Isaiah 17
17
Damascus Langah Thusuak
1Damascus tawh kasai thusuak:#Jer 49:23; Ns 9:2
"En un, Damascus sawtvei khuapi hi nawn lo dinga,
a kisia lompi suak ding hi.#Am 1:3; Zec 9:1
2 Aroer khuapite kinusia dinga,
ganhon giah nadingin kinusia in,#Isa 7:21; Eze 25:5
tuate kuamah in a phawng kei ding hi.#Jer 7:33; Mic 4:4
3 Ephraim kulh muanhuaite mangthang dinga,
Damascus a kumpi vangliatnate bei-in
Aram a, a baanglaite
Israel-te minthanna a bang ding uh hi,"#tg 4; Isa 7:8,16
Thahatpen TOPA in cikhia hi.
4 "Tua ni ciangin Jacob minthanna bei dinga,
a pumpi thauna a gawngtaam ding hi.#Isa 10:16
5 An lapa in ankung dinglai a lak khit tawh kibang dinga,
Rephaim Kuam sunga
ansang khop bangin -#Jer 51:33, Joel 3:13
a khutin an a la ding hi.
6 Tua hinapi,
olive kung a kisat ciangin#Isa 27:12
a hiang paipi dawnah olive nih le thum a kihawi bangin#Isa 24:13
a gahpha ansang vui li vui nga a om lai ding hi,"
TOPA, Israel-te Pasian in cikhia hi.
7 Tua ni ciangin mite in amaute a Bawlpa en ding uh a,#Isa 10:20
Israel-te Siangtho Pa lamah a mit uh a hei ding uh hi.
8 Amaute in khuta bawlsa
biakna-tau lamen loin
amau khutmete bawlsa gimnamtui taute le
Asherah khuamte a#17.8 Tua pen nusian Asherah lim a thusim kei ding uh hi.#Isa 2:8
9 Tua ni ciangin Israel-te hanga kinusia a khuapi muanhuaite uh, a kinusia sephih sawlbawk lak a bang ding hi. A vekin a kilawi khin ding hi.
10 Na Honpa Pasian na mangngilh khin hi;#Ph 68:19; Isa 12:2
na kulh muanhuai Suangpi na phawkkha kei hi.
Tua ahi ciangin singno a hoih pen suanin
gamdang lenggui na suan zongin,
11 na suan ni mahin posak pahin,
na suan ni zingsang mah in na paksak pah zongin
natna le damsak theih loh a na thuak ni-in#Job 4:8
bangmah na kaikhawm tuan kei ding hi.#Hos 8:7
12 Oh, minam tampite ototna aw -
amaute tuipi ging bangin a awngawg uh hi!
Oh, mite awng zuahzuah uh a -
tuipi lianpi hawk bangin a hawk uh hi!
13 Tui kilok hawkte bangin mite a hawk uh zongin
amah in a tai ciangin gamlapi ah taimang uh a,#Ph 9:5
mualtunga huihlet ansi leng bangin kihawlkhia a,
huihpi mut lopa leeng a bang uh hi.#Job 21:18
14 Nitakin hong lausak uh!
Zingsang ma-in amaute mang veh!#2Ku 19:35
Hih in eite hong buluhte tanh
ei aa hong sutte vankhol ahi hi.
Currently Selected:
Isaiah 17: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission