ISAIA 4
4
1I na matena ngekana na gete gi pi
ka page okekea igê na mane gi tage, ma ka vivi:
“Gu êragigami,
i era ma kami maki, suria mi pe êragi.
Siana ko tako renigi na ngauha ma na gahu.
Igami maremami kami girara mi katogi.”
Jerusaleme ki page koro aporo
2I na matena ngekana na Araha ki page katogi igê na ara ni ngauha ma na apinige igê na agua ka akê maninga, ka raharaha ma ka bâkoro. Na Isiraelita, na ani ga tahitahi mêngara, ka page vagevagesigi na ngauha i mu, ma ka page ageage renigi. 3Na enoni, ga hita so i Jerusaleme, na ani God ki bani atera, hanana viga tahitahi, ka page visira, viga toto suria God. 4Na Araha raramohaga hunia ki page surira, ki page hagamatarotarora na ai ni Jerusaleme, ma ki page tananigi râ na tasi iata ma na gapu, ga bani gogo i ngekana. 5Ma hemuri i avorana na hungana i Sione ma i avorata na enoni, ga oga i ngekana, na Araha ki page hagatora na vaha, ki gâga surigi na tangiani, ma na robona ma na mavetana na gi surigi na bungiani. Na raramohana God ki page buhia ma ki page anumasia na hinua hagenani. 6Na raramohana ki page mamarusia na hinua tenia na arito igê na tangiani, hanana ga rukuruku igê tenigi na rangi ma na roga raha.
Currently Selected:
ISAIA 4: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific