Habakuki 3
3
Habakuki wɛ-lworo kom
1Wɛ-lworo konto mo Wɛ ni-jwoŋinu Habakuki déem mɛ o ji leiŋa o leeni o pa Baŋa Wɛ.
2 Baŋa Wɛ, nɔɔna taga ba bere-ne kolo maama nmo na ke to.
Konto ma pa se a kɔre‑m lanyerane.
Nam ta jwoori n ke konto zem dɛ dem ne,
ne nmo déem na maŋe n ke tei to.
Nmo bane ná maŋe de zaŋe de,
daa ta duri dé ŋwaŋa.
3 Baŋa Wɛ zege Teman#3:3 Teman: Edom ne mo konto. ne mo o beena.
Wo-pwoŋo Tu Wɛ mo zege Paran peero tem seeni o maa beena.
O nenɔŋ-fɔrɔ kom ma kwoli wɛyuu kunkwonnu tem maama.
Nabiina maama laam ma pa‑o zula tega baŋa ne.
4O nyeena mo nenɛɛne doa na pepele tei to.
Mini ma pepele de nwoŋi o jeŋa wone,
mɛ seeni o dam dem na seigi to.
5O pae se jaweero da o yiga,
ye toone de maa tɔge o kwaga.
6O na zege mɛ to,
tega kam ziziŋi mo.
O ma nii logo baŋa nɔɔna bam,
ye ba maama yera sae mo vare-vare.
Faŋa faŋa peero tem ma bwori yera yera.
Zwonnu telo o déem na vei te baŋa ne to ma jwoori te palese.
7Amo nɛ we foone mo zo Kusan dwi tiina bam.
Midian dwi tiina bam de yera maa tiini ya sae.
8 Baŋa Wɛ, ko ye bwi sem mo pɛ n bane zaŋe na?
Nmo jege ban-lom naneo kom ŋwaane mo na?
Nmo déem diini sisein-nɔɔna n vo kunkwonnu tem baŋa ne,
ye n dɔge nmo toroko kom baŋa ne.
Ko maa ye se n ja jara n wane n dona bam.
9Nmo ma saŋe n taŋa kam mo
se n ta n chena yam.
Nmo pɛ se doa tiini ka mage tega kam,
pa se nabare laam dura.
10Peero tem na nɛ nmo keim dem to, te ziziŋi mo.
Doa ma nwoŋi wɛyuu ne ka chuura tega ne.
Naneo kom de maa wuura de dam,
ye na bam popɔgele dedɛ.
11Nmo chena yam na vei de fora
ye n chichwei dem de pepele to,
ko ma pa se wea kam dedaane chana kam zege chemm wɛyuu ne.
12Nmo bane dem na zaŋe konto to,
n vei logo baŋa maama wone,
ye n laam nɔne dwi-gɛ tiina bam baŋa ne.
13Nmo na zaŋe n nwoŋi de dam konto to,
ko ye se n jwoŋi balo na ye nmo jeŋa nɔɔna to,
se n daare n vere n dam-fɔrɔ tu wom.
N ma n chɔge nɔn-balwaaro yiga tu wom,
dedaane o kwaga kam maama.
14O na nwoŋi de o jar-keira bam se o jage debam to,
nmo mɛ o tete chichwei mo n ma n zɔ‑o o yuu seeni,
ye ba ya boŋe we ba wó wane debam lela,
nenɛɛne nɔɔna na bɛɛse nɔn-zora tei to.
15Nmo nɔne naneo kom baŋa ne de n sisein-nɔɔna,
pa se na bam popɔgele mo ye ba zaŋe de puŋa.
16Amo nigi tento maama,
ye a yera sae vare-vare.
Foone tiini de zo-ne lanyerane,
pa se a bochare di ye a yera nyɔne.
Amo laam nam wó taa ye chemm mo
ye a cheigi se Wɛ ba o waare balo na bɛɛse debam to.
17-18Teeni dem dedaane kara wodiiru ná maŋe te wo leigi bia de,
amo daa ta wó taa jege wopwolo Baŋa Wɛ ŋwaane.
Pei sem maama ná tega de,
ye naane ná tera nabwoo kom wone,
amo daa ta wó taa jege wopwolo,
Baŋa Wɛ na cho amo to ŋwaane.
19Amo Teiru Baŋa Wɛ ye wolo na pa-ne dam to.
O ma pa se a nɛ kwaare tega,
nenɛɛne tɔgɔ nɛ na ye tei to mo.
O laam cho-ne se a yé to peero tem yuu ne.
(Lei yiga tu wom: Ta‑n yei we leiŋa kanto ye se ba ma kwanno mo ba ma leeni-ka.)
Currently Selected:
Habakuki 3: xsmKBG
Highlight
Share
Copy
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)