LUCAS 3
3
Ne wzëët Xwa ne rtxobnis
(Mt. 3:1-12; Mr. 1:1‑8; Jn. 1:19-28)
1Ne wak chíín iz ne rnebééy rrey-Tiberio, laa Poncio Pilato nak gobernador Judea, le Herodes rnebééy lo lyu ne la Galilea, le bech Herodes Blib rnebééy lo lyu ne la Iturea no le lo lyu ne la Traconite, le Lisanias rnebééy lo lyu ne la Abilinia. 2Anás no le Caifás nak fxuz ne mazre nondee. Cheguin ke wnii Dëdyuzh lo Xwa xpee Zacari denbidx. 3Lex wa Xwa yra gyëz ne nak guex rugyow-Jordán, re Xwa lo mén ne yrobnis men no ysaan men xgyelmal men chen gun Dëdyuzh perdon xdol men. 4Zeree wak kumplir diiz ne wkaa profet-Isaías ledne re:
Te rëz rlen denbidx, re we:
“Gulaxnëz xnëz Men ne rnebééy,
guxal te nëz ne tebli.
5Yrandxee ledne nugyët, gyezaa we;
yrandxee gyeey no le yrandxee bles, gakleecho.
Nëz ne nyeky, gaktebli we.
Nëz ne gya gyëttee, gaktebli we.
6No yrandxee mengyëzlyu kwii mén ne yxaal Dëdyuzh ne yselaa mén.”
7Chene ra mén lo Xwa ne ytxobnis Xwa men, nan Xwa lo men:
―¡Xerras mëël! ¿Txu na lo de ne yláá de lo gyelentozroo ne zëdyob? 8Xnëz gugak chen gaknyoo ne nli che wsaan de xgyelmal de, no guedet de lo xkompanyer de: “Xnëz Abraham zëëd be”; porke yna noo lo de yra de ne axtegue gyeree zun Dëdyuzh gan ylaa Dëdyuzho men ne zëëd xnëz Abraham. 9Che list zu gyibyag ne txuug axtegue ydeblu yag; yrandxee yag ne rkaadet nexwen lo, txuugo, tsa we lo gyi.
10Lex wnabdiiz mén lo Xwa, re men:
―¿Pagox rap noo degne ylaa noo?
11Wke Xwa, re Xwa:
―Men ne rap txup lërmank, rap men degne ydee men tebo lo men ne yëteno; men ne rap ne ru, rap men degne ydee men tebëdo lo men ne yëteno.
12No tebëd men ne rgoob zeg impwest wa lo Xwa ne ytxobnis Xwa men, lex wnabdiiz men lo Xwa, re men:
―Maxter, ¿noo naa, pagox rap noo degne ylaa noo?
13Lex re Xwa lo men:
―Gobdet de mazre nzhoodee ke ne rap de degne gob de.
14No le tebëd soldad wnabdiiz lo Xwa, re men:
―¿Noo naa, pagox rap noo degne ylaa noo?
Wke Xwa, re Xwa:
―Ynechedet de mén por ne gak ygyitxee de logne nak xen men, ni ykagyiidet de mén logne wlaadet men, no gugyan byen logne rezh rka de.
15Noze kambë́z yra mén guin, nuu lextoo men pazer laa Xwa nak Crist. 16Per re Xwa lo men yra men:
―Noo noze kon nis rtxobnis noo de, per che zëëd te men ne ytxobnis kon Espíritu Sant no le kon gyi. Axtegue ni xgyël men rzëëldet noo ychil noo nii men porke mazre rapdee men poder ke lo noo. 17No nzen men ne ylanya men zhobxtil, koo men zhobxtil lad xgyizho, lex gutsoow meno; le xgyizho tsa lo gyi ne nunk gyuudet.
