Yaɓooda 1
1
Luwah ndah nyag tube
1Lo yaɓoodat Luwah ndah dɔrãg kɨ dɔning.
2Dɔning to kari, nya gotot. Til ut ta holɓe kɨ kokɨɓing, na Ndil Luwah ɔrr dõ dɔ mangt.
3Luwah el an: Kɨ kunj tee Na kunj tee. 4Luwah oo kunj i kɨmaj, ad Luwah gang kunj kɨ til nat. 5Luwah ndah tɔ kunj lokɨkàda, na til lokɨndɔ. Lokɨkàda kɨ lokɨndɔ i ndɔ kɨdasa.
6Luwah el an: Kɨ lokɨtat i mbɨna mangt kad gang maan nat kɨ maan 7Luwah ɗa lokɨtat gangɨn mang kɨ ton girr lokɨtat't nat kɨ mang ĩn i dõ dɔ lokɨtat't tɔ. Na nya 'nten kɨ ɗa nya titbe. 8Luwah ndah tɔ, lokɨtat dɔrã. Lokɨkàda kɨ lokɨndɔ i ndɔ kɨkõjoo.
9Luwah el an: Kɨ maan kɨ girr dɔrãt kɨ kaw kɨnat lo kɨɗa, kɨ lokɨtut tee Na nya 'nten ɗa nya titbe. 10Luwah ndah tɔ lokɨtut dɔning, maan kɨ kaw kɨnat ndah tɔa bahbo. Luwah oo ad i nya kɨmaj. 11Luwah el an: Kɨ dɔning ɓa mũ kɨmbool Kɨ mbikamg kɨ teen kɨ kumd Kɨ kagg teen kɨ kand'd kɨ kumd kɨ dang dang dɔningt Na nyan ten ɗa nya titbe. 12Dɔning ɓa mũ kɨmbool, kámg kɨ teen kumd kɨ dang dang, kagg teen kɨ kand'd kɨ kumd kɨ dang dang ho. Luwah oo i nya kɨmaj. 13Lokɨkàda kɨ lokɨndɔ i ndɔ kɨkõmɨta.
14Luwah el an: Kɨ kunjg in kam lot kɨ dɔrãt kɨtɔkad gangɨn lokɨkàda kɨ lokɨndɔ nat, na kɨ in nyakɔjg, kɨtɔ dɔnahg kɨtɔ ndɔg kɨ ɓalg, 15na kɨ in kunjg kam lot kɨ dɔrãt kad unjɨn dɔningt. Na nya 'nten ɗa nya titbe. 16Luwah ɗa kunj kɨbobo joo, kunj kɨbo kɨtɔ kõɓe dɔ lokɨkàdat, na kunj kɨdu kɨtɔ kõɓe dɔ lot kɨndɔ, ɗa kɨmẽg tɔ. 17Luwah ndahd kam lot kɨ dɔrãt kad kɨ unjɨn dɔningt, 18na kàd kɨ õnɓe dɔ lo kɨkàdat kɨ lot kɨndɔ na kad gangɨn kunj kɨ til nat. Luwah oo ad i nya kɨmaj. 19Lokɨkàda kɨ lokɨndɔ i ndɔ kɨkõsɔɔ.
20Luwah el an: Kɨ man tee kɨ nyandahg kɨ kumkajir ad bɨlan kɨdɔtdɔt Kɨ yelg ɓain dõ kɨ bɔgd dɔningt kɨ kam nélt. 21Luwah ndah dãg kɨbobo kam mant, kɨ nyandahg kɨ kumkajir kɨ dang dang, ĩgɨn ndɨ ɔdɨn rod kam mant, kɨ yelg kɨ dang dang tube'n ɓan bɔgd. Luwah oo ad i nya kɨmaj. 22Luwah njang dɔd, an: Ĩn nyandahg kɨ mant, oojɨn na, i bɨlan kɨdɔtdɔt, i ɗoosɨn kam man kɨ bahbog Kɨ yelg bɨlan kɨdɔtdɔt dɔningt. 23Lokɨkàda kɨ lokɨndɔ, i ndɔ kɨkõmi.
24Luwah el an: Kɨ dɔning tee kɨ nyag kɨ kumkajir kɨgo kĩdt: Nyakulg, kɨ nyag kɨ kɔrr kɔd'd ber kɨ dãg kɨmut kɨ dang dang. Na nya 'nten ɗa nya titbe. 25Luwah ɗa dãg kɨmut kɨ dang dang kɨ nyakulg kɨgo kĩdt, kɨ nya kɨ kɔrr kɔd ber kɨ dang dang tube. Luwah oo ad i nya kɨmaj.
26Luwah el an: Ad kɨ ɗa de ɓakumtaj, kɨ titj kad õɓe dɔ kanjgt kɨ bahbot, kɨ dɔ yelgt kɨ dõ, kɨ dɔ nyakulgt, kɨ dɔ dɔningt kɨtaagbe, kɨ dɔ nyat kɨɗen kɨ ngékɔrr kɔdɨn ber.
27Titbe Luwah ndah de ɓakumtan, ɓakumta Luwah la ndaan ye, Luwah ndah kɨdɨngã kɨ kɨdẽ. 28Luwah njang dɔd, na Luwah eld an: Oojɨn na, i bɨlan kɨdɔtdɔt, i ɗoosɨn dɔning, na i lan dɔning girr tɔgsɨt Õnɓe dɔ kanjgt kɨ bahbot, kɨ dɔ yelgt kɨ dõ, kɨ dɔ kurt kɨɗen kɨ ɔd ron dɔningt 29Luwah el tɔ an: Oon m'adsɨ kám kɨɗen kɨ tee kɨ kumɨn dɔningt kɨtaagbe, kɨ kag kɨɗen kɨ aw kɨ kandɨn kɨ kumɨn kamt, a in nyasasɨ. 30Kun kɨɗen kɨ dɔningt, yel kɨɗen kɨ dõ, nya kɨɗen kɨ a ɔd ron, ĩn kò kumkajir i kamat, mad mũ kɨ mbool kɨɗen nyasat. Na nya'n non ɗa nya titbe. 31Luwah oo nyag tube'n ɗa ye, oo ad i nya kɨmaj ngãi. Lokɨkàda kɨ lokɨndɔ i ndɔ kɨkõkɨbojidet.
Currently Selected:
Yaɓooda 1: MlL
Highlight
Share
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.