Zwrtq i-yipq 13
13
taub taub txnb la'kauq xij zu'g fuvj pun zyruq
1 zyruq kxvq Buaj mo-se, 2“i-saa-laa-en myenb Eei mrud taub txnb la'kauq xij zu'g fuvj pun yia. maiq kunq myenb Eei fai scvb Kuq Eei, ta'faanb kruq uaq teij taaub Txi txn, xij zu'g fuvj pun yia.”#saauq myenb 3:13; lu-kaa 2:23
maiq an pivq Eei Fuaq Eei zipq
3mo-se kxvq Buaj i-saa-laa-en myenb, “xij zu'g Javj Jyenq naaiq nxm Nxi, tovb meib Bua Zwrtq i-yipq, zu'g zruj nrub Eei teib puv, uaq nxm Nxi, zyruq lovg ninb Eei tomb Qa'q txb meib Bua Zwrtq taaib. maiq tuvq Eang haiq Euvg an pivq Eei ka'naaiq. 4aa-Bipg Laaj, naaiq nxm Nxi, meib Bua Zwrtq a'q. 5zyruq txb meib Bua pia'g Kaa-naa-an myenb, hitq-Tai myenb, aa-mo-lai myenb, hi-wai myenb, ye-Butg myenb yem Eei teib puv, se tovb zyruq Zauj meib Bua Eei ovb Taaij hruq Jyenq lcvd Jiu pun meib Bua uaq nxm Daub Truq lovj#13:5 peiq mavg Zwrtq i-yipq 3:8. Eei teib puv, Havb Havj Tauj naaiq nxm Laaj meib Bua xij zu'g Jiaj naaiq nxm zipq. 6siag Nxi ka'Euad xij zu'g Eang maiq an pivq Eei Fuaq. ta'Zyetq Nxi uaq Nxi xij zu'g Jiaj zipq hrug zyruq. 7naaiq teij siag Nxi ka'Euad xij zu'g Eang maiq an pivq Eei Fuaq. yem meib Bua Bu'Dovj yaag maiq tuvq maaib haiq Euvg an pivq Eei ka'naaiq. lyemb maiq tuvq maaib pivq yem meib Bua Eei teib Jaaij ka'Euad.
8“tovb uaq Nxi xij zu'g kxvq Buaj meib Bua Eei txn, ‘naaiq se aa tia Zwrtq i-yipq teib puv uaq zang, zyruq weig aa tia zruj Eei sig.’ 9naaiq nxm zipq se Navq nxm Javb hog nctq Jyenq meib Bua Eei puad, Eatq Jyenq meib Bua Eei pyxvb, weig pun meib Bua kxvq zyruq Eei leib latg. weig zu'g zyruq lovg ninb henq haig Eei puad txb meib Bua Zwrtq i-yipq teib puv. 10meib Bua xij zu'g Havb Havj Tauj tivg zyavj Eei zyavb hog Jiaj naaiq nxm zipq.
txnb la'kauq
11“zyruq ziuj ninb Zauj meib Bua yaag Zauj meib Bua Eei ovb Taaij hruq Jyenq lcvd txb meib Bua pia'g Kaa-naa-an myenb Eei teib puv, zx'q uaq nxm teib puv Jiu pun meib Bua uaq zang, 12meib Bua xij zu'g zx'q mrud taub txnb la'kauq Zauj scvb Kuq Eei taaub Txi txn, kruq uaq teij, fuvj pun zyruq. #Zwrtq i-yipq 34:19-20; lu-kaa 2:23 13xij zu'g lovg taub pa'ki yuvb txn zua'g taaub taub lxb kruq txn. sij kxvq maiq zua'g Rwrnj nx, xij zu'g Bx'q ninb Eei Jaav nauq. ta'faanb yem meib Bua Bu'Dovj Eei yetg zuvq taaub taub txn yaag xij zu'g zua'g.
14“Ga'haaq hivq meib Bua Eei txn naaig kaaj, ‘weig haiq tiug Navq naaiq nx zruj?’ xij zu'g Buaj ninb, ‘zyruq lovg ninb Eei tomb Qa'q txb yia Bua yem i-yipq teib puv zu'g zruj nrub Eei txvj Zwrtq taaib. 15faa-lo huvb Hruq vcvg, maiq Kavq puvj yia Bua Zwrtq uaq zang, zyruq taij i-yipq myenb Eei yetg zuvq taaub taub txn. lyemb myenb Eei, lyemb scvb Kuq Eei taaub Txi txn, kruq uaq teij, ninb taij. Navq naaig yia Bua zx'q yetg zuvq scvb Kuq Eei taaub Txi txn, kruq uaq teij, ziag pun zyruq. mq paag yia Bua Eei yetg zuvq taaub taub txn yia Bua zua'g Rwrnj.’ 16kan naaiq Euvg leid se Navq zruj Javb hog nctq Jyenq meib Bua Eei puad fai Eatq Jyenq meib Bua Eei pyxvb, Tevj yia Bua Javj zyruq lovg ninb henq haig Eei puad txb yia Bua Zwrtq i-yipq teib puv.”
Bwrnb Dyrub Zauj trub Dyrub
17faa-lo huvb puvj i-saa-laa-en pc'g fivj mivb uaq zang, Tinb huvb maiq txb ninb Bua yavb fi-li-saa-tia myenb Eei teib puv uaq tiub Jauq Jiaj, maiq kunq uaq tiub Jauq kaub za'g. Tinb huvb kxvq, “Riaj pc'g fivj pwavb zu'g Bx'q Jaaj Eei sig zyrug Tiuq Hruq cvj taauj sin Rwrnj i-yipq teib puv.” 18Tinb huvb zyrug txb ninb Bua wivg yavb teib puvb Waav, mivb Kxib si'q uaq tiub Jauq. Zwrtq i-yipq teib puv uaq zang, i-saa-laa-en myenb txb Jyenq Bx'q Jaaj Eei ua'g king mivb.
19mo-se yaag txb Jyenq yo-sepq Eei Buvq mivb, weig zu'g zinb Daavg yo-sepq heug i-saa-laa-en myenb hruq Jyenq lcvd vcvg waag. ninb kxvq, “Tinb huvb Dovg haaij zuvq xij taaib Tevj meib Bua. Tauj uaq zang meib Bua xij zu'g txb Jyenq yia Eei Buvq Zwrtq naaiq nxm txvj.”#Tin teig trub 50:25; yo-su-waa 24:32
20i-saa-laa-en myenb Zwrtq sukg-Kotq mivb Zxv Dopg liub yem teib puvb Waav ka'Len, e-Taam uaq. 21luvb Nxi zang zyruq yem ninb Bua Eei uaq Daavg mcvj, Bwrnb Dyrub ka'Euad, txb ninb Bua Eei Jauq. luvb mwrnd zang ninb yem trub Dyrub ziuj Fav ninb Bua, pun ninb Bua luvb Nxi fai luvb mwrnd haib yavb Jauq mivb. 22luvb Nxi zang Bwrnb Dyrub, luvb mwrnd zang trub Dyrub zuvq maiq leib naaiq teij pc'g fivj Eei uaq Daavg mcvj.
Currently Selected:
Zwrtq i-yipq 13: IuMiNOR
Highlight
Share
Copy
Want to have your highlights saved across all your devices? Sign up or sign in
ฉบับอักษรโรมันโบราณ © Thailand Bible Society, 2007.