Habakuki 1
1
1Kwora kalo Baŋa Wɛ na kwei o pa o ni-jwoŋinu Habakuki to mo tento:
Habakuki na poone Baŋa Wɛ tei to
2 Baŋa Wɛ! Amo wó lwoori tetɛ mo a jare‑m
se n laam wane n cheigi-ne,
ye n daare n jwoŋi debam n yage vuvuga kanto wone?#Lei 13:1
3Nmo boŋe we ko lamma se amo taa nae puseŋa kikia
dedaane vwa totoŋa yanto na gilimi-ne to na?
Bɛ mo ye nmo sɛ pa se nankɔɔre dedaane tigura de chɔgem tiini ko wora jei maama ne konto?
4Nɔɔna daa ba tɔge nmo nia yam,
ba kweele-ya mo ba yage tega ne
ye chega kam jei.
Nɔn-balwaaro bere ba che nɔn-ŋona,
pa se ba borem daa ba tɔge chwoŋa.
Baŋa Wɛ na leiri tei to
Baŋa Wɛ maa we:
5Nii-na teene delo na gilimi abam to seeni,
se ko wó sɔɔre á yera.
Amo lage a ke woŋo kodwoŋi mo abam da yam wone,
ye ba ná maŋe ba ta ba bere abam ko kuri tei maama de,
á bá sɛ we ko ye chega.#Kikia 13:41
6Amo lage a pa se Babilonia tiina mo zaŋe wɛɛne.
Banto tiini ba ye nankɔ-nyena, ye ba ta jege baare.
Ba lage se ba taa tei teene dem maama.
Ba yɔɔre ba vei yiga mo,
ye ba wane tega baŋa teene delo na dae ba tete teene to.#2 Pwa 24:1-2; Jeremia 5:15
7Ba tiini ba jege foone mo ba pa nɔɔna,
ye nɔɔn-nɔɔno maa ware-ba o che ba keim-chɛɛre dem ŋwaane.
8Ba sisein-nɔɔna durim dwoi gweeru na duri tei to.
Se maa jege foone
se dwoi ga-vare-balwaaro.
Ba tiini ba diini sisei sem ba nwoŋi jei selo na ba ŋwae to,
ye se napɔɔna guri tega.
Se maa fere daane
nenɛɛne kawula na nɛ chibia ka chaale tei to.
9Ba ná yi mɛ de ba keim-chɛɛre dem,
nɔɔna fona de-ba mo.
Ko maa pae se ba wae ba dona.
Ba na wane nɔɔna balo to kɔgɔ ye nenɛɛne buga ni kasolo na daga tei to.
10Ba ma gwooni pwa ye ba mɔne dedɛɛra.
Ba yi mo nɛ pwa bam di-dedwaaro telo na damma to.
Ba yeini ba lɔ taara mo ba ja ba di di-dedwaaro tem yuu seeni,
ye ba laam wane-ba.
11Ba fere mo ba kɛa ne vio tei.
Ba maa vei yiga ba ke yanto chaveera yam.
Ba jege kamunni mo de ba jwona yam na pa-ba dam to.
Habakuki poone Baŋa Wɛ o ke belei
12Amo Tu Baŋa Wɛ, nmo ye Wɛ mo boboa ne. N ma‑n ye Wo-pwoŋo Tu se ko taa vei wuu.
Nmo bá pa se dé te. Amo Tu Baŋa Wɛ, nmo ye wolo na cho debam to mo.
Nmo mo kuri Babilonia tiina bam se ba bore debam bora,
ba daare ba vaŋe dé zwa.
13Nmo na ye Wo-pwoŋo Tu to, n bá‑n wane n sɛ wo-lwanno. Nmo ba lage se nɔɔna tusi chwoŋa. Nmo na ba lage puseŋ-nyena to, bɛ mo ye n yage pa se nɔn-balwaaro tem chɔge debam balo na gare banto to?#Lei 5:5
14Nmo pɛ se nabiina nye de ywona dedaane wo-korro telo na wo naneo wone ye te ba jege yuu tu to mo. 15Mo kokuri Babilonia tiina bam yeini ba ma gwoli-dole ba ja nɔɔna nenɛɛne ba ye ywona mo tei. Ba jaane nɔɔna mo ba ke ba chworu tem wone ye ba mɔna. 16Ba ke kaanem ba zuli ba chworu tem, bɛŋwaane te pae se ba nae wodi-laaro ba di, ye ba ŋwea ywomma.
17Konto to, nmo nam daa‑n ta wó pa se ba chɔge teene dem maama taa, ye yibwona tera na?
Currently Selected:
Habakuki 1: xsmKBG
Highlight
Share
Copy
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)