2 Makani 25
25
Bwami bwa-Amaziya
1 #
2 Bam 14:1
Amaziya kajisi myaka iili makumi obile amusanu naakaba mwami, nkabela wakeendelezya mu-Jerusalemu myaka iili makumi obile amusanu aine. Izina lyabanyina bakali Joadanu waku-Jerusalemu. 2#2 Bam 14:4; Is 29:13; Hos 10:2Wakacita ziluleme mumeso aa-Jehova, nekubaboobo takwakalulama camoyo woonse. 3#2 Bam 14:5Elyo bwami nibwakajisi kabotu mumaanza aakwe, wakajaya abo balanda bakwe ibakajayide mwami wisi. 4#Dt 24:16; 2 Bam 14:6; Jer 31:30; Ezk 18:20Pele bana babo, takwakabajaya pe, nkaambo mbuboobu mbukulembedwe mumulao wamubbuku lya-Musa; Jehova wakalailila kuti, Bantu tabeelede kufwa nkaambo kamilandu yabana babo, abalo bana tabeelede kufwa nkaambo kamilandu yabamawisi. Umwi aumwi afwe nkaambo kamulandu wakwe mwini.
5 #
My 1:3
Lino Amaziya wakabunganya ba-Juda, wababamba munzubo zyabamawisi mumaanza aabasilutwe bazyuulu abasilutwe bamyanda, musyobo waJuda amusyobo wa-Benjamini woonse. Wakaita bantu boonse ibakajisi myaka iili makumi obile na kwiinda makumi obile, nkabela kwakajanwa baalumi basalidwe basilumamba bali zyuulu zili myanda yotatwe ibakabwene kubelesya masumo azikwabilizyo. 6Alimwi wakabelesya bantu ba-Israyeli, baalumi basintaze bali zyuulu zili mwanda, wabapa matalenta aansiliva aali mwanda. 7#2 Mak 15:2; 1 Bam 12:28; Is 28:1-3; Hos 4:6-19; 5:6-15; 9:11-17Pele kwakamusikila umwi muntu wa-Leza, wati, O mwami, utainki abasilumamba ba-Israyeli, nkaambo Jehova tali aba-Israyeli, nkukuti aba ba-Efraimu boonse. 8#Matl 18:14; Bab 7:7; 1 Sam 14:6; 1 Mak 29:11; 2 Mak 14:11; 20:6; Job 5:18; 42:2; Int 20:7; 118:6; Jer 32:17; Mt 19:26; Rom 8:31Pele na wayeeya kuti, Ndakonzya kuzunda oboLeza ulakubombya kubusyu bwabasinkondonyoko, nkaambo Leza nguujisi inguzu zyakugwasya anguzu zyakubombya. 9#Dt 8:18; 2 Mak 1:12; Tus 10:22; Hag 2:8Mpawo Amaziya wakaambila muntu wa-Leza kuti, Pele tucite buti kumakani aamatalenta aali mwanda ngundapa impi ya-Israyeli? Muntu wa-Leza wakavuwa kuti, Jehova ulakonzya kukupa mali manji loko kwiinda ayo. 10Mpawo Amaziya wakamwaisya basilumamba ibakamusikila kuzwa kucisi ca-Efraimu, kuti bapiluke kulimbabo. Lino bukali bwabo bwakabukila ba-Juda loko, bakapiluka kumaanda aabo abukali bunji. 11#2 Bam 14:7Pele Amaziya wakaliyumya, wasololela bantu bakwe, waya kukuti lya-Munyo, wajaya bantu ba-Seiri bali zyuulu zili ikumi. 12Abamwi bali zyuulu zili ikumi, bana ba-Juda bakabajata bacili baumi, babasisya kumutwe wandomba, babawaala ansi kuzwa oko kumutwe wandomba, aboobo boonse bakapwayika. 13Pele basilumamba bampi eyo Amaziya njaakamwaisya, njaakakaka kuya ayo kunkondo, bakasaala minzi ya-Juda kuzwa ku-Samariya kusikila ku-Beti-horoni, bajaya bantu bali zyuulu zyotatwe bamulinjiyo akusaala imbono zinji.
