kovb zob 27
27
pcv txb pau-lo pia'g Ravq mivb lo-maa zivb
1lo-maa Jyen tivg Hruq pun yia Bua pia'g Ravq mivb i-taa-li teib puv. ninb Bua zyrug zx'q pau-lo Zauj teij zwib myenb Jiu pun taub x-katg-tatg huvb uaq kwanb pcv Eei pcvb pyeiq, tovb kunq yetg pc'q taub pcv Eei pcvb pyeiq, Buaj heug yu-lyetq. 2yia Bua zyrug pia'g Pruj atg-laa-mitq-Ti-yum muvq Eei Ravq. naaiq Pruj Ravq xij kan Kxib Len, e-sia scvq Eei Ravb prug Jiaj. Ravq zyrug mivb a'q. maaib taub maa-si-Do-nia teib puv, Te-saa-lo-ni-kaa zivb Eei myenb, Buaj heug aa-litq-Taa-Katq, yaag Zauj Jyenq yia Bua mivb.
3ta'Eeig Nxi yia Bua Tauj sai-Dxn muvq, yu-lyetq pcvb pyeiq Kxb lyenb pau-lo, pun ninb mivb lxd ninb Eei kxb yrud weig pun ninb Eei kxb yrud liug leid teij ninb. 4cvj yem naaig Rcv Ravq mivb, Ryaauj yetg aaj maiq sunj, yia Bua zyrug Jiaj Ryaauj maiq pwrng Lo uaq puv sai-patg Kxib Rru, 5cvj Jiaj Kxiq, Jiaj zu'g si-li-sia Zauj pam-fi-lia mivb Tauj li-sia teib puv, mi-laa muvq. 6yem uaq pcvb pyeiq cvj lxd tu'q Pruj Ravq yem aa-lekq-saan-De-lia zivb taaib, xij mivb i-taa-li teib puv. ninb zyrug txb yia Bua pia'g uaq Pruj Ravq. 7naaiq teij ziaj Nxi, Ravq mivb tu'q tong haig. a'g tu'q mivb haig, laub Eei Zivj taaib Tauj Kaa-ni-Datg muvq. laaij Ryaauj maiq sunj, maiq haib pcv za'g mivb. yia Bua zyrug pcvb paaid sanj-mo-ne cvj Jiaj Ryaauj maiq pwrng Lo uaq puv Ke-litq Kxib Rru. 8Ravq kevb! a'g tu'q mivb haig, mq paag yia Bua nitq Jyenq Kxib Rru manb mang mivb zyrug Tauj nxm txvj Buaj heug, “Ravb prug Rweig,” leib laa-sia muvq maiq navg ko.
9mivb kau, kwavg zyavb hog Zamq haig a'q. zuvq Jiaj liud zei maiq Eang haiq Euvg Eei zipq a'q. sij kxvq kan Ravq mivb nx, haib pwavb zu'g sig mq pei. pau-lo zyrug Kwinj zwavj myenb. ninb kxvq, 10“zwavj kxb yrud aa'b! yia pwatg Bua Zwrtq naaiq Rung Jauq za'kevb xij pwavb sig a'q. maiq taan Ravq Zauj huaj haib laaib zitg Navq. lyemb Bua Eei mcvg zuvq xij zu'g kwavg mq pei.” 11mq paag pcvb pyeiq syenj Ravb Jyen Zauj Ravb zyruq Eei waag, maiq syenj pau-lo Eei waag. 12weig zu'g uaq nxm Ravb prug maiq navg penj Jiaj tovb ken Nxi, yem Ravq xij mivb Eei myenb yaag kaub Zamq, ninb Bua zyrug tivg Hruq haib kaanq tu'q hivb nx, xij mivb fi-nikq uaq nxm Ravb prug zuaq tovb ken Nxi Jiaj. fi-nikq se yem uaq Ke-litq Kxib Rru Eei yetg nxm Ravb prug, Win mivb fai puv Zauj pa'q puv Bu'Dovj yaag Win mivb fai puv Zauj naamb puv Bu'Dovj.
