2 ቴሴሎንቃ 1
1
1ኑኒ ጳዉሎሲ፥ ሲላሴኔ ፂሞቶሲ፥ ቴሴሎንቄን ዴዒያ ኣማኒያ ኣሳቶ ሃ ዳቢዳቢያ ፃፌቶ። ሄዋንቱ ፆሳ ኑ ኣቡዋንታኔ ጎዳ ዬሱሲ ኪሪስቶሳዋንታ።
2ፆሳ ኑ ኣዉዋፔኔ ጎዳ ዬሱሲ ኪሪስቶሳፔ፥ ኣ ኬካቴይኔ ሳሮቴይ ሂንቴንቶ ጊዶ።
ኪሪስቶሳ ዩሳ ጋላሲ ሃናና ፒርዳ
3ኑናዳን ፆሳ ካሊያዋንቶ፥ ሂንቴንቱ ኣማኑ ሎይ ዲጪያ ዲራዉኔ፥ ሂንቴንቱ ኢቱ ኢቱዋ ሲቂያ ሲቁ ዳሪያ ዲራው፥ ኑኒ ሂንቴንቶ ቤሲያዋዳን፥ ፆሳ ኡባ ዎዴ ጋላታናው ቤሴ። 4ሄዋ ዲራው፥ ሂንቴንታ ዬዴሳይኔ ዋዪያ ኡባይ ጋኪናካ ሂንቴንቱ ጌንጪያዋኔ ኣማኒያዋ ኑኒ ኑ ሁጴው ፆሳ ኣማኒያዋንቶ ኦዲዴ፥ ሂንቴዋን ጬቄቴቶ።
5ሂንቴንቱ ዋዬቲያ ፆሳ ካዉቴው ቤሲያዋንታ ጊዲዴ ፓይዴታና ማላ፥ ፆሳይ ፒርዲያ ፂሎ ፒርዳ ቤሲያ ማላ። 6-7ፆሳይ ቱሙ ፒርዳ ፒርዳና። ጎዳይ ዬሱሲ ባሬ ዎልቃማ ኪታንቻቱዋና ታማ ላጩዋ ጊዶን ሳሉዋፔ ዪያ ዎዴ፥ ፆሳይ ሂንቴንታ ዋዪሲያዋንቱ ቦላ ዋዪያ ኣሃና። ቃሲ ዋዬቲያ ሂንቴናኔ ኑና ሼምፒሳና። 8ቃሲ ፆሳይ ባሬና ኤሬናዋንታኔ ኑ ጎዳ ዬሱሲ ኪሪስቶሳ ዎንጋላ ሚሺራቾ ኣዛዜቴናዋንታ ሙራና። 9-10ሄ ጋላሲ ኢ ባሬ ጌሻቱዋን ቦንቼታናዉኔ ቃሲ ባሬና ኣማኒያ ኡባቱዋን ሳቤታናው ዪያ ዎዴ፥ ኡንቱንቱ ጎዳ ሲንፔኔ ኣ ዎልቃ ቦንቹዋፔ ሻኬቲዴ፥ ሜና ባሻን ሙሬታና። ጋሱኔካ፥ ኑኒ ሂንቴንቶ ኦዴዳ ኪታይ ኣማኔቴዳ። #ኢሳ 2፡10
11ኑኒ ሂንቴንቶ ኡባ ዎዴ ፆሳ ዎሲያዌ ሄዋሳ። ኑ ፆሳይ ፄሴዳ ዴዖ ሂንቴንታ ቤሲያዋንታ ጊዴ ፓይዳናዳን፥ ኑኒ ኣ ዎሴቶ፤ ሂንቴንቱ ሎዖባ ኡባ ኣሞቲያዋኔ ሂንቴንቱ ኣማኑዋ ኦሱዋ ኢ ባሬ ዎልቃን ፖሎ። 12ሄዋን ኑ ፆሳ ኣ ኬካቴኒኔ ቃሲ ኑ ጎዳ ዬሱሲ ኪሪስቶሳ ኣ ኬካቴን፥ ጎዳ ዬሱሳ ሱን ሂንቴንቱ ቦንቻና፤ ሂንቴናካ ኢ ቦንቻና።
Currently Selected:
2 ቴሴሎንቃ 1: dwrENT
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn more about Ooratha Caaquwaa