Maatewos 7
7
Namatti Hinmurinaa
(Luq. 6:37-38,41-42)
1Yesus, “Namatti hinmurinaa akka isaniilleetti hinmure; 2#Mar. 4:24 Muritii isan namatti murtaniin isaniilleetti muran! Ammallee kiila isan safartaniin isaniillee safaran. 3Atin maaf filliida ila obbooleessa keetii keessa jiru laalta ka ufiiftuu jirma ila tantee keessa jiru hinargine? 4Yokaan akkam dandeettee obbooleessa keetiin, ‘Filliida ila keessaa sii fuudha’ jetta, ka ila teetuu keessa jirmii jiru? 5Kijibaa! Akka ila obbooleessaa keetii keessaa filliida fuutuu qaraa fiixee jirma ila tantee keessaa fudhadhu, achiin duuba akka dansaa lafa argitaa” jedhe. 6“Gargaltee akka isanuma hin nyaanneWaan qulqulloo saree hinkennina. Ammallee dooqa booyyee dura hinbuusinaa, akka isiin miilaan irra hinejaajjanne” jedhe.
Waan Kadhachaa Dhugaa
(Luq. 11:9-13)
7Yesus, “Kadhadhaa, isanii kennaanii; barbaadaa inargattanii; balbala dhadhaa'aa, isan duraa banaanii. 8Namii kadhatuu inargata, namii barbaadu inarga, ammallee nama balbala dhadha'uu inbananiif. 9Eentu yo ilmii isaa qixxaa kadhate dhakaa kennaaf? 10Yokaan yo innii qurxummii kadhate bofa kennaaf? 11Yo isanuu ka hammeenna qabdan waan dansaa ilmaan teessanii kennuu beettanii, Abbaan keessan warra isa kadhatuu hagas irra waan dansaa kenna! 12#Luq. 6:31 Akkuma akka namii waan dansaa isanii tolchu feetan, ufiillee akkasuma waan dansaa namaa tolchaa; tunin dubbii seeraatiif fi ta raagaatii” jedhe.
Waan Balbala Dhiphoo
(Luq. 13:24)
13Yesus ammallee, “Balbala dhiphoon olseenaa! Balbala balloo fi karaan laafaan gara badii nama geessaa, namii achi deemuulleen hedduu. 14Balbala dhiphoo fi karaan jabaan jireennaatti nama geessa, namii argatuulleen diqqaa” jedhe.
Waan Dharaa Fi Dhugaa
(Luq. 6:43-44)
15Yesus, “Raagota dharaa eegadhaa, ta hoolaa fakkaachuuf gogaa hoolaa uyyifattee gara keessan dhuftu, keessii isanii ammoo akka ya'ii beellooftee jira. 16Midhaan warraatiin warra beettan. Midhaan Wayinii qoraattii irraa inguuranii? Yokaan dheekkaa irraa mogorree inguuranii? 17Mukii dansaan midhaan dansaa baasa, mukii hamaan ammoo midhaan hamoo baasa. 18Mukii dansaan midhaan hamoo danda'ee hinbaasu; mukii hamaalleen midhaan dansaa danda'ee hinbaasu. 19#Mat. 3:10; Luq. 3:9 Mukaa midhaan dansaa hinbaamne cufa muranitti ibidda keessa buusan. 20#Mat. 12:33 Tanaaf midhaan warraatiin warra beettan” jedhe.
Akka Gubbaa Seenan
(Luq. 13:25-27)
21Yesus ammallee dubbatee, “Nama fedhii Abbaa kiyyaa ka Waaqaa gubbaa jiruu guutu malee, namii ‘Aabboo, Aabboo’ naan jedhu cuftii Mootummaa Waaqaa hinargatu. 22Guyyaa sun namii hedduun, ‘Aabboo, Aabboo, nu maqaa keetiin wa himnee, maqaa keetiin jinnii baamnee, maqaa keetiin waan mamaa hedduu tolchineeni?’ jedha. 23Anin ammoo diidesseetti, anin fuula isan hinbeekuu na biraa fagaadhaa! Isan warra waan hamtuu hojjatuu jedheenii, warratti hima” jedhe.
Waan Yayyaba Mana Lamaa
(Luq. 6:47-49)
24Yesus, “Duuba namii dubbii tiyya tana dhaga'ee guutu nama qalbii qabu ka dhakaa gubbatti mana jaarratte fakkaata. 25Bokkeennii roobee, lolaan guddaan dhufee, bubbeen bubbiftee mana sun dhooftee, waan yayyabii isaa dhakaa gubbaa ta'eef manii ammoo jiguu dide. 26Namii dubbii tiyya tana dhaga'ee hinguunne, nama daallee mana isaa maansaa irratti jaarratte fakkaata. 27Bokkeennii roobee, lolaan guddaan dhufee, bubbeen bubbiftee mana kaan dhooftee, manii jige. Jigisii mana sunii waan guddaa!” jedhe.
28Yesus dubbii tana barsiimnaan, namii cuftii guddoo waan barsiisa isaa mamee, 29#Mar. 1:22; Luq. 4:32 “Innii akka jara seera beekuu nama hinbarsiimnee, ammoo akka nama jabeenna qabuu barsiise” jedhan.
Currently Selected:
Maatewos 7: KakHaa
Highlight
Share
Copy
Want to have your highlights saved across all your devices? Sign up or sign in