Apocalípsis 1
1
Librupa qallanan
1Kay libruchömi qellqashqa kaykan Dios Yaya Jesucristuta revelanqan. Jesucristum angelninta kachamur tsay revelacionta serviqnin Juanta revelarqan. Tsay revelacionwanmi serviqninkunata imapis päsananpaqna kaqkunata tantiyatsirqan. 2Juannam tsay revelacionta qellqar Dios Yaya ninqankunata, Jesucristo ninqankunata y llapan rikanqankunata qellqashqa.
3Alläpam kushikuyanqa kay qellqashqakunata liyiqkuna y liyipuyaptin wiyar cäsuqkunapis. Kay qellqashqa kaykaqkunam cumplinanpaqna kaykan.
Qanchis iglesiakunachö qorikaq wawqikunata y panikunata saludanqan
4Asia provinciachö qanchis iglesiakunachö qorikaq wawqikuna y panikuna:
Noqa Juanmi qamkunaman qellqamü. Unaypita kawaq, kanan kaykaq y shamunanpaq kaq Dios Yaya y trönunpa puntanchö kaykaq qanchis espïritukunapis#1.4 Qanchis espïritukunaqa qanchis angelkuna kanqanpis o Espíritu Santu kanqanpis manam musyakantsu. llakipäyäshurniki alli päsakuychö kawakuyänaykipaq yanapaykuyälläshuy.#Apoc. 4.5.
5Jesucristupis alli kawakuyänaykipaq yanapaykuyälläshuy. Paymi Dios Yaya munanqannölla willakuyninta willakushqa y wañushqakunapita puntata kawamushqa.#Hech. 26.23; Col. 1.18. Kay patsachö llapan mandakuq reykunapitapis mas poderösum.#Sal. 89.27. Paymi alläpa kuyamarnintsik yawarninta jichar llapan jutsantsikta mayllamashkantsik.
6Mandamaqnintsik rey karmi poderninchö kanapaq qorimashkantsik. Tsaynöllam Taytan Dios Yayata serviq sacerdötikuna kanapaq churamashkantsik.#Éxo. 19.6; Isa. 61.6; 1Ped. 2.5, 9; Apoc. 5.10; 20.6. ¡Jesucristo imaypis alabashqa kaykullätsun! ¡Pay japallan mandamaqnintsik kaykullätsun! Amén.
7¡Pukutay jananchömi Jesucristo kutimunqa!#Dan. 7.13; Mat. 24.30; Mar. 13.26; Luc. 21.27; 1Tes. 4.17.
Kutimuqtam llapan runakuna rikäyanqa.
Payta tuksir wañutsiqkunapis rikäyanqam.#Zac. 12.10; Juan 19.34, 37.
Kutimuqta rikarmi maytsaychö runakuna waqayanqa.
Tsaynömi kanqa. Amén.
8Unaypita kawaq, kanan kaykaq y shamunanpaq kaq poderösu Dios Yayam nin: <<Alfa y Omegam kä.#1.8 Alfa ninanqa griego alfabëtuchö punta kaq letram kaykan. Omega ninanqa ultimu kaq letram kaykan. Tsaymi Alfa y Omegam kä ninanqa qallanan y ushananmi kä ninan. [Qallanan y ushananmi kä]>>.#Isa. 41.4; 44.6; Apoc. 1.17; 22.13.
Jesucristuta Juan rikanqan
9Noqaqa Jesucristuman confiakuq majiki Juanmi kä. Qamkunanöllam Jesucristupa mandakuyninchö kaykä. Sufritsiyäshunqaykinöllam noqatapis Jesucristuman creyikunqäpita sufritsiyäman. Qamkunanöllam paypa puntanman chänäpaq mana ajayaypa shuyaykä. Dios Yayapa willakuyninta willakunqäpita y Jesucristo salvamaqnintsik kanqanta willakunqäpitam Patmos islachö prësu kaykä.
10Tsaychö kaykarmi domingu junaq Espíritu Santupa poderninwan cornëta waqaqnöraq qepäpita nimuqta wiyarqä: 11<<[Alfa y Omegam kä. Qallanan y ushananmi kä.] Revelacionchö rikätsinqaqkunata juk rölluman qellqarkur apatsiy [Asia provincia] qanchis markakunachö iglesiakunaman. Tsay markakunam kayan Éfeso, Esmirna, Pérgamo, Tiatira, Sardis, Filadelfia y Laodicea>>.
12Qepäpita tsaynö parlamuqta wiyarmi pï kanqanta rikänäpaq tumaykurqä. Tumaykurmi qoripita rurashqa qanchis candelërukunachö nina rupaykaqta rikarqä.#Éxo. 27.21; Lev. 24.1-4; Zac. 4.10. 13Tsay candelërukunapa chawpinchömi runapa tsurinnö kaykaqta rikarqä.#Dan. 7.13. Paymi chaki puntanyaq llatapashqa karqan. Pëchunpam qoripita rurashqa wachukuwan watashqa karqan.#Dan. 10.5. 14Aqtsanpis yuraq millwanö y jankanö yuraqmi karqan.#Dan. 7.9. Ñawinnam imayka ninanöraq chipakyarqan. 15Chakinkunapis alli pulishqa broncinöraqmi chipakyarqan.#Dan. 10.6. Parlanqanpis atska yaku aywar qayaraqnöraqmi karuman wiyakarqan.#Eze. 1.24; 43.2. 16Derëcha kaq makinchömi qanchis qoyllurkunata katsirqan. Shiminpitam ishkan lädunpa afilashqa espäda yarqamurqan. Qaqllanpis rupaynöraqmi chipakyarqan.
17Payta rikaykurmi puntanman wañushqanö shikwaskirqä. Tsaymi derëcha kaq makinwan yataykamar nimarqan: <<Ama mantsamaytsu. Noqam qallanan y ushanan kä.#Isa. 41.4; 44.6-8; 48.12; Apoc. 1.8; 2.8; 22.13. 18Imayyaqpis kawaqmi kä. Imayyaqpis kawanäpaqmi wañutsiyämanqanpita kawamushkä. [Amén.] Noqam katsï wañuqkunapa almankuna kayanqan llävita.#1.18 Wañushqakunapa almankuna kayanqan llävitam katsï nirmi Jesucristo tantiyatsirqan wañushqakunata kawatsimunanpaq poderyuq kanqanta. 19Llapan rikanqaykita qellqay. Kanan päsaykanqanta y päsananpaq kaqkunatapis llapanta qellqay.
20<<Kananmi tantiyatsishayki derëcha kaq makïchö rikanqayki qanchis qoyllurkuna y qoripita qanchis candelërukuna ima kanqanta. Qanchis qoyllurkuna rikanqaykim kayan tsay qanchis iglesiakunapa angelninkuna. Qanchis candelërukuna [rikanqaykim] kayan tsay qanchis markakunachö iglesiakuna>>.
Currently Selected:
Apocalípsis 1: qxn
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.