Māa̍ti̍u̍ 5:38-39

Mi̍ Chi̍i̍sū hi̍a̍ū lāchī a̍ wāŋnda̍ pɛ̄ɛ̄kōo̍. Mbo̍ dīmūl nda̍ āā, “Lā tūēī māā na̍a̍ Chu̍ūwa̍ ma̍ pɛ̄ɛ̄kū fi̍nyāā nāā ma̍māa̍ āā, ‘Tē wāŋndo̍ pɛ̄l chāa̍ŋ ndɔ̍ hɔ̄lte̍ŋ pɛ̍, ndu̍ bɛ̍ɛ̍ lā pīɔ̍l ndu̍ hɔ̄lte̍ŋ. Tē wāŋndo̍ bɛ̄ŋi̍ chāa̍ŋ ndɔ̍ chīŋnde̍ pɛ̍, ndu̍ bɛ̍ɛ̍ lā bɛ̄ŋi̍ ndu̍ chīŋnde̍.’ Kɛ̍, ya̍ ya̍, I̍ cho̍ nya̍ dīmūllo̍ māā tē wāŋndo̍ tōsa̍l nu̍m sūɛ̍i̍ wɔ̍ɔ̍ŋnde̍ pɛ̍, mi̍ŋgūl ndu̍ māa̍ le̍. Ndu̍yɛ̍, tē wāŋndo̍ lɔ̄ɔ̄ nu̍m kpa᷅ŋnde̍ pɛ̍, ma̍l ndu̍ ō lɔ̄ɔ̍ vɛ̍lɛ̄ ī pīlɛ̍ī.