Daniele 5
5
Ipobwe lya-Belisazara. Milandu yakwe mbuyakalembwa abulambo
1 #
Es 1:3; Is 21:5; Jer 51:39,57; Nah 1:10; Mk 6:21 Mwami Belisazara wakacita ipobwe ipati, watamba cuulu cabasilutwe bakwe, wanywa waini kumeso aabantu abo bali cuulu.
2 #
Tus 20:1
Lino Belisazara, naakalabila waini, wakalailila kuti aletelwe zinywido zyangolida azyansiliva, wisi Nebukadinezara nzyaakagwisya kuzwa kuntempele yaku-Jerusalemu, kuti mwami abasilutwe bakwe abanakazi bakwe abasimamambe bakwe banywide mulinzizyo. 3Elyo bakaleta zinywido zyangolida azyansiliva izyakagwisigwa muntempele yaŋanda ya-Leza yamu-Jerusalemu, nkabela mwami abasilutwe bakwe abanakazi bakwe abasimamambe bakwe bakanywida mulinzizyo. 4#Int 115:4-8; Ciy 9:20Bakali kunywa waini akutembaula baleza bangolida abansiliva, bamukuba ababutale, bazisamu abamabwe.
5 #
Dan 4:31
Lino kuciindi eco nciconya kwakaboneka minwe yajanza lyamuntu ilalemba abulambo bwaŋanda yamwami kunembo lyaciimikilo calampi, nkabela mwami wakabona ijanza ilyakali kulemba. 6#Job 18:11; Nah 2:10Mpawo busyu bwamwami bwakausana, miyeeyo yakwe yakamuyoosya, manungilo aatusolo twakwe akatontola, amazwi aakwe akali kugontana. 7#Is 47:13; Dan 6:2Lino mwami wakoongolola canguzu, walailila kuti kuletwe basondi, ba-Kasidi abaŋanga. Nkabela mwami wakaambila basongo baku-Babuloni kuti, Kufumbwa muntu uubala malembo aya akupandulula mbwaamba, uyoosamikwa zisani zisalala pyu akubikilwa luwenje lwangolida munsingo yakwe, alimwi uyooba mweendelezi watatu wamucisi. 8#Matl 41:8Mpawo kwakanjila basongo boonse bamwami, pele bakakacilwa kubala malembo akupandulwida mwami mbwaamba. 9Lino mwami Belisazara wakayoowa loko, abusyu bwakwe bwakausana, abalo basilutwe bakwe bakagamba.
10 #
Dan 3:9
Lumwi namalelo, mbwaakamvwa majwi aamwami abasilutwe bakwe, wakanjila muŋanda yapobwe, nkabela oyo namalelo wakati, O mwami, kopona mazuba oonse! Miyeeyo yako itakupenzyi, abusyu bwako butausani, 11#Dan 4:9Mpali muntu mucisi cako uujisi Muuya wabaleza basalala. Mumazuba aauso mumuni abucenjezu abusongo buli mbuli busongo bwabaleza zyakajanika mulinguwe, nkabela uso mwami Nebukadinezara wakamubika kuti abe mupati wabasondi abacape aba-Kasidi abaŋanga. 12#Dan 6:3Muuya mubotu cakwiinda, aluzibo, abucenjezu bwakupandulula ziloto akulabununa tulabi akusalazya makani aakataazya, zyoonse zyakajanwa muliyooyo Daniele, ngonguwe mwami ngwaakaulika izina lya-Belitsazara, Lino aitwe Daniele. Uyoopandulula makani mbwaamba.
13Mpoonya awo Daniele wakaletwa kubusyu bwamwami. Nkabela mwami wakaambila Daniele kuti, Sa nduwe Daniele, umwi wabana babuzike bwa-Juda, mwami taata mbaakaleta kuzwa kucisi ca-Juda? 14Ndimvwide aanduwe. Ndamvwa kuti muuya wabaleza muuli mulinduwe, alimwi mumuni abucenjezu abusongo bupati zyoonse zilajanika mulinduwe, 15Lino sunu basongo abasondi baliitidwe okuno kubusyu bwangu kuti babale aya malembo akundipandulwida mbwaamba, Pele bakacilwa kupandulula makani, 16Lino webo, ndamvwa kuti ulakonzya kupandulula makani aasisidwe akulabununa tulabi, Na ulakonzya kubala aya malembo akundipandulwida mbwaamba, uyoosamikwa zisani zisalala pyu aluwenje lwangolida munsingo yako, uyooba mweendelezi watatu wamucisi.
