Zekaria 10
10
Baŋa Wɛ na wó fɔge o kwɛ o nɔɔna tei to
1Lwoori-na Baŋa Wɛ se o pa doa ne duum maŋa ne. Wonto mo pae do-vio kale kunkwonnu, ye o ta pae do-na tui se tega kam ke wodiiru lanyerane.
2Jwona yam jege nɔɔna mo ya gana. Vora bam de maa tɔge yi-nɛɛre ŋwaane ba fɔe vwa. Ba yeini ba maŋe dendwa kuri ba bere nɔɔna ye ko dae chega. Ba ta na pa wolim delo to maa ye kafɛ. Konto ŋwaane, nɔɔna bam maa beeri yɔɔ yerane ye ba nae yaara dedɛ, ne pei selo na ba jege nayero se o taa nii-se to.
Baŋa Wɛ maa we:
3“A bane mo yɔɔre de wiira de nayera bam. A maa wó waare dedɛɛra bam. Kokuri to, amo Paŋwa Tu Baŋa Wɛ wó taa nii a nɔn-kɔgɔ kom na ye Judah dwi tiina to baŋa ne mo. A laam maa wó pa ba leiri ba taa jege dam nenɛɛne sisein-nɔɔna balo na wurigi ba vei jara wone tei to.
4Judah dwi dem wone mo dedɛɛro wó pi o nwoŋi.
Diga kuri kandwɛ-zane mo wó nwoŋi ba wone.
Paare delo na jaane vwei to de wó nwoŋi ba wone.
Jara-keim taŋa maa wó nwoŋi ba wone.
Chega to, dedɛɛra dwi maama wó nwoŋi ba wone mo.
5Ba maama ná ke daane, ba wó ji babɛ mo ye ba nɔne ba dona bam ba se chwoŋa ni bworu wone. Ba ta wó kwaare jara ba wane ba dona sisein-dira bam ba de tega ne, Baŋa Wɛ na wo ba tei ne to ŋwaane.
6Amo nam wó pa Judah dwi dem taa jege baare, ye a daare a jwoŋi Josɛf dwi tiina bam#10:6 Josɛf dwi tiina bam = Isarele tiina bam a yage. A wó pa ba jwoori ba zege ba faŋa zega jei sem ne, a na jege ba ŋwaŋa to ŋwaane. Ko wó taa nye de a ya maŋe a wo ve-ba mo to, kolo ŋwaane amo mo ye ba Tu Baŋa Wɛ wom, ye a nam wó sɛ ba wɛ-lworo kom.
7Efrayim dwi tiina bam#10:7 Efrayim dwi tiina bam = Isarele tiina bam wó ji jara-keim bembɛ mo. Ba maa wó taa jege wopwolo lanyerane, ne nɔɔna na nyɔge sana ye ba wo pwoli tei to. Ba bia bam de wó na konto maama pa se ba de taa jege wopwolo. Ba maa wó di ywoni Baŋa Wɛ zeinim ŋwaane.
8Amo wó bwoŋi a nɔɔna bam se ba ba ba jeeri ba ke daane mo. Kokuri, amo lage a vere-ba mo a yage. Ba maa wó puli de kɔgɔ ne ba déem na daga tei to. 9Amo ya seene a jage-ba a yage dwi-gɛ tiina teene ne yiga yiga. De ko de, ba na wo jei selo maama ne to ba bá swei amo swia. Ba de ba bia bam wó wori ye ba laam jwoori ba tete teo kom. 10Amo wó pa ba badwonna zege Ejipti teo ne ba jwoori, ye a daare a la ba badwonna a ke daane se ba zege Asiria ne ba ba.#Izaya 11:11 A wó pa ba zege jei sem konto ne ba ba ba jeini Gilead laŋa kam ne, de Lebanon ne. Ba maa wó taa daga ba su ba gaale tega kam. 11A nɔɔna bam wó bɛ naneo kom de ko chanɛɛre dem ba kɛ. Ba wó pa se buga kam na-ŋone sem peini tega ne. Naili buga kam maama de wó we ba ŋwaane. Asiria tiina kamunim dem wó tu tega. Ejipti teo paare dam dem de maa wó ti.
12Amo Baŋa Wɛ wó pa ba fɔge ba zege amo dam dem ŋwaane. Ba maa wó taa kɔre-ne ba kikia maama wone.”
Baŋa Wɛ na tage kolo to mo konto.
Currently Selected:
Zekaria 10: xsmKBG
Highlight
Share
Copy
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)