Ryaaub Jia'q nyruq Ravq
13yem kau uaq nxm txvj, Ryaauj yem naamb puv pwrng taaib syeng Eei, zwavj myenb zyrug laaig mivb tu'q Eei. Ravb nrub zyrug syru zwig Ravq Eei ka'naaiq faauj taaib zyrug Rcv nitq Jyenq Ke-litq Kxib Rru mivb. 14mivb maiq laub pwavb kxv tomb Ryaaub Jia'q, (tovb myenb heug pa'q puv Zauj tov puv Bu'Dovj Eei Ryaauj), pwrng yavb Kxib Rru uaq puv taaib. 15Ryaauj zyrug taaib nyruq Ravq, Ravq pxvd maiq hivb Ryaauj. yia Bua zyrug puvj Ravq sweib Ryaauj pwrng mivb. 16Ryaauj pwrng Jyenq mivb kau, nitq zu'g nxm Kxib Rru txn, Buaj heug Kaau-Daa, Kxib Rru zyrug Txvq Jyenq teij Ryaauj. yia Bua zyrug zx'q Ravb txn prub faauj pavg tomb Ravq Dob Jyenq, zruj tu'q Kruq haig. 17Dob liud Ravb txn, ninb Bua cvj Dob tomb Ravq, zx'q Laav Zunj Fiag ka'Diaq pcv faauj taaib Dob Jyenq. kamb Riaj Ravq haib Ryavg zu'g se-Titq uaq nxm txvj Eei saab zyru Dwi, ninb Bua zyrug puvj Diab Bwavb Fiag sweib Ryaauj pwrng mivb. 18Ryaaub Jia'q Zxg nyruq Jyenq Ravq. ta'Eeig Nxi ninb Bua zyrug zx'q huaj kwavg uaq Kxiq, 19cvj ta'faam Nxi ninb Bua cvj zx'q teij Ravq Eei ua'g king kwcvj kwavg Kxiq a'q. 20tu'q ziaj Nxi yia Bua maiq pwatg Ba'Nxi, maiq pwatg Leij Zwrtq. tomb Ryaauj Zxg pwrng Jyenq seij Eei. yia Bua maaib lamb Namq Fruj tu'q mcvg Zwrtq Eei Jauq paag mig a'q.
21tu'q ziaj Nxi zwavj myenb maiq Eang haiq Euvg. pau-lo zyrug sruq Jyenq ninb Bua Bu'Dovj kxvq, “zwavj kxb yrud aag, sij kxvq meib Bua mwavj yia Eei waag, maiq Zwrtq Ke-litq uaq nxm Kxib Rru nx, Bua maiq zu'g pwavb naaiq teij sig hxig Bua kwavg ka'naaiq Zamq. 22Navq haaij yaag paag, kunq puvj tivg Hruq, meib Bua maiq maaib yetg taub haib zu'g kwavg mcvg. Kuvj kwavg naaiq Pruj Ravq Navq, 23weig zu'g tovb yia penj ninb Eei yaag pua'g zavg Eei Tinb huvb, maaib taub ninb Eei finb myenb a'Mwavj taaib sruq Jyenq yia Eei ka'Len. 24ninb kxvq, ‘pau-lo aa'b! meib maiq tuvq kamb Riaj. meib Navq haaij xij zu'g mivb sruq Jyenq lo-maa tomb ziub huvb Eei Ra'Myen. Tinb huvb xij weig meib pun yetg zuvq Jwavg Ravq Eei myenb tu'q mcvg Zwrtq.’ 25zwavj kxb yrud aa'b! kunq puvj Hruq maa'b! yia syenj Tinb huvb. ninb Navq haiq nx kxvq za'kevb xij Navq uaq nx zruj. 26mq paag Bua Eei Ravq zuvq xij zu'g Piu mivb toj Bua kwavg yetg nxm Kxib Rru.”
27Tauj zyepg feij Nxi uaq mwrnd yia Bua Eei Ravq zu'g Ryaauj pwrng Byrub mivb Byrub taaib Eei yem uaq me-Di-te-le-nyen Kxiq. Daamq mwrnd Eei txvj, Ravb nrub haid Navq nitq Byenj fatq teij a'q nx. 28ninb Bua zyrug lovg tiub Laav Dob Jyenq ka'naaiq Niaq Eei puvj Fiag Dx'g mavg kaaj Dovg haaij Do, pwatg maaib Eig zyepg zamb Do. yetg zang Jiaj ninb Bua cvj Dx'g Rung pwatg zyepg Mmd zamb Do. 29ninb Bua kamb Riaj Ravq haib Ryavg zu'g la'pyeiq, Ravb nrub zyrug puvj pyei nxm zwig Ravq Eei ka'naaiq yem uaq Ravb tweiq. zwig Jyenq, mavg maiq tu'q luvb kaanq Fav a'q. 30Ravb nrub Namq xij pyauj, zyrug zx'q Ravb txn puvj Fiag Kxiq zruj Navq xij puvj Ravb mGxvq Eei ka'naaib zwig Fiag nx. 31mq paag pau-lo kxvq Buaj pcvb pyeiq Zauj pcv, “sij kxvq Ravb nrub maiq yem naaiq Ravq nx, meib Bua maiq haib tu'q Fruj.” 32pcv zyrug Va'q tavj Dob Ravb txn Eei Laav puvj kwavg mig a'q.
33luvb aaq lamb teij Fav a'q, pau-lo Kwinj zwavj myenb Eang teij ka'naaiq. ninb kxvq, “tu'q zyepg feij Nxi a'q, meib Bua Raub maiq Eang haiq Euvg. 34Navq naaiq yia Kwinj meib Bua xij zu'g Eang teij ka'naaiq Zivj taaib haib tu'q mcvg Zwrtq. meib Bua kx'g myenb Eei Ba'pyei lyemb yetg tiub maiq zu'g myetg.” 35kxvq setq, pau-lo zyrug zx'q Fuaq taaib txv Jyenq zwavj myenb lcvd zivb Tinb huvb zyrug mc'q taaib Eang. 36zwavj myenb zyrug haid Hruq lovj teij, yetg zuvq zyrug Eang a'q. 37yia Bua yem Ravq Eei myenb yetg zuvq maaib Eig pc'q Zyetq zyepg lua'g laanb. 38taub taub Eang peuq zyrug pyenb Byaub kwavg uaq Kxiq, xij pun Ravq hev teij.
Ravq waaig mq paag myenb tu'q mcvg Zwrtq
39luvb Fav taaib, maiq maaib haiq taub zia'q tu'q uaq nxm txvj, mq paag ninb Bua pwatg maaib nxm uamb kx'q maaib saab zyru ywrnb Eei, Kub Zwrtq Eei, zyrug tivg xij txb Ravq Zwrtq uaq nxm txvj. 40ninb Bua zyrug Va'q tavj zwig Ravq Eei ka'naaiq kwavg, cvj Jaiq Gxi Ravb Byetg Eei Laav. ninb Bua cvj Zxv Jyenq Ravb mGxvq Eei Diab Bwavb pun Ryaauj pwrng huvj Jyenq mivb Zwrtq uaq Byenj. 41mq paag mivb kau, Ravq pwavb zu'g uamb kapq, Ravb mGxvq Ryavg zu'g saab zyru Dwi kx'q Jyenq, maiq haib mivb. Ravb tweiq zyrug zu'g uam nyruq huq mig a'q.
42pcv Namq xij taij kwavg zwib myenb, Riaj ninb Bua haib zyrub uam pyauj mq pei. 43mq paag pcvb pyeiq xij lyrub pau-lo zyrug maiq pun ninb Bua taij yetg taub. ninb heug haiq taub haib zyrub uam kunq Tiuj Fiag uam zyrub Zwrtq uaq Byenj a'q. 44haiq taub maiq haib zyrub uam xij zu'g Qam Dyavb penq fai yem Ravq haib Byrub Eei ka'naaiq zyrub Zwrtq Byenj. Navq naaiq yetg zuvq zyrug Zwrtq Byenj, maiq zu'g kwavg mcvg.
Currently Selected:
kovb zob 27: IuMiNOR
Highlight
Share
Copy
Want to have your highlights saved across all your devices? Sign up or sign in
ฉบับอักษรโรมันโบราณ © Thailand Bible Society, 2007.