Ạsuor 48
48
ẠZayon ẹmha Ẹnaan
1Ọmoogh-we phọ ạbugh ni.
Ạman ni lọ yira kooseeny ghan sịphe ẹmha Ẹnaan phọ ayira, eegbolom iigbia phọ ọdi.
2 #
Mat 5.35
ẠZayon kụ eegum mọ Ẹnaan, epoph kụ ẹnighe;
ẹmha ogbogh Ọdaam mọ rẹngo ghan iboh oomo aḅirini phọ.
3Ẹnaan miḍeenaan iyira mọ ọno kụ aḍibuo ayira
sịphe aruutu-ịikpo ẹmha phọ.
4Ạraalha phọ uukpomoghan esi
kụ oru ozuom Eegum ạZayon.
5Kụ ọlo mem dị bịdi ọmiin bọ, bịdi umaghagha ni;
aruugu asiph bịdi kụ oghiil ọḍua.
6Aruugu rꞌamukum ologhi asiph ni bịdi
ịdipho ạnir dị oghunughun rakun,
7ịdipho ạrunwunyaru dị oologh rạpiphoghom.
8Ịpe yoor ọnaghan bọ mẹḅile emiteghu.
Yoor mọmiin aani
sịen ẹmha Ẹnaan phọ ayoor, Ẹnaan Oomo Ịikpo phọ.
Ọdi kạpam ni ẹmha phọ kꞌagee-pọ.
9Sịphe Otu Ịiḅereghi phọ ạna, Ẹnaan,
yoor rọotughian ghan ni ẹphomoghian phọ ạna rémuneen ghan bọ.
10Awe roboom ghan ni nyịna oomo arikpisi;
kụ ọdu ạna aleeny eleeny oomo aḅirini phọ,
kụ aruukuan edi ḍịghaagh elhiom mọ ạna.
11Awe phọ ạZayon oboh iboh,
Nạ raagbo ghan iiḅi ịiruen;
ạnmanyaan aJuda ọmoogh ọḅaal ologhi loor ịiruen phọ ạna!
12Itelhe ekitonom Zạyon kụ ạal iiphopha aruutu phọ edi bọ.
13Ịmaar ẹlhogh elegh iikpe phọ ọdi, kụ ẹetughian ghan ruutu-ịikpo phọ ọdi,
ọbo nyina ẹḅeni oḍiman oghiil mọ,
14“Ẹnaan phọ ẹphen phọ kụ Ẹnaan ayira kꞌagee-pọ kꞌagee-pọ.
Ọdi kụ kuḍiemiom iyira tụtu ẹteeny kꞌagee-pọ.”
Currently Selected:
Ạsuor 48: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS