2 CHANRELNAK 5
5
1Cuticun Bawipa inn caah Solomon nih a tuahmi rian vialte cu lim a si. Cun Solomon nih a pa David nih a rak pekchanh ciami thil hna kha a luhpi hna i Bawipa inn chung rokuang chungah khan ngun, sui le umkheng vialte kha a chiah hna. #2Sam 8.11; 1Cha 18.11
Biakam Kuang Kha Biakinn Ah A Luhpi
(1Sia 8.1-11)
2Cun Solomon nih Israel mi upa hna le an phun cio lu hna kha le Israel mi an pale innchungkhar hna hruitu cio hna kha, David khua a simi Zion in Bawipa biakamnak kuang cu hun chuahpi awkah Jerusalem khua ah a pumh hna. #2Sam 6.12-15; 1Cha 15.25-28 3Cun thla sarihnak thla i a simi puai ah khan Israel mi vialte cu siangpahrang hmaiah cun an i pum. 4Cun Israel mi upa vialte kha an ra i Levi mi nih khan kuang kha an thawhpi. 5Annih nih kuang le tonnak thlam le thlam chung i a ummi umkheng thianghlim vialte kha an kalpi; tlangbawi hna le Levi mi hna nih khan an kalpi hna. 6Cun Siangpahrang Solomon le Israel mi bu vialte amah hmai i aa pummi hna cu kuang hmaiah khan an um i annih nih an thawimi tuu le cawtum cu an tam tuk caah rel cawk le chim cawk an si lo. 7Cuticun tlangbawi hna nih khan Bawipa biakamnak kuang cu a umnak ding hmun, inn chung chungchin hmunthiang, a thiang bik hmun, cherubim hna thla toiah khan an luhpi. 8Kuang umnak hmun cungah khan cherubim hna nih khan an thla an zam caah cherubim hna nih cun kuang le a laang hna kha an thla cu an zarh hna. 9Lang cu an sau caah chungchin hmunthiang hmai i a ummi hmunthiang khan an par le an par cu hmuh khawh an si; sihmanhsehlaw lenglei cun hmuh khawh an si lo; cuka ah cun nihin tiang hin an um ko. 10Israel mi nih Izipt ram in an chuah tikah, Bawipa nih annih he biakamnak a tuahnak Horeb tlang i Moses nih biakamnak kuang chungah a khumhmi lungtlap pahnih hna dah ti lo kha cu, biakamnak kuang chungah cun a dang zeihmanh a um lo. #Deu 10.5
11Cun tlangbawi hna cu hmun thiang chung khan an hung chuah tikah (cuka i a ummi tlangbawi vialte hna cu an i thianh dih ko cang, an i ṭhenning kha cu ruah loin; 12cun Levi mi hlasa pawl vialte, Asaf, Heman le Jeduthun, an fapa hna le an rualchan hna kha puan hmang ṭhia in an i thuam i sumsel le tingtang le thonglawi he biakṭheng in nichuahlei ah khan muko tumtu tlangbawi za khat le pakul hna he khan an dir;) 13muko tumtu hna le hlasatu hna an rian cu Bawipa lawmhnak hla le thangṭhatnak hla kha aw khat tein thanter kha a si caah, muko hna le sumsel hna le awdawh tumnak thilri dang hna he cun:
“Zeitintiah amah cu a ṭha,
A fekmi a dawtnak cu zungzal in
a hmun,”
tiin Bawipa thangṭhat in hla cu an hun sak tikah, inn kha, Bawipa inn kha, minmei in a khah #1Cha 16.34; 2Cha 7.3; Ezr 3.11; Slm 100.5; 106.1; 107.1; 116.1; 136.1; Jer 33.11 #Exo 40.34-35 14caah tlangbawi hna cu rianṭuan awkah khan dir awk an si nain minmei ruangah cun an dir kho lo; zeicahtiah Pathian inn cu Bawipa sunparnak kha a khat.
Currently Selected:
2 CHANRELNAK 5: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006