2 Timoteo 2
2
Timoteo uleelede kuba silumamba mubotu wa-Jesu Kristo
1Eno obe, mwanaangu, ube singuzu muluzyalo luli muli-Kristo Jesu, 2Eno oonse ngowakamvwa kulindime kumeso aabakamboni banjibanji, ayo koabika kubantu basyomesi abangambela balakonzya kuyoofundisya beenzinyina. 3#2 Tim 1:8; 4:5Kogamine kuba mupenzima mbuli silumamba mubotu wa-Kristo Jesu. 4Takukwe silumamba uuli munkondo uutabanganina makani aabuumi obuno pe, kuti akonde yooyo uwakamuniizya mulumamba. 5#2 Tim 4:8Alimwi kuti muntu wabeelela mweenzinyina mukusiana, takonzyi kusamikwa ingala atalomya milao yakusiana. 6#1 Kor 9:7,10Muntu uulima mumuunda nguuelede kusaanguna kooloka. 7Koayeeya aya ngendakwaambila, nkaambo Mwami ulakupa maanu kumakani oonse.
8 #
Rom 1:3; 2:16; 1 Kor 15:4,20; 2 Sam 7:12 Koyobola mumoyo wako ijwi lyakuti Jesu Kristo wakabuka kulibasikufwa, alimwi ngwamukowa wa-Davida. Ngaonya aya Makani Mabotu ngenkambauka mebo, 9#Ef 3:1,13; Flp 1:12-14; 2:17ngempengela bobuya, kuya bwaangwaangwa mbuli sinunzuunzu, pele makani aa-Leza taangidwe pe. 10#Kol 1:24Eno ncenzumbaanina bobuya nkaambo kabaabo basalidwe, kuti bakajane lufutuko muli-Kristo Jesu abulemu butamani. 11#2 Kor 4:11Ijwi linilini ndeeli lyakuti;
Na twafwa awe, tuyoopona awe mbubonya.
12 #
Mt 10:33; Lk 12:9 Kuti twakakatila tuyooendelezya awe.
Kuti twamutama, aswebo uyootutama mbubonya.
13 #
Rom 3:2,3; My 23:19 Kuti twaleka kumusyoma, nekubaboobo walo unoocisyomekede, nkaambo takonzyi kulitama mwini pe.
Makani aabantu bakazyanya mbuli Humenayo a-Fileto
14 #
1 Tim 6:4; Tit 3:9 Eno kobayeezya makani aya. Kobalailila kunembo lya-Leza kuti kabatazwanganini majwi aabuyo aatakwe ancaajanya, anu ngakukopa-kopa buyo baabo baswiilila. 15#1 Tim 4:6; Lk 12:42; Tit 2:7,8Kolisungwaazya kukonda Leza, mbuli simulimo uutakwe cintu cimuusya insoni, uupandulula makani aalusinizyo mbukweelede. 16#1 Tim 4:7Pele majwi aabuyo aakasankusanku koaenguluka, nkaambo banooya bwiindilila kubija, 17#1 Tim 1:20nkabela majwi aabo alavwemauka mbuli cuute. Bamwi babo mbaa-Humenayo a-Fileto, 18aba mbantu baleede kubwini, nkaambo balaamba kuti bubuke bwabafu bwakaba kale, aboobo balanyonyonganya lusyomo lwabamwi.
19 #
My 16:5,26; Joh 10:14; Is 26:13; 28:16,17 Nekuboobo calo cisiko ca-Jehova ciliimvwi nji, cililembedwe ijwi eli lyakuti, Mwami ulibezi bakwe, alimwi kwategwa, Umwi aumwi uukululuka kuzina lya-Mwami asosololwe kububi. 20#1 Kor 3:12Lino muŋanda impati tamujanwa mitiba yangolida ayansiliva ilike, pe, anu mulajanwa yazisamu ayabulongo, nkabela imwi nja bulemu pele imwi tiikwe bulemu, 21#2 Tim 3:17Eno kuti muntu walisalazya kuliyeeyi, inga ulabaanga mutiba wabulemu, uusalazidwe, uuelede kubelesegwa kulimukamwini, uubambilidwe kumilimo mibotu yoonse.
Timoteo mbwaelede kucita
22 #
1 Tim 6:11; 1:5 Kotija zisusi zyabwanike, ukatobele bululami alusyomo aluyandano aluumuno, antoomwe abaabo bakomba Mwami camoyo uusalala. 23#1 Tim 4:7Pele kozikaka iŋomboombo zyabufubafuba kudubbwadubbwa, nkaambo ulizi kuti nzezileta inkondo, 24#Tit 1:7Anu muna-Mwami teelede kulwana pe, uleelede kuba mutete moyo kubantu boonse, uulibambilide kufundisya, akubosya moyo. 25#1 Tim 2:4Uleelede kujokolola camoyo mubombe akweenzya baabo bakazya makani, kuti antela Leza ulabapa lweempo lwakuziba lusinizyo, 26alimwi kuti balisungunune mukooze ka-Saatani, mbobali baange bamuna-Mwami kuluyando lwa-Leza.
Currently Selected:
2 Timoteo 2: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.