2 Makani 27
27
Bwami bwa-Jotamu
1 #
2 Bam 15:32; 1 Mak 3:12; Is 1:1; Hos 1:1; Mik 1:1 Jotamu kajisi myaka iili makumi obile amusanu naakaba mwami, nkabela wakeendelezya mu-Jerusalemu myaka iili ikumi amusanu aumwi. Izina lyabanyina bakali Jerusa mwana wa-Zadoki. 2#2 Mak 26:16-21; Int 119:120; 2 Bam 15:35Nkabela wakacita ziluleme mumeso aa-Jehova, mbubonya mbwaakacita Uziya wisi, pele takwakanjila muntempele ya-Jehova, Nekubaboobo bantu bakacili kubisya-bisya. 3#2 Mak 33:14; Neh 3:26Ngonguwe wakayaka mulyango waajulu waŋanda yaJehova, abulambo bwa-Ofeli wakacita milimo minji kulimbubo. 4Wakayaka minzi mucisi catulundulundu ca-Juda, amumisanza wakayaka maanda mayumu azisanza. 5#2 Mak 20:1; 26:8; 2 Bam 3:4; Jer 49:1-6Nkabela wakalwisya mwami wabana ba-Amoni akumuzunda, elyo mumwaka oyo ba-Amoni bakamupa matalenta aansiliva aali mwaanda, azisuwo zyabulotwe zili zyuulu zili ikumi, azyuulu zili ikumi zyabbaale. Amumwaka wabili amumwaka watatu ba-Amoni bakamupa alimwi mbubonya. 6#1 Sam 2:30; 1 Mak 12:14; 19:3; Int 34:8; 40:4Jotamu wakaba singuzu nkaambo kakuti wakabamba kabotu inzila zyakwe kubusyu bwa-Jehova Leza wakwe,
7Lino makani amwi aa-Jotamu, ankondo zyakwe zyoonse, anzila zyakwe, makani oonse alilembedwe mubbuku lyabami ba-Israyeli aba-Juda. 8Kajisi myaka iili makumi obile amusanu naakaba mwami, nkabela wakeendelezya mu-Jerusalemu myaka iili ikumi amusanu aumwi. 9Lino Jotamu naakafwa, bakamuzika mumunzi wa-Davida, nkabela mwanaakwe Ahazi wakalya izina lyakwe.
Currently Selected:
2 Makani 27: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.