Matthieu 7
7
1Egangidjé saria ang, baa ta kare da gange saria dòsè té ang.
2Mbata da gange saria kesè deo kadaba tokou sésè egangidjé saria kedè, ke da kòdjousè deo kadaba tokou marè ke òdji-djédè to.
3Mbata di a i wo ngoi kake ke to kem ngoköi té, a i wo doukourou kake ke to kemi té ndja ang wa?
4Aséh i a pa kare ngoköi tokou di wa, Arem mòrou ngoi kake ke to kemi té, tokou doukourou kake to kemi té ndja wa?
5I ndjè ngem, òrou doukourou kake ke to kemi té ndja dongor, tokou ban i a ko madji ta kòrou ngoi kake ke to kem ngoköi té.
6Aridjé né ke madji toï bisidjé ang, ilaidjé meré perle no berredjé té ang, na dòmadjang a dèdè mbòïdè ke gòldè ke ntél ta kòsousè.
7Edoudjidjé a da karesè, esangidjé a sésè a kingaidjé, oundaidjé tadeo kei a da kòrou karesè.
8Mbata dooudjé kada kada toï ke doudjou dinga, nè ke nsange, nè ninga, nè ke nounda tadeo kei da kòrou karè.
9Aséh doou ke da horosè té, tokou ngonè ke dingao doudjè mbata mourou na karè err wa?
10Aséh tokou nè ndoudjou mbata kaindji na karè li wa?
11Tokou ban, tokou sésè ke etoidjé madjang egeridjé ta kare né ke madji ngansè, Bòsésè ke éh dara ndiki madji wota ta kare né ke madji dèdè ke ndoudjè ang wa?
12Tokou ban, né ke sésè ndikidjé ta kare dooudjé da kesè, edaidjé kedè tokou ban to, mbata yèn to tar ndedji ke prophètedjé.
13Abidjé ke ta deo té ke to ngadji, mbata ta deo ke taaté, ke deo ke to ngeng ang ao loou toudjou té, dèdè ke dao deoè té nto ke baya.
14Mbata ta deo ke to ngadji, ke deo ke to ngeng ao loou tébe té, dèdè ke dinga deo nèn mbaya ang.
15Aïndjé prophètedjé ke ndjè ngem, ke doula koubou bi batidjé ta dé ròsè té, a ke mèdè té dèdè nto ndjakemdjardjé ke boo dadè nya.
16Sésè a geridjédè deo kandé té lodè. Doudja kandé ndouou kake konn té, aséh kandé toungoutisa kourengangeya té wa?
17Tokou ban, kake toï ke to madji an kandè ke madji, a kake ke toudjou mba an kandè ke madjang.
18Kake ke to madji ase kan kandè ke madjang ang, ke kake ke toudjou mbä ase kan kandè ke madji ang to.
19Kake kada kada toï ke an kandè ke madji ang, ntoukadè, diladè pouro.
20Tokou ban sésè a geridjédè deo kandé té lodè.
21Dooudjé toï ke pa arem, Mbaibé Seigneur, Mbaibé Seigneur, da kao béh ko té ke dara ang, sè nè kadaba ke da né ke Bòi ke éh dara ndiki.
22Ndò té ke nou, maredjé baya a pa karem, Mbaibé Seigneur, Mbaibé Seigneur, djèdjè mpa tar ke ri ang wa, djèdjè ntouba ndildjé ke madjang ke ri ang wa, djèdjè nda tokou koula nya ke ri ang wa?
23Tokou ban ma ma pa karedè, Mam ngerésè ndò kada ang, abidjé, ïyamdjé, sè ndjè né da ke madjangdjé.
24Bana dooudjé kada kada toï ke wo tar lom nèn, ke dèdè ngem, dèdè nto tokou ndjè kemkarè ke da kei la do err té.
25Ndi ere ke man ï nya, lél oula nya ounda kein lé, a kei oso ang mbata ndé do err té.
26Dooudjé kada kada toï ke wo tar lom nèn, ke dèdè ngem ang, dèdè nto tokou mbe ke da kei la do nangara té.
27Ndi ere ke man ï nya, lél oula nya ounda kein lé, nè noso ntoudjou toï.
28Tokou Jésus eo ta pa tar nèn mba, mè dooudjé ke baya baya ounda do biä mbata tar ke nè ntòdjou.
29Mbata nè ntòdjoudè tar tokou doou ke éh ke singa ta pa tar, to tokou tar lo ndjè da maketourou ndedjidjé lodè ang.
Currently Selected:
Matthieu 7: KL1960
Highlight
Share
Copy
Want to have your highlights saved across all your devices? Sign up or sign in
© 1960, 2018.
To learn more or sign up for email updates about the mission of BFBS, click here: