Jo Ibru 5
5
1Pien ajwaka madit acel acel giyero ki i kin lwak, ka gikete me tiyo tic i nyim Lubaŋa ma kakagi, kun tyero mot ki gitum pi bal. 2En twero tic ki dano ki mwolo, jo ma kwiya piny ki jo muŋak, pien en kikome bene noŋo goro oketo kome woko. 3#Levi 9.7 Pi man, en myero otyer gitum pi balle en kikome, kacel ki pi bal pa lwak. 4#Nia 28.1 Dok bene pe tye ŋat mo ma yerre kene pi dit man, Lubaŋa aye ma lwoŋe iye, macalo olwoŋo Aron.
5 #
Jab 2.7
Kit meno bene, Kricito yam pe oketo deyo i kome kekene me bedo ajwaka madit, ento Lubaŋa aye muyere, kun wacce ni,
“In i Woda,
tin doŋ anywali”; 6#Jab 110.4 macalo owaco bene ka mukene ni,
“In ibedo ajwaka nakanaka,
i kit pa Melkijedek.”
7 #
Mat 26.36-46; Mar 14.32-42; Luka 22.39-46 Yecu yam ocwalo legane bot Lubaŋa, i kare me kwone i lobo man, en aye bot ŋat ma yam twero lare ki i to, kun bako doge ma pe twerre ki koko ki pig waŋe, ci Lubaŋa bene owinye pi mwolone bote. 8Kadi en obedo Wod pa Lubaŋa, yam en opwonnye me bedo ki winy pi can ma en doŋ oneno. 9Ka doŋ oteggi, ci odoko ŋat ma kelo larre ma pe tum bot dano ducu ma winyo en, 10Lubaŋa cut oyere me bedo ajwaka madit i kit pa Melkijedek.
Ciko jo ma mito ŋak woko
11Watye ki lok mapol ma myero walok i lok man, ento tek twatwal me niaŋowu, kit macalo wun doŋ wudoko nyap ka winyo lokwa-ni. 12#1 Kor 3.2 Kombeddi onoŋo doŋ wuromo bedo lupwony, ento myero ŋat mo koŋ dok opwonywu odoco i lok mukwoŋo ma dok i kom lok pa Lubaŋa. Mito gipitwu koŋ ki cak, ento pe cam matek. 13Pien ŋat ma doto cak pe tye ki ŋec mo ma dok i kom bedo ki kit ma atir, pien noŋo pud en latin. 14Doŋ cam matek tye pi jo muteggi, ma ryekogi ma gupwonnye kwede me poko gin maber ki gin marac doŋ ojiŋ pi ketone i tic.
Currently Selected:
Jo Ibru 5: Aco85
Highlight
Share
Copy
Want to have your highlights saved across all your devices? Sign up or sign in
Acholi Bible © Bible Society of Uganda, 1985.