Rota 3
3
Mangataka mba harovan’i Bôhaza sy hataony loloha i Rota
1Indray andro dia hoy i Nahômỳ rafozambaviny tamin’i Rota:
–Tsy maintsy mitady tokantrano misy fiadanana izay hahasoa anao aho anaka. 2Fantatrao fa havantsika i Bôhaza sady ianao efa niara-niasa tamin’ny vehivavy mpiasany. Indro izy hikororoka vary ôrza ao am-pamoloana anio alina#3.2 Famoloana: toerana fivelesana vary mba hisarahan’ny voany amin’ny fonony.. 3Koa mandroa ianao, mihosora zava-manitra, dia anaovy ny akanjonao tsara indrindra; avy eo dia midina any am-pamoloana, kanefa aza atao fantatr’i Bôhaza akory izany raha tsy efa avy nihinana sy nisotro izy. 4Rehefa handeha handry izy, dia fantaro ny toerana izay handriany; ary mankanesa eo, ka sokafy kely ny lamba eo an-tongony, dia mandria eo#3.4 Io fihetsika ataon’i Rota io dia mitovy amin’ny fangatahana fiarovana. Jereo and.9.; fa izy mihitsy no hanoro anao izay hataonao.
5Dia hoy i Rota tamin’i Nahômỳ:
–Hataoko avokoa izay nolazainao tamiko.
6Dia nidina nankany am-pamoloana izy ary nanao araka izay rehetra nodidian-drafozany azy. 7Ary rehefa avy nihinana sy nisotro i Bôhaza, dia faly ka lasa nandry teo antsisin’ny antontam-bary#3.7 Natory teo an-tsisin’ny antontam-bary i Bôhaza mba hiambina izany mandritry ny alina.; nanatona moramora kosa i Rota, dia nanokatra kely ny lamba teo an-tongotr’i Bôhaza ka nandry teo. 8Ary nony tamin’ny sasak’alina, dia taitra ralehilahy ary niondrika hijery, ka gaga dia gaga nahita vehivavy iray mandry eo an-tongony.
9Dia nanontany i Bôhaza hoe:
–Fa iza moa ianao?
Dia novaliany hoe:
–Izaho Rota ihany ity, tompoko! Mba raiso ho eo ambany fiarovanao aho satria ianao no havana mahavotra ahy#3.9 Havana mahavotra: Jereo 2.20 sy nta..
10Dia hoy i Bôhaza hoe:
–Hotahin’ny TOMPO anie ianao, ry Rota! Ny firaiketam-po nasehonao tamin’ny fianakavian-drafozanao tamin’izao farany izao dia tsara lavitra noho ny tamin’ny voalohany; fa tsy nanaraka ireo tovolahy, na ny mahantra na ny manan-karena, ianao. 11Koa ankehitriny, aza matahotra ianao, fa izay rehetra lazainao dia hataoko ho anao satria fantatry ny olona rehetra eto an-tanàna, fa vehivavy mendri-kaja ianao. 12Marina tokoa fa izaho dia havana mahavotra anao, kanefa mbola misy havana akaiky kokoa noho izaho mahavotra anao. 13Mijanona eto ianao izao alina izao; fa anio maraina, raha hitondra loloha anao tokoa izy, dia tsara; aoka izy no hitondra loloha anao! Raha tsy tiany kosa ny hanao izany, dia izaho no hitondra loloha anao. Velona ny TOMPO ka eo anatrehany aho no mianiana hanao izany; fa matoria aloha ambara-paharainan’ny andro.
14Dia natory teo an-tongotr’i Bôhaza ambara-paharainan’ny andro i Rota, kanefa nifoha raha mbola maizimaizina tsy ahafantaran’olona iny. I Bôhaza manko nanao anakampo hoe: «Tsy tokony hisy hahalala fa tonga tatỳ am-pamoloana ravehivavy!»; 15ka hoy izy tamin’i Rota:
–Ento etỳ iny lamba itafianao iny, ary hazony tsara. Rehefa nataony izany, dia nofenoin’i Bôhaza vary ôrza 15 kilao ka nampitondrainy azy. Dia lasa nody tany an-tanàna i Rota#3.15 Lasa nody izy (vehivavy)...: araka ireo dkt taloha sy ny rijan-teny hebreo; ny rijan-teny hebreo nentin-drazana lasa nody izy (lehilahy)... 16 Nandeha namonjy... ; 16ary nony tonga tany amin’ny rafozambaviny izy, dia nanontaniany hoe:
–Nanao ahoana ianao tany, anaka?
Dia notantarain’i Rota azy avokoa izay nataon’i Bôhaza taminy, 17sady niteny koa izy hoe:
–Nomeny ireto vary ôrza 15 kilao ireto aho, fa hoy izy tamiko: «Aza miverina mitondra tanam-polo mody fotsiny any amin’ny rafozambavinao!»
18Dia hoy i Nahômỳ hoe:
–Mipetraha eto, anaka, mandra-pahafantaranao izay hiafaran’ny raharaha; satria tsy hijanona i Bôhaza, raha tsy vitany anio ihany ny raharaha.
Currently Selected:
Rota 3: DIEM
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.