17Mpawo Daniele wakavwiila mwami kuti, Zipo zyako zisyaale kulinduwe, azilumbyo zyako uzipe umbi, Nekubaboobo njoobala malembo akupandulwida mwami mbwaamba. 18#Dan 2:37Swiilila, O mwami. Leza wakujulu wakapa uso Nebukadinezara bwami abupati anguzu abulemu. 19#Jer 25:9; Dan 3:4Lino nkaambo kabupati mbwaakamupa, bantu bazisi zyoonse abamisyobo yoonse abamyaambo yoonse bakali kuyoowa akukankama kubusyu bwakwe. Kufumbwa ngwaakayanda kujaya wakamujaya, kufumbwa ngwaakayanda kuti kapona wakamuleka kuti kapona, kufumbwa ngwaakayanda kusumpula wakamusumpula, alimwi kufumbwa ngwaakayanda kufwiinsya wakamufwiinsya. 20#Kul 9:17; Tus 16:5; Is 14:12-17; Dan 4:30Pele moyo wakwe nowakalisumpula, amuuya wakwe nowakayuma mukulikankaizya, wakagwisigwa acuuno cabwami, abulemu bwakwe wakabunyanzigwa, 21#Kul 9:14-16Wakatandwa kuzwa kubantu, moyo wakwe wakaba mbuli myoyo yabanyama, acikalilo cakwe cakali ant! mwe ambongolo zyamusokwe. Wakali kulya bwizu mbuli basune, amubili wakwe wakali kuteta kumumee waku-Julu, mane lumwi wakaziba kuti Leza Muntalabala nguuendelezya mubwami bwabantu akubusya kufumbwa ngwayanda kuti abe silutwe wambubo. 22#2 Mak 33:23; Int 119:46Lino webo, Belisazara O mwanaakwe, tobombyi moyo wako, nekuba kuti wakaziba makani aya oonse, 23#Is 37:23; 46:6,7; Jer 50:20; Ciy 13:6; Int 115:5; 139:3; Hab 2:18; Job 31:4; Tus 20:24Walisumpula buyo cakusampaula Mwami wakujulu, nkabela zibelesyo zyaŋanda yakwe wazileta kulinduwe, wanywa waini mulinzizyo, yebo abasilutwe bako abanakazi bako abasimamambe bako, alimwi mwatembaula baleza bangolida abansiliva, babutale abamukuba, bazisamu abamabwe, batakonzya kubona nekuba kumvwa nekuba kuziba, pele Leza uujisi buumi bwako mumaanza aakwe, anzila zyako zyoonse nzizyakwe, tomulemeki pe.
24Nciceeco ijanza ncilyakatuminwa kuzwa kulinguwe kuti lilembe malembo aya, 25Lino ngaaya malembo aalembedwe. MENE, MENE, TEKEL UPARSIN. 26#Jer 25:12Alimwi mbuboobu makani mbwaapandululwa. MENE nkokuti Leza wabala mazuba aabwami bwako, wabusisya kumamanino. 27#Int 62:9; Jer 6:30TEKEL nkokuti wapimwa muzipimyo, wabula bulemu bweelede, 28#Is 21:2; Ezr 1:1; Dan 9:1; 6:28PERESI nkokuti bwami bwako bwaandaanisigwa, bwapegwa mumaanza aaba-Medi aba-Persia.
29Mpawo Belisazara wakalailila, nkabela bakasamika Daniele zisani zisalala pyu akubika luwenje lwangolida munsingo yakwe, nkabela kwakoongololwa kuti uleelede kuba mweendelezi watatu wamucisi.
30 #
Jer 51:31,39,57 Mumasiku ayo ngaonya Belisazara mwami waba-Kasidi wakajayigwa, 31#Dan 9:1nkabela Dariyo mu-Medi wakatola bwami naakali amyaka iili makumi aali musanu alimwi amyaka yobile.
Currently Selected:
Daniele 5: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.