Mareko 10
10
1Iesu moawku aki‐enanave, Iudea eiei U ikirinave, Ioridana ke’enave ane: a’a aruru U ai moawku anenave; Una opara orau U moawku ipekinave.
2Parisea a’a U ai anenave, erau voa veve’enave ane, Opara anana ana vaki una a’e unioiai? Omo uai voa eire U aua’a’ane‐iai.
3U erau voa veve’einave, Mose oiama‐naki’e?
4Oro kurunave, Vaki a’e unioia revareva kikiriai, a’e okaiviriai ane, Mose evere’enave.
5Iesu erau voa kuruenave, Uku nomo umu unu kane eiai Mose ei vupu kikirinave noro eiai.
6Pani va’au unu ea pani mere vaki, a’e ane, Eloi ei’inave.
7Ei uku eiai a’a una mekai, mei ane, ave’eiakana, una a’e piri‐awmiakana ane;
8Orere a’a monou keiakana: neko mere ai orere a’a rere peo, orere a’a monou keina.
9Ou uku eiai a’a ane Eloi piri‐eane euna, a’a e pa koravai.
10Marea laru ai uku ei voa eiai aivara Iesu moawku voa veve’enave.
11U erau voa kuruenave, Vaki una a’e laoina, a’e mo mi’ina ane, una pinai a’e u eve’eve‐awkana.
12A’a ane una vaki u laoiane, vaki mo miane ane, u awku eve’eve‐li’ina.
13Upi mau’u U ai oro mi‐anenave Iesu neke’eane‐iai: upi mi‐aneai aivara ei’inave.
14Iesu omo opara inamu‐oiaka’ane, U ia’ia‐awkava?-?kei’inave, erau voa kuruenave ane, Upi mau’u Nai ai aneai evere’eine, pa eiai: Uku Eloi inu eiei a’a oro orau keina.
15Nai kurunaina kapoi, A’a Eloi inu eiei upi mau’u orau miape liane, eiei laru ai u ikiriapea.
16Upi mau’u Una eve U aviekinave, kopai‐ekanave ane, Una eve oro upa mere U ai’inave.
17U kapea ai eleaka’ane, a’a monou U ai area‐anenave, Iesu paku ai are epo ai’inave ane, erau voa veve’enave ane, Amua Ima e, nai oiamalimau nai rokoa opai roikiane‐iai?
18Iesu erau voa veve’enave, uku oiana ni nawi Ima iroina? a’a kapeo imakeina, Eloi U e imakeina.
19Vupu ni ipa‐elauna, A’a pa avai, eve’eve pa liai, avapu pa liai, pa onailiai, ewaea pa liai, ni mekai, mei ane, avieine.
20U erau voa kurunave, Amua e, ei vupu uriria nai kamaia‐ekava’ane euna na ukua pani mere.
21Iesu inamu‐ekimakei’inave, umu‐awkanave ane, erau voa kurunave, Awku monou ni oea‐rokona, enara, ni aru uriria inaeali’ira, aru unu kavani rurupu a’a ekura, ni kavani miakana pani muku ai, anene, e’e’ikane ane.
22Ei voa eiai una paku moroali’inave, u kukunu elenave, uku u aru mo’onu miaka.
23Iesu Una aivara inamu‐ekinave, erau voa kuruenave, Kane miki aru‐mia a’a eiai Eloi inu eiei ikiriai!
24Uku Una voa eiai aivara varuavakei’inave. Iesu erau voa moawku kuruenave, Mere e, oro aru e‐pirimaroakona kane miki oro eiai Eloi inu eiei ikiriai.
25Kamela akiki kikau ikiriai iaki kane mi’ina, a aru mia a’a Eloi inu eiei ikiriai iaki kane miki mi’ina.
26Oro varuavakei’inave kapoi, oro erau voa‐ekinama?-?kei’inave, Koama‐iawkava?-?keiamau?
27Iesu inamu’ekimakei’inave erau voa kuruenave, A’a ei awku liai liapea, ei awku Eloi liai li’ina, uku awku uriria Eloi liai li’ina.
28Petero erau voa kurunave, Awku uriria enei ave’eane euna, enei e’e’nika’ane euna ane.
