nkaambo balajana impindu imbotu kumilimo yabo. 10Na umwi wawa, mweenzinyina ulamubusya. Pele maawe kuliyooyo uuwa alike, uubula sikumubusya, 11Alimwi bantu bobile na balala antoomwe, balakasaalilwa, pele muntu omwe takonzyi kulikasaazya. 12Alimwi bantu bobile balakonzya kuzunda mundike, pele omwe ulakonzya kuzundwa kulinguwe. Kokole kaindulwidwe takafwambaani kudunsuka.
13Mulombe uubombede musongo mubotu kwiinda mwami mucembele mufubafuba uutacikonzyi kulayigwa, 14nekuba kuti wakazwa muntolongo kuba mwami, na kuzyalwa mucete mucisi cakwe mwini. 15Ndakabona baumi boonse beendeenda ansi ano, antoomwe amulombe wabili iwakatola cibaka cakwe: 16Bantu kabatabaliki, nkabela wakali kubeendelezya boonse, nekubaboobo kumamanino bantu kabatacikondwi mulinguwe pe. Eci acalo ncabuyo, tacikutyi moyo.
Currently Selected:
Mukambausi 4: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.