14 #
2 Mak 28:23; Kul 20:3,5 Lino Amaziya naakamana kuboola kuzwa kukuuma ba-Edomu, wakaleta mizimu yabana ba-Seiri, waibika kuti ibe ba-Leza bakwe, wakotamina kulinjiyo akwiitentela tununkilizyo. 15#Int 96:5; 115:3-8; Is 46:1,2; Jer 10:3-5; Inc 19:26; 1 Kor 8:4Elyo bukali bwa-Jehova bwakabukila Amaziya, watuma musinsimi kulinguwe, wamwaambila kuti, Ino nkaambonzi wabika moyo wako kumizimu yabantu iyakakacilwa kuvuna bantu babo ini mumaanza aako? 16#2 Mak 16:10; Tus 9:7,8; 2 Tim 4:3; 1 Sam 2:25Nkabela naakacili mukumwaambila, wakati, We! Sa twakubika uwe kuti ube sikulaya mwami? Leka! Nkaambonzi ulayanda kuumwa? Mpawo musinsimi wakaleka, pele wakati, Ndizi kuti Leza waamba kukunyonyoona, nkaambo wacita obo, alimwi wakaka kuswiilila cicenjezyo cangu.
Amaziya mbwaakalisumpula
17 #
2 Bam 14:8,9 Lino Amaziya mwami wa-Juda wakabuzyanya makani, watumina Joasi mwana wa-Jehoazi mwana wa-Jehu mwami wa-Israyeli, wati, Boola, tuzoobonane bwaalumi. 18Pele Joasi mwami wa-Israyeli wakatumina Amaziya mwami wa-Juda mulazyo wakuti, Kakoka ikakali ku-Lebano kakatumina musamu wakedari waku-Lebano, kati, Utupe inwana wako musimbi, kuti mwanaangu mulombe amukwate. Mpawo kwakainda cinyama camusokwe caku-Lebano, calyataula kakoka. 19#2 Mak 35:21; Tus 12:15; 18:6Uwe ulaamba kuti, Bona! Ndazunda ba-Edomu, Aboobo moyo wako walisumpula. Lino kala kumaanda, Nkaambonzi noyanda kubusya inkondo? Uyoowa omwini acisi ca-Juda coonse.
20 #
1 Bam 12:15; 2 Mak 22:7 Nekubaboobo Amaziya takwakamvwa pe, nkaambo makani akazwa kuli-Leza, kuti abaabe mumaanza aabasinkondonyina nkaambo kakuti bakabika myoyo yabo kumizimu ya-Edomu. 21Aboobo Joasi mwami waIsrayeli wakeza kuzoobonana bwaalumi a-Amaziya mwami wa-Juda kuBeti-semesi mucisi ca-Juda. 22Nkabela ba-Juda bakazundwa kubusyu bwaba-Israyeli akucija umwi aumwi kumunzi wakwe. 23#2 Mak 21:17; 22:1,6Mpawo Joasi mwami wa-Israyeli wakajata Amaziya mwana wa-Joasi mwana wa-Ahaziya mwami wa-Juda nkukonya ku-Beti-semesi, wamusisya ku-Jerusalemu, wamwaya bulambo bwa-Jerusalemu kuzwa ku-Mulyango wa-Efraimu akusikila kumulyango wacooko, tukokola tuli myanda yone. 24Nkabela wakatola ingolida yoonse, ansiliva, azibelesyo zyoonse izyakajanwa muŋanda ya-Leza kuli-Obedi-Edomu, aziyobwedo zyaŋanda yamwami, abasimubuzike, elyo wakapiluka ku-Samariya.
Amaziya mbwaakafwa
25 #
2 Bam 14:17
Lino kusule lyalufu lwa-Joasi mwana wa-Jehoazi mwami wa-Israyeli, Amaziya mwana wa-Joasi mwami wa-Juda kacipona myaka iili ikumi amusanu. 26Amakani amwi aa-Amaziya, mataanzi amasyaalizi oonse, sa taalembedwe mubbuku lyabami ba-Juda aba-Israyeli? 27Lino kuzwa kuciindi eco Amaziya naakaleya kuzwa kuli-Jehova, bakatalika kumuvwiya mu-Jerusalemu, aboobo wakacijila ku-Lakisi, pele akwalo ku-Lakisi bakatuma basikumutobela, bamujaya nkukonya. 28#2 Bam 14:20Elyo bakamuleta amabbiza akumuzika mumunzi wa-Davida mubakazikwa bamawisi.
Currently Selected:
2 Makani 25: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.