Mukambausi 12
12
1Koyeeya Mulengi wako mumazuba aabulombe bwako, mazuba aamapenzi naatana kusika, amyaka niitana kuboneka noyooamba kuti, Nsicibotelwi zintu ezi; 2izuba amumuni amwezi anyenyeezi nezitana kusia, amayoba naatana kuboola alimwi yamana imvula; 3#Int 71:9; Zek 8:4; 2 Kor 5:1; Matl 27:1mubuzuba basikubamba iŋanda nebazoobila abaluumi basintaze nebazoongomana, abasikuziya nebazooleka nkaambo kakuceya abaabo basondela kuzipulo nebazoosiilwa; 4#Mik 7:1; 2 Sam 19:35milyango yakumugwagwa ninoozoojalidwe, ajwi lyakuziya nelizooceya; muntu naazoobuka kuciindi cakwiimba kwa tuyuni, abanakazi basikwiimba nebazoofwinsigwa; 5#Lev 19:32muntu naazooyoowa cilundu cilamfu, akweenda kulamuyoosya; musamu waalmondi nuuzoosyuuka; idingo nilizookokoba, amusamu wakubusya tuucibeleki; nkaambo muntu ulaya kucikalilo cakwe citamani, abasikulila baleendeenda mumigwagwa; 6intambo yansiliva niitana kudunsuka, amutiba wangolida nuutana kupwayika, citesyo nicitana kufwa kukasensa, avili nilitana kupwayika kucikala; 7#Matl 3:19; Muk 3:21; Matl 2:7; My 16:22bulongo nibuyoopiluka kunyika mbubwakabede, amuuya nuuyoopiluka kuli-Leza nkowakazwa, 8Nzyabuyobuyo! mbwaamba Mukambausi, Zyoonse nzyabuyo.
Aakumanizya
9Lino Mukambausi, mbwaakali musongo, wakacili kwiiyisya bantu luzibo. Wakayeeya akulingula akubamba tusimpi tunji. 10Mukambausi wakali kuyandaula majwi aabotezya, alimwi wakaliluleme kukulemba majwi aalusinizyo.
11Majwi aabasongo ali mbuli zibinzyo, atusimpi tuyobolwedwe twamwiyi omwe tuli mbuli manembe aakankamidwe. 12Mwanaangu, cenjela kuzintu azimwi kutali ezi. Kulemba mabuku manji takumani, akwiiya kunji kulakataazya mubili.
13Ngaaya mamanino aamakani, Oonse amvwigwa. Lemeka Leza akubamba milazyo yakwe, nkaambo kucita obo nceelelo coonse camuntu, 14#Mt 12:36Nkaambo Leza uyoobeteka milimo yoonse, amakani oonse aasisidwe, naaba mabotu naaba mabi.
Currently Selected:
Mukambausi 12: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.