18Zeree re Xwa lo mén no ndalre diiz ne wnino Xwa men, wzëët Xwa xdiznzoon Dëdyuzh lo men. 19No wakndux Xwa lo rrey-Herodes por ne nuu Herodes yrup Herodes Herodías xewnaa Blib bech Herodes no por yra ne mal ne wlar Herodes. 20Per lel mazre wlaa Herodes, wnëëz Herodes Xwa, wguu Herodes Xwa chegyiib.
Le Jesus wrobnis
(Mt. 3:13-17; Mr. 1:9-11)
21Chene katxobnis Xwa mén, no Jesus wa wrobnis lo Xwa. Or ne kanab Ne lo Dëdyuzh, wyal gyeybaa, 22wyët Espíritu Sant zegnak te mëër, wyab Ne led Jesus, no wlen te rëz gyeybaa, re we:
―Laa de nak XPee noo ne ryaan noo; kesentyent rnesak de lextoo noo.
Yra men ne nak xpenkwlal Jesus
(Mt. 1:1-17)
23Zeg galebchii iz rap Jesus chene wzelo Ne wlaa Ne xdxiin Ne. Jesus ne nuu lextoo mén nak zhiin Xeb xpee Elí, 24Elí nak zhiin Matat, Matat nak zhiin Leví, Leví nak zhiin Melqui, Melqui nak zhiin Jana, Jana nak zhiin Xeb, 25Xeb nak zhiin Matatías, Matatías nak zhiin Amós, Amós nak zhiin Nahum, Nahum nak zhiin Esli, Esli nak zhiin Nagai, 26Nagai nak zhiin Maat, Maat nak zhiin Matatías, Matatías nak zhiin Semei, Semei nak zhiin Xeb, Xeb nak zhiin Judá, 27Judá nak zhiin Joanán, Joanán nak zhiin Resa, Resa nak zhiin Zorobabel, Zorobabel nak zhiin Salatiel, Salatiel nak zhiin Neri, 28Neri nak zhiin Melqui, Melqui nak zhiin Adi, Adi nak zhiin Cosam, Cosam nak zhiin Elmodam, Elmodam nak zhiin Er, 29Er nak zhiin Josué, Josué nak zhiin Eliezer, Eliezer nak zhiin Jorim, Jorim nak zhiin Matat, 30Matat nak zhiin Leví, Leví nak zhiin Simeon, Simeon nak zhiin Judá, Judá nak zhiin Xeb, Xeb nak zhiin Jonán, Jonán nak zhiin Eliaquim, 31Eliaquim nak zhiin Melea, Melea nak zhiin Mainán, Mainán nak zhiin Matata, Matata nak zhiin Natán, 32Natán nak zhiin David, David nak zhiin Isaí, Isaí nak zhiin Obed, Obed nak zhiin Booz, Booz nak zhiin Salmón, Salmón nak zhiin Naasón, 33Naasón nak zhiin Aminadab, Aminadab nak zhiin Aram, Aram nak zhiin Esrom, Esrom nak zhiin Fares, Fares nak zhiin Judá, 34Judá nak zhiin Jacob, Jacob nak zhiin Isaac, Isaac nak zhiin Abraham, Abraham nak zhiin Taré, Taré nak zhiin Nacor, 35Nacor nak zhiin Serug, Serug nak zhiin Ragau, Ragau nak zhiin Peleg, Peleg nak zhiin Heber, Heber nak zhiin Sala, 36Sala nak zhiin Cainán, Cainán nak zhiin Arfaxad, Arfaxad nak zhiin Sem, Sem nak zhiin Noé, Noé nak zhiin Lamec, 37Lamec nak zhiin Matusalén, Matusalén nak zhiin Enoc, Enoc nak zhiin Jared, Jared nak zhiin Mahalaleel, Mahalaleel nak zhiin Cainán, 38Cainán nak zhiin Enós, Enós nak zhiin Set, Set nak zhiin Adán, Adán nak zhiin Dëdyuzh.
Currently Selected:
LUCAS 3: zpi
Highlight
Share
Copy
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.