Malakai 4
4
Zugsɔb la dabisir kenna
1“Asida sida, dabisir la kenna; li na diti nwɛnɛ bugum tita'ar linɛ kanbid si'el wʋsa nɛ. Dabisir kenna ka banɛ wʋsa an tita'alnam la nɛ tʋʋmbɛ'ɛd dim wʋsa na nwɛnɛ kikan'a, ka bugum na dii ba hali ka ba nya'ar bɛɛ vaung baa yinne kʋ kpɛlim.” Zugsɔb onɛ an Paŋtita'ar Sɔb la pian' li. 2“Amaa yanam banɛ na'asidi m yʋ'ʋr la, winnig kanɛ tansid nɛ pʋpielim la na mɔr laafi kɛɛn ya zugin na. Ka ya na ian'ad terib-terib wʋʋ na'abibis ka ba yɔ'ɔgi ba na'abaukʋn nɛ. 3Ani ka ya na nɔɔd bugusim dim la; daakanɛ ka m ye m niŋ nɛ'ɛŋa la ba na nwɛnɛ tampɛligim ka ya nɔɔdi ba nɛ ya nɔba.” Zugsɔb onɛ an Paŋtita'ar Sɔb la pian' ya.
4“Tɛnrinɛ m tʋmtʋm Moses wada la, zi'ela nɛ wada banɛ ka m da tis o Horeb zuorin ye o tis Israel dim wʋsa la.
5 #
Mat 11:14; 17:10-13; Mak 9:11-13; Luk 1:17; Jon 1:21 “Gɔsima, m na tʋmi m nɔdi'es Elaja ya san'an na ka Zugsɔb dabistita'ar linɛ an dabisbɛ'og la nyaan paae. 6O na maal saamnam nɛ ba biis yɛla; ya'a ka' ala m na kena ka kɛ ka nɔpɔɔr li teŋ la zug na.”
Currently Selected:
Malakai 4: kus_gh
Highlight
Share
Copy
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation