1 Timoteo 5
5
Timoteo mbwaelede kucitila bapati abaniini
1 #
Lev 19:32
Utanookalalila munene Pele konga komukombelezya buyo mbuli uso, Abalo bakubusi kobakombelezya mbuli banabakwanu, 2amacembele mbuli manyokwe, abanakalindu mbuli bacizi bako, camoyo uusalala.
Makani aabamukabafu
3Kobalemeka bamukabafu kuti ncobeni mbamukabafu benibeni. 4Pele kuti umwi mukamufu kajisi bana na bazukulu, elyo kusaanguna aba abafunde kulemeka basazinyina akutontomeka baabo abakabazyala, nkaambo eci ncecikonda Leza, 5#Jer 49:11; Lk 2:37; 18:7Eno mukamufu mwinimwini uwakasyaala mubuumba ulasyoma kuli-Leza, ulajatisya lyoonse inkumbizyo ankombyo isikati amasiku, 6Pele mukaintu sikambotwembotwe, nacipona wati wakafwa kale. 7Eno konga kobaambila makani aya, kuti babule ampobatopwa. 8Na muntu tabambi basazinyina, kwaambisya bamuŋanda yakwe, wati oyo ulisowede lusyomo lwakwe, ulaindilila akuliyooyo uutazumina. 9Mukaintu woonse uutanasika kumyaaka iili makumi aali musanu muumwi, atanoolembwi kuti ngumukamufu. Ulakonzya kulembwa anooli taakwe naakakwetwe kumbi mbwaakafwida mwaalumi akwe, 10#Heb 13:2; Joh 13:14kuti na walumbaizizigwa milimo mibotu kuti na wakakomezya bana, kuti na wali kusamausya beenzu, kuti na wali kusanzya maulu aabasalali, akugwasya bapengede, akuya bucita milimo mibotu yoonse, 11Pele kulibamukabafu bacili bana, konga kokaka kuti pe. Nkaambo kuyanda kwabo kwayononoka buyo kuzwa kuli-Kristo, mpoonya balayeeya kale kukwatwa, 12elyo balajana mulandu, nkaambo baleka lusyomo lwabo lwakusaanguna. 13#2 Tes 3:11Mpoonya balazibila kuba batolo, balaba basiindwa-kabila, alimwi tabakooba batolo buyo pe, pele balaba bamalabali abasikangundengunde baamba ziteelede.
14 #
1 Kor 7:9
Eno obo njanda kuti abo bacili bana kabakwatwa buyo akuzyala bana akubamba maanda aabo, kuti sinkondonyina wesu abule ampabainda, 15nkaambo mpobali kale abakasandukila kuli-Saatani. 16Kuti kakuli mukaintu muzumini uuli amukowa wabamukabafu, kanga kabagwasya, kuti imbungano italemenwi kukugwasya bantu bali boobo, igwasye bamukabafu benibeni.
Aabaalu. Aamwi makani aamilimo yambungano
17 #
Rom 12:8; Flp 2:29 Alimwi baalu abo beendelezya kabotu, abaindilile kulemekwa, kwaambisya abo bajisi mulimo wakukambauka awakufundisya. 18#Dt 25:4; 24:15; 1 Kor 9:9; Mt 10:10; Lk 10:7Nkaambo mumagwalo kulaambwa kuti, Utamwaangi kumulomo musune uulyataula maila, Alimwi kulaambwa kuti, Similimo uleelede kujana cilumbyo cakwe,
19 #
Dt 17:6; 19:15; Mt 18:16; 2 Kor 13:1 Utanoozuminini kaambo nkaabikilwa mwaalu, mane do kube bakamboni bobile na botatwe. 20#Gal 2:14Abo abacitazibi konga kobakalalila antangalala kuti boonse bayoowele mpawo.
21 #
Lk 9:26
Ndakulailila kubusyu bwa-Leza ubwa-Jesu Kristo abwabaangelo basale, koyobola milao eyo akutaba silusaluluzi, Utaciti cintu niciba comwe cakuteelanya. 22#1 Tim 4:14Utanoofwambaana kubika muntu maanza, alimwi utanoolivwela kuzibi zyabamwi. Kolibamba akubula butongo. 23Utanoonga konywa maanzi alike, pe, pele konywa atuwaini twakugwasya mwida, kuti mubili wako ujane inguzu, nkaambo tobukili bulo.
24Zibi zyabamwi bantu zilalibonya, zyabazolwedela kale kuya kukubetekwa, anu bamwi, zibi zyabo ziya musule lyabo. 25Mbubonya obo, ayalo milimo mibotu imwi ilalibonya, nkabela eyo iitali boobo tiikonzyi kuyuba lyoonse.
Currently Selected:
1 Timoteo 5: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.