2 Tesaronika 1
1
Haga Wẽtup 1
Pauru Hẽtup Tesaronika Piaria Tupana Tegyiꞌat Hap Iꞌatuewowi
1Uiwyriaꞌin Tawa Tesaronika piaria koitywy Uito Pauru atipoꞌoro uimiwan ehewowi iꞌewyte aiwy Sira aiwy Timoteuꞌin wywo kuekatu uruꞌe hap uruipoꞌoro ehewowi Aiꞌywot Tupana mepytꞌin Aikaꞌiwat Iesui emiitꞌin torannia kape.
2Uruhẽtup kahato ehupi -Tupana urutoꞌe etum no aiwyriaꞌin me yt kat saꞌup i egyiꞌat hap iꞌewyte iꞌatuwoꞌowese hamuat etum kahato urutoꞌe Aiꞌywot kape Aipotypot Aikaꞌiwat Iesui kape uruhẽtup.
3Uruwyriaꞌin karãpe urutuwekuekatu ehewowi turan -Waku kahato En Tupana uruꞌe hap yn topyhuꞌat. Tupana urutuwehum kahato eete katupono itag naꞌyn poꞌog poꞌog iꞌatukai emohey hap urutoꞌe. Koitywy woꞌokyꞌe kahato haria wo raꞌyn tukupteꞌen waku kahato urutoꞌe. Miꞌi tupono ehewaku hap upi urutuwehum aat kaꞌap Tupana ete. 4Iraniaꞌin itotiaria toꞌokyryꞌi kahato ehete. Iesui mohey ehepiat pote ehatyꞌi hatyꞌi kahato. Taꞌatukyꞌesat kahato waureꞌeiꞌe Tupana etiat hap. Yt ikahu hin i iꞌatuꞌe ehepe maꞌato yt eweiwaure teran hin i Iesui mohey ehepiat hap. Miꞌi pote iraniaꞌin me uruhenoi -Meiẽ miꞌiria tawa Tesaronika piaria waku kahato rakaria urutoꞌe. Yt taꞌatuꞌatoiat hin i Iesui mohey taꞌatuepiat hap taꞌatusatyꞌi satyꞌi pykai urutoꞌe. Mio tã urutoꞌe yn iraniaꞌin tawa piaria imohey haria puo. 5Eweikuap kat pote ewehoꞌopot hap. Taꞌi Tupana mepytꞌin eipe pote -Waku kahato eipe e Tupana. Taꞌi ehewaku hap putꞌok e uiꞌyatypiat wuatꞌi eꞌat piat eikupteꞌen hamo. Katupono iꞌatumikyryꞌi pykai yt uiꞌatoiat hin i eipe e aru Tupana ehepe. 6Tupana tomoherep hãpyk kahato wakuap sio yt hap. Miꞌi tupono ti yt toiwaure hin i ehetiat mikyryꞌi haria. Toiꞌatuporeraꞌaipok iꞌatupotsatyꞌi satyꞌi hap eimosoꞌopot hap kaipyi. 7Miꞌi hawyi ti aru Tupana timonik yne raꞌyn hoꞌopot ehepiat hap. Iꞌewyte uruwat miitꞌin mikyryꞌi hap monik hamo. Tuut Aipotypot Iesui atipy kaipyi. Tuwemoherep temiitꞌin hesaika rakaria atipy piaria wywo. 8Ehatyꞌi hatyꞌi haria apiheg hamo tuut. Yt Tupana kuap i haria apiheg hamo tuut. Aikaꞌiwat woꞌonapin wakuap yt nug i haria apiheg hamo tuut. Atipy kaipyi Iesui aria wo toiꞌatuꞌapiheg irane miꞌiria. 9Miꞌi hawyi miꞌiria ewywuaria toiꞌatuꞌapiheg aru wuatꞌi eꞌat piat iꞌatumoewasat hamo. -Eweiwat ro aikope yt uiꞌakasa i hap kape. Eweiwat ro woꞌopugha hap kape. Yt karãpe i aru uikahu hap motypot hap kape eweiꞌakasa. Yt karãpe i ti aru uhesaika hap Morekuat nuat uheineꞌen hap kape eweiꞌakasa e. 10Karãpe taꞌaipok i raꞌyn miꞌi hap eꞌat pe ti aru imohey haria hemiitꞌin torannia imotypot kahato Taꞌatuporekuat koro. Miꞌi hap eꞌat pe eipe iꞌewyte eweimotypot kahato wy katupono uruꞌe hap mohey kahato haria eweikupteꞌen.
11Miꞌi tupono uruhẽtup kahato wuatꞌi eꞌat pe ehupi -Tupana uruikyꞌesat hãpyk kahato gupteꞌen haria wo emohey haria tawa Tesaronika piaria urutoꞌe. Yt wẽtup ok i toineꞌen itote ewemoti ehay pupiat hat urutoꞌe. Etum iꞌatuepe esaika hap emikyꞌesat wakuap yn nug hamuat hap urutoꞌe. Uruꞌywot miꞌiria Esaꞌyru mohey haria sese miꞌi tupono poꞌog uruikyꞌesat iꞌatuehãite imohey hap etiat hap urutoꞌe. 12Miꞌi tã taꞌatunug itote pote iraniaꞌin itotiaria yt toꞌokyryꞌi hin i urukaꞌiwat Iesui set ete. Emotypot kahato itote iraniaꞌin Papai urutoꞌe. Iꞌewyte emiꞌatumotyporia wo tukupteꞌen emohey haria itotiaria Papai urutoꞌe. Miꞌi hap uruhẽtup ewowi etum neꞌen neꞌi hamuat hap urukaꞌiwat uruporekuat Iesui egyiꞌat hap kaipyi uruhẽtup Kahato wuatꞌi eꞌat pe ehupi uruto Pauruꞌin.
Currently Selected:
2 Tesaronika 1: mav
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.