Yamni Kulki Lawana 4
4
Waitna ba
1¡Kaiki painkira sma,
laitwankira mairin!
¡Kaiki painkira sma!
Namkra nani ba butku wâl baku sa,
mamwan pura bikaika kwalka brisma ba,
ninara yukuwi baku ba,
man tâmwa nani ba,
guts lupia nani baku sa,
Galaad ilka ra srutwi,
aitniki puli banhwi ba.
2Man nampa nani ba pihni painkira sa,
sîp daknika nani,
aihtabi si bal takan baku sa;
bara ridi sa ai tâwa ba irbaia.#Yam L 6.5-6.
3Unam nani ba pauni pali sa,
trit awa pauni painkira nani baku sa,
sturi aisisma ba sin, painkira sa walaia.
Mamwan painkira tnaya wâl ba lika,
dus mâ pâwan wâl painkira pali
mamwan prakaika brisma ba tila kat,
yukuki swin ba baku sa.
4Namna ba tawer karnakira bara sin painkira pali,
Debit ra mâki yan ba baku sa.
Baha wina kan kahbaika nani tausin kum ai pamisa,
aiklaklabra kupia karnakira kan kahbaika nani atia.
5Man tialkam nani ba,
snapuka luhpia wâl baku sa,#Yam L 7.3.
snapuka luhpia sutki baku sa,
tangni nani lilara twi pi ba.
6Yu ingwanka aula ba ra
tihmu tara ba lap tiwisa,
sîka mâka kîa painkira ilka ra yang wamni,
kîa pain ba ilka purara sin.
7¡Man ba pranakira sma,
laitwankira mairin;
minam wina lamla kat,
pranakira sma!
¡Man wînam ra sauhkan kumi sin âpu!
8Kaisa, yawan wal Líbano wina mahka iwi waia,
wal kut taki mairka lupia;
yang wal Líbano wina mahka iwi wap.
Amaná ilka bahna ba wina kaiks
twi bîla nahki ba,
Senir bara Hermón wal bahna wina sin.
Layan nani bawaika pliska wina sin,
limi bulni nani ilka wina sin.
9Yang kupi na implikram,
yang laikra lupia,
yang wal kut taki mairka;
yang kupi na implikram,
ai kaikram ba wal baman ni,
namna ra lilura kiwka brisma ba awa kum wal.
10¡Kaiki yamni sa lihki ai munisma ba,
yang laikra lupia, wal kut taki mairka!
¡Wal lihki pulanka ba,
wain wal kanra damni sa!
¡Bara batankam laya nani kîa painka ba,
sîka mâka kîa bri ba sut ba wal kau kîa pain sa!
11Wal kut taki mairka lupia,
unam nani wina nasma laya tahwisa.
¡Nasma laya, bîp tialka laya wal,
twisam mununhtara sa!
¡Kwalkam nani kîa ba
Líbano kîa painka baku sa!
12Man, laikra lupia,
wal kut taki mairka lupia,
giadin kum kî mangki prakan ba baku sma,
lî kârma kî mangki prakan baku sma,
lî aubra kârma prakan ba baku sma.
13Giadin kum dusa mâ auhni nani iwi ba;
tangni pihni kîa pain nani sin bâra giadinka ba,
14sîka mâka kîa painkira,
inta wahia, siprun tangnika wal,
klisang sâtka kîa pain bri ba, sinamun wal,
awas kîa dusa nani sut sin;
sîka mâka tahpla,
sîka mâka kîa pain nani kanra yamni ba sut sin.
15Giadin bîlak lî kârma plapi ba,
baha ba liwanhta sa, witinka wina sika
Líbano ilka laya aubi ba.
16Yahbra payaska painkira, ¡rawi bus!
Waupasa payaska painkira, ¡nâra bal!
¡Giadinki purara krawi bas,
bara kîa pain nani sin wauhi bas!
Mairin ba
Bal, laitwankira waitna,
man giadinkam ra bal,
bara dusam mâ auhni nani ba wina pis.
Currently Selected:
Yamni Kulki Lawana 4: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua