3 Juan 1
1
Apóstol Juan saludakunqan
1Kuyay wawqi Gayo:#Hech. 19.29; Rom. 16.23; 1Cor. 1.14.
Mayor wawqi karmi rasunpa kuyarniki kay cartata cartakamü.
2Kuyay wawqi, Dios Yayatam mañakü alli kawanqaykinö imaykachöpis allilla kanaykipaq y sänulla kanaykipaq. 3Jesucristo yachatsikunqannölla kawanqaykita wawqikuna chämur willayämaptinmi alläpa kushikü.#2Juan 4. 4Dios Yaya munanqannö wamräkuna#1.4 Wamrankunapaq parlarqa creyikuq majinkunapaqmi parlarqan. kawanqaykita musyarmi alläpa kushikü.
Gayo yanapakuq kanqanpita Juan kushikunqan
5Kuyay wawqi Gayo, jukläpita shamuq wawqikunata yanaparmi allita ruraykanki. 6Paykuna chämurmi llakipäkuq kanqaykita qorikäyanqächö willayämashqa. Yapay kutiyämuptin juklä markaman aywayänanpaqpis yanapaykullanki. Tsaynö yanapaptikim Dios Yayapis kushikunqa. 7Jesucristupa alli willakuyninta willakur purirpis Dios Yayata mana cäsuq runakunataqa manam imallatapis mañakuyantsu. 8Tsaymi Dios Yayapa willakuqninkunataqa imaykallawanpis yanapanantsik. Tsaynöpam paykunawan paqtan willakuqnö kashun.
Diótrefes mana cäsukuq kanqan
9Willakuqkunata yanapanapaq tantiyatsirmi juk cartata cartakamushkä. Peru tsaynö cartakaykämuptïpis Diótrefes manash yätsinqäkunata cäsuntsu. Payqa mandakuq kayninman confiakurshi munanqanta ruran. 10Tsayshi noqakunata rimayämar puriykan. Karupita shamuq wawqikunatapis manash chaskintsu. Patsatsiyta munaqkunatapis mana patsatsiyänanpaqshi amatsan. Amatsaykaptin patsatsiqkunatash qorikäyanqaykipita qarqun. Tsaynö mana allita ruraykanqantam chaykamur piñapäshaq.
Demetrio cäsukuq kanqan
11Kuyay wawqi Gayo, ama Diótrefesnö kaytsu, masbien allita rurar kawakuy. Allita ruraqkunam Dios Yayapa wamran kayan. Peru mana allita ruraqkunam sïqa Dios Yayatapis reqiyantsu.#1Juan 2.29; 3.6, 9-10. 12Demetriupaqmi sïqa Dios Yayapa willakuynin ninqannö kawakunqanta llapan runakunapis parlayan. Tsaynö kawanqantam noqakunapis rikäyashkä. Musyankim rasunpa kaqta willayanqaqta.
Cartapa ushanan
13Masraqmi niyänaqpaq kan. Peru cartallachöqa manam qellqamümantsu. 14Kikï shamurmi mastaqa niyäshayki.#2Juan 12.
15Dios Yayapa poderninchö alli kawanaykipaq yanapaykulläshuy. Kaychö reqinakunqaykikuna llapanmi saludayämushunki. Tsaychö reqinakunqäkunata cada ünuta saludaykullay.
Currently Selected:
3 Juan 1: qxn
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.