2 Cronicas 3
3
1Insagana#Gen. 22:22. idin ni Ari David nga ama ni Solomon ti lugar a pakabangonan ti Templo. Adda daytoy idiay Jerusalem, iti Bantay Moria, iti disso a nagparangan idi ni Yahweh ken ni David, iti pagir-irikan ni Arauna a Jebuseo. Nangrugi ti trabaho 2iti maikadua a bulan iti maikapat a tawen a panagari ni Solomon. 3Adtoy ti rukod ti Templo a binangon ni Ari Solomon: 90 a kadapan ti kaatiddogna ken 30 a kadapan ti kaakabana. 4Tallopulo met a kadapan ti kaakaba ti masungad a kuarto, kas iti Templo ket 180 a kadapan ti kangatona. Puro a balitok ti naikalupkop iti uneg ti kuarto. 5Nadidingan iti sedro ti kadakkelan a kuarto: nakalupkopan dagiti diding iti kasayaatan a balitok ket nakitikitan dagitoy kadagiti sinan-kayo a palma ken kawar. 6Inarkosan ti ari ti Templo iti napintas ken agkakapateg a batbato ken balitok a nagatang iti daga ti Parvaim. 7Inusarna dagiti balitok a pinangkalupkop kadagiti diding, awanan, dagiti pagserkan ken ruangan ti Templo. Naikitikit kadagiti diding dagiti imahen dagiti kerubim. 8Tallopulo#Ex. 26:33-34. a kadapan ti kaakaba ti akin-uneg a kuarto a maawagan iti Kasantoan a Disso, ket 30 a kadapan met ti kaatiddogna. Duapulo ket lima a tonelada a balitok ti nausar a naikalupkop kadagiti diding ti Kasantoan a Disso: 9duapulo nga onsa a balitok ti naaramid a lansa, ket nakalupkopan met iti balitok dagiti diding dagiti akingngato a kuarto.
10Nagpaaramid#Ex. 25:18-20. pay ti ari iti dua a sinan-kerubim a plata. Pinakalupkopanna ida iti balitok sana inkabil iti Kasantoan a Disso, 11-13ket pinagabayda ida a sumango iti pagserkan. Sagduduada iti payak. Pito ket kagudua a kadapan ti kaatiddog ti tunggal payak. Ukrad dagiti payakda ket agsinnagidda iti tengnga ti kuarto. Dumanon kadagiti agsumbangir a diding ti sabali a payakda. Tallopulo a kadapan ti nakaukradan dagiti payakda. 14Adda#Ex. 26:31. bengbeng a naaramid iti linen ken iti lupot a natina iti asul, purpura ken nalabaga. Naiborda dagiti sinan-kerubim iti daytoy a bengbeng.
Dagiti Dua a Bronse nga Adigi
(1 Ar. 7:15-22)
15Nagpaaramid ti ari iti dua nga adigi nga agtayag iti 52 a kadapan, ket impatakderna ida iti sango ti Templo. Iti tuktok ti tunggal adigi, adda paratok a pito ket kagudua a kadapan ti kangatona. 16Naarkosan ti paratok kadagiti nalagalaga a kawar ken 100 a bronse a sinan-granada. 17Naipatakder dagiti adigi iti agsumbangir a pagserkan iti templo. Jakin#17 JAKIN: Iti Hebreo, kaarngi daytoy a nagan ti “Ipasdekna” (ti Dios ti kayatna a sawen). ti nagan ti adigi nga akin-abagatan; Boaz#17 BOAZ: Iti Hebreo, kaarngi daytoy a nagan iti “Babaen iti pigsana” (ti Dios ti kayatna a sawen). ti akin-amianan.
Currently Selected:
2 Cronicas 3: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society