Malaki 4
4
Baŋa Wɛ dɛ-kamunu kom taane
1Paŋwa Tu Baŋa Wɛ daa ta ma ta o we:
“Chega ŋwaane to, dɛ dem maa beena se bere-n-tete nyena bam dedaane nɔn-balwaaro tem zwɛ kula nenɛɛne gaao tei to. Ko ná maŋe ko ye yuu dedaane nɛ maama, kolokolo daa bá daare.#Luka 3:17
2Se ko daare, ko ná ye abam balo na zuli amo yere dem to, amo dam delo na jaane verem de tui to lage de ba á baŋa mo, nenɛɛne wea na pɔpɔ ka nyeene tei to.#Jɔn 12:46 De maa wó ja zurim de ba de pa abam. Abam wó ta‑á vei de wopwolo mo ga yalem, ne ba na pore na-bale ba yage ye se faŋe se duri tei to. 3Dɛ dem konto wone, abam lage á nɔne nɔn-balwaaro tem baŋa ne mo, nenɛɛne ba na mɛ napera ba tɔ fwogo tei to. Amo Paŋwa Tu Baŋa Wɛ na tage tei to mo tento.
4Ta‑á guli-na nia yalo amo na kwei a pa a tontoŋeno Moses Sinayi#4:4 Sinayi: Hiburu Horeb (Sinayi yere dedwoŋi) peo kom yuu ne to. Amo déem pɛ‑o a nia yam dedaane a bera yam se Isarele tiina bam maama taa tɔga.
5Nii-na mo! Amo lage a lwoori yiga mo a toŋe a sampwora Elija abam tei ne, se Baŋa Wɛ dɛ-kamunu kom laam ba de yi. Dento dɛ dem nam wó tiini de taa jege foone.#Malaki 3:1; Matiyu 11:14; Maake 9:11-12; Luka 1:17 6Wonto ni taane dem lage de jwoori de ja bia dedaane ba kwoa bochara mo de ja ba jeiga dedoa. Ko ná dae konto, amo wó ba a sɔɔle lwarem a pa á tega kam.”
Currently Selected:
Malaki 4: xsmKBG
Highlight
Share
Copy
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)