29Iesu erau voa kuruenave, Nai kurunaina kapoi. A’a una marea naea, aroa a’a naea, aro a’ero naea, mekai naea, mei naea, a’e naea, ukua mere naea, aura naea, ave’eane euna uku Nai eiai, uku Iva voa eiai ane,
30Ei rokoa anu pani ai kavani 100 u miakana, marea‐oro, aroa a’a‐oro, aro a’ero, mei‐oro, ukua mere‐oro, aura‐oro, mani awku oro kiripai u miakana, kurua pani aneliviai anelia u rokoa opai miakana.
31A a’a aila oro eai pinai keina oro ika keiakana; ika a’a oro pinai keiakana.
32Oro Ierusalema anu kapea inamakei’inave, oro paku ai Iesu enamakei’inave: oro varuavakei’inave, oro e’e’okamakei’inave oro kore kei’inave. Aivara 12 U ai aneai U laea‐elau’unave, U kuruenave uku kukunu awku U miai awkamakina.
33Akoi’i, enei Ierusalema ai inamakina; A’a anu Mere omoro amua a’a awkuakeiakana, kikiria a’a ane; uku avai oro mua‐awkavakana, lai unuku a’a awkuakana ane:
34Makiri‐awkavai oro anara voa kuruakana, U upa mere kaunere kaiakana, vaki‐awmiakana, avakana ane; rere kaiane lare ai imua mere U moawku la’avakana.
35Iakobo, Ioane ane, Sebede enu mere, erau voa kurunave, Enere nawki Ni evere’eai enere umuli’ina.
36U erau voa veve’einave, Norere oiamalaikora’i Nai liakana norere eiai?
37Orere erau voa kurunave, Enere papa’ava’ane, monou Ni eve miki mekai, monou Ni eve keau mekai, Ni evao’evao eiei ai, Ni evere’ene.
38U erau voa kuruenave, Norere enu voa norere nawki?-?limakina norere ipapea: Koiri mere Nai nana norere iviri ana kurua koiri mere navai? bapatiso ane Nai bapatiso‐ikavakeina, norere iviri ana kurua bapatiso miai?
39Orere kurunave, Enere iviri keina. Iesu erau voa kuruenave, Koiri mere Nai navai‐awkamakina norere navakana; bapatiso ane Nai bapatiso‐ikavakeiakana, kurua bapatiso norere miakana;
40A uku Na eve miki mekai, Na eve keau mekai naea, pa’avai, ou nawki evere’eai Nai iva miape; ei mako mako eiviriakeina ie’ea a’a oro eiai.
41Aivara 10 ei voa viriaka ane, oro ia’ia‐mai eiakei’inave, Iakobo, Ioane ane, eiai.
42Oro U ai aneai Iesu laea‐elau’unave, erau voa kuruenave ane, Noro ipali’ina a’a ie’eiakeina lai unuku a’a amua‐ekavai, oro amua‐ekana ane; omo amua a’a mani‐ekana ane.
43A noro awkono avao ai ei opara orau keiapea: a nomo a’a u amua a’a keiai noro awkono avao ai umuli’ina, u nomo aivara a’a keiakana.
44Nomo a’a u pinai a’a keiai noro awkono avao ai umuli’ina, nomo a’a uriria anu aivara u keiakana.
45Uku A’a anu Mere aneakape U kamaia‐awkava?-?keia’ane‐iai, a uku kamaia‐awkavai, Una rokoa awku awkuai a’a aila anu kavani eiai.
46Oro Ieriko ai anenave Una aivara kiripai U Ieriko mere elenave, a’a aruru ane e’e’okamakei’inave, Baritamaio Timaio onu mere, inamu apua a’a kei’inave, u kapea ai pa’amakei’inave.
47U viriaka’ane Iesu Nasareta a’a awpemakina, u erau voa laea‐li’inave, Iesu Davida anu mere, umu‐ikane.
48A’a aila awkinave laea pa liai: u voa araro erau voa laeali’inave, Davida anu Mere e, umu‐ikane.
49Iesu oinave, inamu‐apua a’a U ai aneai U ekinave; oro inamu‐apua a’a laea‐ulau’unave, erau voa kurunave ane, Kopaili’ine, la’ane; U laea‐nilauna.
50Una a’a kape u kai?-?makei’inave, u la’anave, Iesu ai anenave ane.
51Iesu erau voa veve’enave, Nai oiamalimau ni eiai? Inamu‐apua a’a erau voa kurunave, Na inamu unu emai miai nai umuli’ina.
52Iesu erau voa kurunave, Enara, ni pirimaroakoa aukarinikana. Una emai u emoki mi’inave, u Iesu kapea ai e’e’okanave ane.
Currently Selected:
Mareko 10: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.