1 TESALONICENSES 3
3
1Por neguin tantse rlaan noo gaknan noo gan pezee za de yra de, wzoob xtoo noo wyan noo Atenas noze noo, 2wxaal noo Timotew ne rlaleedx ke Jesucrist no ne nak xkompanyer noo ne rlaa noo xdxiin Dëdyuzh ne rzëët noo xdiznzoon Jesucrist, chen guu men lextoo de ne ysalzaandet de ne rlaleedx de Jesucrist 3no chen ni te de ytxuugdet lextoo por yra ne kazak de. Porke che nan de ne che zëëd be ne gak be sufrir, 4porke chene wkaa noo lo de, che wzëët noo ne rap be degne gak be sufrir, no nan de ne zenga kayak be sufrir. 5Por neguin por tantse rlaan noo gaknan noo gan pezee za de, wxaal noo Timotew lo de chen gaknan noo gan pe benak rlaleedx de Jesucrist. Porke rdxe noo tegue ygoots Bzelo xtoo de ysalzaan de ne rlaleedx de Jesucrist no tegue bat wkyiindet ne wzëët noo xdiiz Jesucrist lo de.
6Per ne wberee Timotew ne wdxiid men lo de yra de, wbereneey men diiz ne wen za de, benak rlaleedx de Jesucrist no benak ryanelsaa de. Na men ne yzaandxee dxe rnileedx de noo yra noo no kesentyent rlaan de kwii de noo zegne rlaan ke noo kwii noo de yra de. 7Por neguin mase kayak noo sufrir no mase noze yralo ne kazak noo, per kesentyent rzhiilen noo ne won noo ne benak rlaleedx de Jesucrist. 8No axtegue nzoon wuu lextoo noo yra noo ne waknan noo ne rsalzaandet de ne rlaleedx de Jesucrist. 9Por neguin axtegue ni rzëldetre gan pezee ydee noo dexkyizhtee lo Dëdyuzh por laa de yra de; nan Dëdyuzh ne kesentyent rzhiilen noo ne wonse noo gan pezee za de. 10Dxe gyëëltee rnab noo lo Dëdyuzh chen yna Dëdyuzh chiid noo wii lo de ste, chen yzëëtre noo xdiiz Jesucrist ne rak falt gaknan de.
11Naleg Dëdyuzh Xuz be yrup Ne Jesucrist gun Ne xyudar noo yra noo chen gun noo gan chiid noo wii lo de yra de. 12Laa Jesucrist gaknonen de chen mazre gyanelsar de no gyaan de semén de zegne ryaan noo de yra noo 13no chen tebli tsuu lextoo de, che neeydetre de dol, axtegue bet ynadet Dëdyuzh Xuz be lo de chene chiid Jesucrist ste yra Ne xangel Ne.
Currently Selected:
1 TESALONICENSES 3: zpi
Highlight
Share
Copy
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.